చెక్క ఉపగ్రహం
ఉపగ్రహాలు అనగానే లోహాలతో తయారుచేసినవే గుర్తుకొస్తాయి. మరి చెక్కతో చేసిన ఉపగ్రహాల గురించి విన్నారా? అయితే ఇది చదవాల్సిందే. అప్పుడెప్పుడో 1957లో స్పుత్నిక్ ఉపగ్రహాన్ని...
ఉపగ్రహాలు అనగానే లోహాలతో తయారుచేసినవే గుర్తుకొస్తాయి. మరి చెక్కతో చేసిన ఉపగ్రహాల గురించి విన్నారా? అయితే ఇది చదవాల్సిందే. అప్పుడెప్పుడో 1957లో స్పుత్నిక్ ఉపగ్రహాన్ని ప్రయోగించినప్పట్నుంచి ఎన్నో దేశాలు ఎన్నో ఉపగ్రహాలను అంతరిక్షంలోకి పంపిస్తూనే ఉన్నాయి. ప్రస్తుతం భూ దిగువ కక్ష్యలో వందల కొద్దీ చిన్న, మధ్యతరహా, భారీ ఉపగ్రహాలు నిండిపోయాయి. వీటి మూలంగా పెద్ద మొత్తంలో ప్లాస్టిక్, లోహ, మూలకాల వ్యర్థాలు అంతరిక్షంలో పేరుకుపోతూ వస్తున్నాయి. ఈ నేపథ్యంలో ఆర్కిటిక్ ఆస్ట్రోనాటిక్స్ సంస్థ సహ వ్యవస్థాపకుడు జరి మకినెన్ కాస్త భిన్నంగా ఆలోచించాడు. చెక్క ఉపగ్రహాలను ఎందుకు ప్రయోగించకూడదని అనుకున్నాడు. జరి మకినెన్ ఫిన్లాండ్ రచయిత. ప్రసారకర్త (బ్రాడ్కాస్టర్) కూడా. విద్య, శిక్షణ అవసరాల కోసం ఆర్కిటిక్ ఆస్ట్రోనాటిక్స్ సంస్థ ఉపగ్రహాలు రూపొందిస్తుంటుంది. ఈ క్రమంలోనే ఐరోపా స్పేస్ ఏజెన్సీతో కలిసి వీసా వుడ్శాట్ని జూన్ 12న ఫిన్లాండ్లో ప్రయోగాత్మకంగా ప్రయోగించారు. 10 సెంటీమీటర్ల ఈ నానో ఉపగ్రహం ఉపరితల ప్యానెళ్లని ప్లైవుడ్తో రూపొందించటం విశేషం. మూలల్లోని అల్యూమినియం రాడ్లు, మెటల్ సెల్ఫీ స్టిక్ తప్ప ఉపగ్రహం ఉపరితలం మొత్తం చెక్కే! హార్డ్వేర్ దుకాణాల్లో దొరికే, ఇళ్లలో ఫర్నిచర్లకి వాడే బిర్క్ చెట్టు చెక్కనే దీని తయారీకి వాడినట్టు వుడ్శాట్ చీఫ్ ఇంజనీర్, ఆర్కిటిక్ ఆస్ట్రోనాటిక్స్ సహ వ్యవస్థాపకులు ఎస్.నైమన్ పేర్కొంటున్నారు. నిజానికి బిర్క్ చెక్కలో తేమ ఎక్కువగా ఉంటుంది. అందువల్ల దీన్ని ముందుగా థర్మల్ వ్యాక్యూమ్ గదిలో పెట్టి ఎండించారు. అనంతరం దీనిలోంచి ఎలాంటి ఆవిరి బయటకు రాకుండా, అంతరిక్షంలోని అటమిక్ ఆక్సిజన్ ప్రభావానికి ఉపగ్రహం దెబ్బతినకుండా అతి పలుచటి అల్యూమినియం ఆక్సిడైజర్ పొరతో చుట్టేశారు. దీంతో తయారుచేసిన ఉపగ్రహాన్ని ఒక బుడగ సాయంతో స్ట్రాటోస్పియర్ వరకు విజయవంతంగా పంపించగలిగారు. వుడ్శాట్ 31.2 కిలోమీటర్ల ఎత్తుకు వెళ్లాక బుడగ పగిలిపోయింది. ఆ తర్వాత ఉపగ్రహం పారాచ్యూట్ సాయంతో భూమ్మీదకి దిగింది. ముఖ్యంగా బూమ్కు అమర్చిన కెమెరాతో ఫొటోలు తీయటాన్ని పరీక్షించటానికి ఈ ప్రయోగాన్ని నిర్వహించారు. ప్రయోగం ఆరంభం నుంచే సెల్ఫీ స్టిక్ను తెరచి ఉంచారు. ఉపగ్రహం దానంతట అదే ప్రతి ముప్పై సెకన్లకు ఒక ఫొటో తీయటం గమనార్హం. భూమ్మీద ఉన్న కేంద్రం నుంచి అదనంగా మరిన్ని ఫొటోలు తీసేలా కూడా చేశారు. అత్యధిక ఉష్ణం, చల్లదనం, రేడియేషన్ లాంటి తీవ్ర అంతరిక్ష పరిస్థితుల్లో చెక్క ఉపగ్రహాలు ఎలా పనిచేస్తాయన్నదాని మీద మరిన్ని పరిశోధనలు చేయాల్సి ఉందని పరిశోధకులు చెప్పారు. మొత్తానికి ఈ ఏడాది చివరి నాటికి పూర్తిస్థాయి చెక్క ఉపగ్రహాన్ని ప్రయోగిస్తామని అంటున్నారు. ఇదే నిజమైతే అంతరిక్షంలో ఇకపై చెక్క ఉపగ్రహాలూ చక్కర్లు కొడతాయన్నమాట.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా