Updated : 08/12/2021 06:30 IST

ఆధునిక కాల బ్రౌజర్‌ బ్రేవ్‌

బ్రౌజర్‌ అనగానే క్రోమ్‌, సఫారీ, ఎడ్జ్‌, ఫైర్‌ఫాక్స్‌ వంటివే గుర్తుకొస్తాయి. ఇలాంటి పెద్ద కంపెనీల బ్రౌజర్లు వినియోగదారుల డేటా భద్రతకు, హ్యాకర్ల దాడులను తప్పించటానికి అవసరమైన సదుపాయాలూ కల్పిస్తాయి. అయితే అన్నిసార్లూ ఇవి గోప్యతను పూర్తిగా కాపాడలేకపోవచ్చు. సెర్చ్‌ ఇంజిన్‌ డేటాను సంరక్షించుకోవటానికి ప్రైవసీ సెట్టింగులను నిర్ణయించుకోవాల్సి ఉంటుంది. అవసరమైతే భద్రతను కల్పించే ఎక్స్‌టెన్షన్లనూ ఎంచుకోవాల్సి రావొచ్చు. ఇలాంటి జంజాటాలేవీ వద్దనుకునేవారు ‘బ్రేవ్‌’ బ్రౌజర్‌ను ప్రయత్నించి చూడొచ్చు. ఆధునిక యుగం బ్రౌజర్‌గా పేరొందుతున్న ఇది గోప్యతను కాపాడటం మీద ప్రత్యేక దృష్టి సారిస్తుంది. ప్రకటనలను అడ్డుకుంటుంది. మన వ్యవహారాలను గమనించే థర్డ్‌ పార్టీ కుకీస్‌ను, ట్రాకర్లను కూడా అడ్డుకుంటుంది. అయితే ఆయా ప్రకటనలు, కుకీస్‌ను బ్లాక్‌ చేయకుండా నిర్ణయించుకోవటానికీ వీలుంటుంది. మరి అన్ని ప్రకటనలను బ్రేవ్‌ అడ్డుకుంటే కంటెంట్‌ను సృష్టించే వెబ్‌సైట్లకు ఆదాయం ఎక్కడ్నుంచి వస్తుంది? దీనికీ బ్రేవ్‌ దగ్గర పరిష్కారముంది. మనం ఏదైనా వెబ్‌సైట్‌ను చూసినప్పుడు పబ్లిషర్లకు, కంటెంట్‌ రచయితలకు అజ్ఞాతంగా క్రిప్టోకరెన్సీ రూపంలో కొంత మొత్తం చెల్లిస్తుంది. అంతేకాదు.. బ్రేవ్‌కు సొంత సెర్చ్‌ ఇంజిన్‌ కూడా ఉంది. దీని బీటా వర్షన్‌ విడుదలైంది. క్రోమ్‌ ఫ్రేమ్‌వర్క్‌ మీద బ్రేవ్‌ బ్రౌజర్‌ ఆధారపడటం వల్ల క్రోమ్‌ ఎక్స్‌టెన్షన్లన్నీ ఇందులోనూ పనిచేస్తాయి. ఎక్స్‌టెన్షన్లు, థీమ్స్‌ కోసం క్రోమ్‌ వెబ్‌ స్టోర్‌కే రావాల్సి ఉంటుంది.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని