Updated : 01 Dec 2021 06:11 IST

అదనపు తెరతో ఐఫోన్‌!

కొత్త ఐఫోన్‌ మరో స్లైడర్‌ స్క్రీన్‌తో రానుందా? కాన్సెప్ట్స్‌ ఐఫోన్‌ విడుదల చేసిన తాజా డిజైన్‌ ట్రైలర్‌ చూస్తుంటే ఇది నిజమేనని అనిపిస్తోంది. వచ్చే ఐఫోన్‌ 14, ఐఫోన్‌ 14 ప్రొ పరికరాలు మరింత సౌకర్యంగా ఉండటం ఖాయమని తోస్తోంది. కొత్త ఐఫోన్‌ అనగానే ఎలాంటి వినూత్న ఫీచర్లతో అలరిస్తాయోననే ఆసక్తి అందరి మదిలోనూ మెదులుతుంది. రాబోయే ఐఫోన్లు సైతం ఇప్పట్నుంచే అలాంటి ఉత్సుకతను రేకెత్తిస్తున్నాయి. ఇవి సెకండరీ స్లైడర్‌ స్క్రీన్‌తో పాటు గాలితో.. అంటే వైర్‌లెస్‌ ఛార్జింగ్‌ పరిజ్ఞానంతోనూ ముస్తాబు కానున్నాయి మరి. ఫోన్‌ను అడ్డంగా పట్టుకొని మీది తెరను పైకి జరిపితే కింది తెర కీబోర్డుగా, గేమింగ్‌ కంట్రోల్‌గా ఉపయోగపడుతుంది. అంతేకాదు, తెర మీద పనులు చేసుకోవటానికి మరింత స్పేస్‌ కూడా లభిస్తుంది. ఒకే సమయంలో రెండు తెరలనూ వాడుకోవచ్చు. ఛార్జింగ్‌ స్టాండ్‌, కేబుళ్ల జంజాటం లేకుండా గాలి ద్వారానే ఫోన్లు ఛార్జ్‌ అవుతాయి. గతంలోనూ యాపిల్‌ సంస్థ ఇలాంటి సదుపాయం కల్పించినప్పటికీ తాజా పరిజ్ఞానంతో దూరం నుంచీ ఫోన్లను ఛార్జ్‌ చేసుకోవచ్చు. సాకెట్‌కు ఛార్జర్‌ను పెట్టి ఉంచితే గదిలో ఎక్కడ్నుంచైనా ఫోన్‌ ఛార్జ్‌ అవుతుంది. ఫేస్‌ ఐడీ, టచ్‌ ఐడీ భద్రత.. ఏ16 బయోనిక్‌ స్మార్ట్‌ఫోన్‌ చిప్‌తో కూడిన ఇవి తెలుపు, నారింజ, ముదురు నీలం, నలుపు, సింధూర వర్ణాల్లో అలరించనున్నాయి. డేటా మార్పిడి, ఛార్జింగ్‌ కోసం యూఎస్‌బీ టైప్‌-సి కనెక్టర్‌తోనూ కూడి ఉంటాయి. ఐరోపా సమాఖ్య కొత్త నిబంధనల మేరకు ఈ యూఎస్‌బీని అందుబాటులోకి తేనున్నట్టు తెలుస్తోంది. ఐఫోన్‌ 14 మోడల్‌ 1 టీబీ, ప్రొ మోడల్‌ 2 టీబీ స్టోరేజీ కలిగి ఉండొచ్చు. కెమెరా మరింత మెరుగవ్వనుంది. ముఖ్యంగా చాలా విమర్శలు ఎదుర్కొన్న బంప్‌ను తొలగించనున్నారు.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని