చందమామ రావేఫోన్లో ఒదిగిపోవే..
చల్లటి రాత్రి. అందమైన చందమామ. చేతిలో స్మార్ట్ఫోన్. ఫొటో తీయకపోతే ఎలా? అవును. రాత్రిపూట చందమామను కెమెరా
చల్లటి రాత్రి. అందమైన చందమామ. చేతిలో స్మార్ట్ఫోన్. ఫొటో తీయకపోతే ఎలా? అవును. రాత్రిపూట చందమామను కెమెరా కన్నుల్లో బంధించటం ఇప్పుడో ట్రెండ్. కరోనా మహమ్మారి ఆందోళనను తగ్గించుకోవటానికో, తమలోని కళను చూపించుకోవటానికో గానీ చాలామంది దీన్నే అనుసరిస్తున్నారు. తగిన స్మార్ట్ఫోన్ చేతిలో ఉంటే ఇక చెప్పేదేముంది?
రోజులు, నెలలు గడచి పోతున్నాయి. పనులు, ఉద్యోగాలు, చదువులు అన్నీ ఇంటి నుంచే. ఈ పరిస్థితి ఇంకెంత కాలం కొనసాగుతుందో? తమలోని నిరాశా నిస్పృహలు పోగొట్టుకోవటానికి, కాస్త హుషారును సొంతం చేసుకోవటానికి అలా బాల్కనీలోకి రావటం.. చుట్టుపక్కల పరిసరాలను గమనించటం పరిపాటిగా మారిపోయింది. ఆకాశం వంక చూస్తూ.. మిణుకు మిణుకుమనే నక్షత్రాలను, వెన్నెలను కురిపించే జాబిల్లిని పరికిస్తూ.. పనిలో పనిగా తమ కళాత్మక దృష్టికీ చాలామంది పదును పెడుతున్నారు. చందమామ దృశ్యాలను సామాజిక మాధ్యమాల్లో పంచుకుంటూ పరవశించి పోతున్నారు. నిజానికి స్మార్ట్ఫోన్తో జాబిల్లి ఫొటో తీయటం చిన్న విషయమేమీ కాదు. చందమామ చాలా దూరంలో ఉంటాడాయె. కెమెరా లెన్స్ చాలా నాణ్యమైనదైతే తప్ప ఫొటోలో స్పష్టంగా ఒదిగిపోడు. అంటే బేసిక్ టెలీఫొటో లెన్స్ కన్నా మరింత మెరుగైనదే కావాలన్నమాట. చందమామను జూమ్ చేసిన కొద్దీ ప్రకాశవంతంగా కనిపిస్తుంటాడు గానీ దృశ్యం బ్లర్ అవుతుంటుంది. తక్కువ వెలుతురులో మంచి ఫొటో తీయటమూ కష్టమైపోతుంటుంది. మంచి స్మార్ట్ఫోన్ ఉంటే ఇదేమీ పెద్ద కష్టం కాదు. సరేగానీ ఇందుకోసం అనువైన ఫోన్లు ఏం ఉన్నాయి? చాలానే ఉండొచ్చు. కొన్నింటిని పరిశీలిద్దాం.
శామ్సంగ్
గ్యాలక్సీ ఎస్21 అల్ట్రా 5జీ
రెండు టెలీఫొటో లెన్సులు దీని సొంతం. మొదటి లెన్స్ 10ఎంపీ, ఎఫ్/2.4 సామర్థ్యం కలిగుంటుంది. మూడు రెట్ల వరకు దృశ్యాన్ని జూమ్ చేస్తుంది. ఇక రెండో లెన్స్ 10 రెట్ల వరకూ జూమ్ చేస్తుంది. వంద రెట్ల స్పేస్ జూమ్ ఫీచర్తో డిజిటల్గా దృశ్యాలను జూమ్ చేసుకోవచ్చు. ఆటోఫోకస్తో లాక్ చేసి నాణ్యమైన జాబిల్లి ఫొటోను తీసుకోవచ్చు. మొదట్లో కాస్త ఇబ్బందిగా అనిపించొచ్చు గానీ సాధన చేస్తూ ఉంటే క్రమంగా అలవడుతుంది. చీకటిగా ఉన్నా కూడా లోపలి నీడలను దాచేసి మంచి ఫొటోలు తీస్తుంది. అయితే కేవలం రాత్రిపూట ఫొటోలు తీయటానికే ఫోన్ కొనుక్కోవాలా? అంటే ఎవరి ఇష్టం వారిది మరి!
ఐఫోన్
12 ప్రొ మ్యాక్స్
ఇది పెద్ద ఫోన్. ఐఫోన్లలో ఉత్తమమైనదని అనుకున్నా అతిశయోక్తి కాదు. 2.5 రెట్లు జూమ్తో స్పష్టంగా ఫొటోలు తీసి పెడుతుంది. మిగతా వాటితో పోలిస్తే దీని ప్రత్యేకత లైడర్ స్కానర్. ఆయా వస్తువులు, కెమెరా మధ్య దూరాన్ని ఇది కచ్చితంగా కొలుచుకుంటుంది. దీంతో మంచి ఆటోఫోకస్ సాధ్యమవుతుంది. వేగంగా పనిచేసే లెన్స్, ప్రాసెసింగ్ పవర్ మూలంగా చిన్న చిన్న వివరాలు కూడా స్పష్టంగా గోచరిస్తాయి. రాత్రి వేళల్లోనూ నాణ్యమైన వీడియో తీసుకునే వెసులుబాటు ఉండటం విశేషం.
వన్ ప్లస్
9 ప్రొ
ఖగోళ శాస్త్రవేత్తలు ఉపయోగించే కెమెరాలను తయారుచేసే హాసిల్బ్లాడ్ కంపెనీ భాగస్వామ్యంతో రూపొందిన కెమెరా వ్యవస్థ దీని సొంతం. అందుకేనేమో రాత్రిపూట చందమామ దృశ్యాలను చాలా స్పష్టంగా, ప్రకాశవంతంగా ఒడిసిపడుతుంది. ఇందులో 30 రెట్ల డిజిటల్ జూమ్ పరిజ్ఞానం ఉంది. చాలా వేగంగా దృశ్యాన్ని పట్టుకుంటుంది. దీని అల్ట్రా వైడ్ లెన్స్ మూలంగా అంచుల వద్ద ఎలాంటి కొరుకులు లేకుండా ఫొటోలు తీయొచ్చు.
కొన్ని చిట్కాలు
* జాబిల్లి ఫొటోలు తీయాలంటే ట్రైపాడ్ సాయం తీసుకోవటం మంచిది. జూమ్ చేశాక దృశ్యం స్థిరంగా ఉండటానికిది తోడ్పడుతుంది.
* ఆండ్రాయిడ్ ఫోన్లలో తక్కువ వెలుతురులో ఫొటో తీయాలంటే థర్డ్ పార్టీ యాప్లతో జూమ్ చేసుకోవటం మేలు.
* జాబిల్లి కాంట్రాస్ట్లో ఉంటే ప్రొ సెట్టింగ్స్లోకి వెళ్లాలి. ఐఎస్ఓను తగ్గించుకోవాలి. ఆర్ఏడబ్ల్యూ ఫైల్ టైప్ను ఎంచుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.
తాజా వార్తలు (Latest News)
-
ప్రైవేటు ఆస్తి.. సమాజ వనరు కాదని అనలేం: సుప్రీంకోర్టు వ్యాఖ్య
-
పతి దేవుడికి గుడి కట్టింది!
-
ఐపీఎల్లో భారీ స్కోర్లు అందుకే..: శుభ్మన్ గిల్
-
ఈనాడు.నెట్లో టాప్ 10 వార్తలు @ 9 AM
-
శరీర బరువు తగ్గించే శస్త్రచికిత్సకు వెళ్లి..
-
సీఎంపై గులకరాయి వేసినా పట్టుకుంటారు... ఆయన బాబాయ్ను గొడ్డలితో నరికినా పట్టదా?