అనిశ్చితి దాటుకొని.. ఆశలోకి!
ఒకవైపు రేపు ఎలా ఉంటుందోనన్న అనిశ్చితి. మరోవైపు మనస్ఫూర్తిగా నలుగురితో మాట్లాడలేని స్థితి. పనులు, ఉద్యోగాలన్నీ ఇంటి నుంచే. ఇది చాలదన్నట్టు దిగ్బంధనాలు. చాలావరకు 2021 ఇలాంటి స్థితితోనే గడిచింది. అయితేనేం? శాస్త్రరంగం నిరాశ పడలేదు. తరగని ఉత్సాహంతోనే పరుగులు తీసింది.
ఒకవైపు రేపు ఎలా ఉంటుందోనన్న అనిశ్చితి. మరోవైపు మనస్ఫూర్తిగా నలుగురితో మాట్లాడలేని స్థితి. పనులు, ఉద్యోగాలన్నీ ఇంటి నుంచే. ఇది చాలదన్నట్టు దిగ్బంధనాలు. చాలావరకు 2021 ఇలాంటి స్థితితోనే గడిచింది. అయితేనేం? శాస్త్రరంగం నిరాశ పడలేదు. తరగని ఉత్సాహంతోనే పరుగులు తీసింది. కొంగొత్త అధ్యయనాలతో, వినూత్న ఆవిష్కరణలతో పరిశోధకులు అద్భుత విజయాలు సాధించారు. ఇందుకు ఉదాహరణలు ఇవిగో..
మహా విశ్వ దర్శిని
విశ్వ ఆవిర్భావం తొలినాళ్లను చూడటానికి వీలు కల్పించే ‘జేమ్స్ వెబ్ స్పేస్ టెలిస్కోప్’ ప్రయోగం అంతరిక్ష పరిశోధనలో కొత్త అధ్యాయం సృష్టించింది. టైమ్ మిషన్ తరహాలో ఖగోళ రహస్యాలను ఛేదించటానికిది తోడ్పడనుంది. నాలుగు శతాబ్దాల ఆవిష్కరణలను కేవలం పదేళ్లలోనే ఇది మన ముందుంచగలదని భావిస్తున్నారు.
అందెను చూడు అందని సూరీడు
చరిత్రలో తొలిసారిగా నాసాకు చెందిన పార్కర్ సోలార్ ప్రోబ్ ఇటీవల సూర్యుడి బాహ్య వాతావరణ పొర ‘కరోనా’ను తాకింది. సూర్యుడి నుంచి వెలువడే రేణువులను, అయస్కాంత క్షేత్రం నమూనాలను సేకరించింది. సూర్యుడికి సంబంధించిన కీలక సమాచారాన్ని, సౌర వ్యవస్థపై సూర్యుడి ప్రభావాన్ని విశ్లేషించటానికిది తోడ్పడనుంది.
మాటలకు అనుగుణంగా రోబో పెదాలు
రోబోలు రోజురోజుకీ మనుషుల్లా మారిపోతున్నాయి. మనలాగే హావభావాలు ప్రదర్శించటం, మాట్లాడటం నేర్చుకుంటున్నాయి (హ్యూమనాయిడ్). కాకపోతే మాట్లాడుతున్నప్పుడు పదాలకు అనుగుణంగా వీటి పెదాలు కదలవు. దీంతో మాటలు కృత్రిమంగా కనిపిస్తాయి. దీన్ని సరిచేయటంలోనూ ఎడిన్బరో నేపియర్ యూనివర్సిటీ శాస్త్రవేత్తలు విజయం సాధించారు. 3డీ యానిమేటెడ్ పాత్రల కోసం రూపొందించిన పరిజ్ఞానాన్ని రోబోకు జోడించారు మరి. ఇది మాట తీరును గుర్తించే ఆల్గోరిథమ్ సాయంతో దవడ, పెదాల కదలికలను అంచనా వేసుకుంటుంది. ముఖం కదలికలను కచ్చితంగా అనుకరిస్తూ మాట్లాడేస్తుంది. ఇలాంటి రోబోలు మున్ముందు ప్రజలకు బాగా ఉపయోగపడగలవని ఆశిస్తున్నారు.
మధుమేహం మటుమాయం
మధుమేహం ఒకసారి వచ్చిందంటే నయమయ్యేది కాదు. నియంత్రణలో ఉంచుకోవటం తప్పించి మరేమీ చేయలేం. ఇన్సులిన్ లోపంతో తలెత్తే టైప్1 మధుమేహులైతే తప్పనిసరిగా ఇన్సులిన్ ఇంజెక్షన్లు తీసుకోవాల్సిందే. మరి టైప్1 మధుమేహం పూర్తిగా నయమైతే? అద్భుతమే కదా. పరిశోధకులు ఇలాంటి అద్భుతాన్నే సుసాధ్యం చేశారు. ఒక ప్రయోగ పరీక్షలో భాగంగా 64 ఏళ్ల వ్యక్తికి వినూత్న చికిత్సతో దీన్ని సాధించారు. మూలకణాల సాయంతో ఇన్సులిన్ను ఉత్పత్తి చేసే కణాలను రూపొందించి లోపల అమర్చారు. దీంతో అతడి శరీరమే సొంతంగా ఇన్సులిన్ను తయారుచేసుకోవటం ఆరంభించింది. ఐదేళ్ల అధ్యయనంలో ఇదొక భాగం కావటం వల్ల దీర్ఘకాలంలో ఎలాంటి ఫలితం కనిపిస్తుంది? దుష్ప్రభావాలేవైనా ఉంటాయా? అనేది ఇప్పుడప్పుడే చెప్పలేం. కానీ ఇప్పటికైతే ఆశాజనకంగానే కనిపిస్తోంది. ఇది సాకారమైతే ఎంతోమంది టైప్1 మధుమేహులకు కొత్త జీవితం లభించినట్టే.
ఆలోచనలతోనే మౌస్ క్లిక్
ఆలోచనలతోనే ట్యాబ్లెట్ మీద టైప్ చేస్తే? ఊహించుకోవటానికే ఆశ్చర్యంగా ఉంది కదా. బ్రెయిన్-కంప్యూటర్ ఇంటర్ఫేస్ (బీసీఐ) పరిజ్ఞానంతో ఇది సాధ్యమే. కేవలం శరీరాన్ని కదిలిస్తున్నామనే ఆలోచనతోనే రోబో చేతులు, చక్రాల కుర్చీలు, కీప్యాడ్లు, ఇతర పరికరాలను కదిలించొచ్చు. పక్షవాతం బారినపడ్డవారికిది ఎంతగానో ఉపయోగపడుతుంది. కాకపోతే బీసీఐ పరిజ్ఞానం చాలావరకు ప్రయోగశాలలకే పరిమితమైపోయింది. ఎందుకంటే వ్యక్తుల తల నుంచి కంప్యూటర్ ద్వారా బీసీఐ పరికరానికి అనుసంధానించటానికి చాలా తీగలు అవసరం. అయితే బ్రెయిన్గేట్ అనే సంస్థ పరిశోధకులు తొలిసారిగా నిస్తంత్రి విధానంతో పనిచేసే కొత్త బీసీఐ పరికరాన్ని రూపొందించారు. దీని సాయంతో తీగలు అవసరం లేకుండానే శరీరం చచ్చుబడినవారి మెదడు నుంచి అందే సంకేతాలతో పరికరాన్ని పని చేయించారు. దీంతో కేవలం ఆలోచనలతోనే ట్యాబ్లెట్ మీద కచ్చితంగా, వేగంగా టైప్, క్లిక్ చేయటం గమనార్హం. ఇది విస్తృతంగా అందుబాటులోకి రావటానికి ఇంకా ఎక్కువ పరిశోధన చేయాల్సిన అవసరమున్నప్పటికీ ఒక గొప్ప ముందడుగైతే పడింది.
కోతి పిండంలో మానవ కణాలు
వివాదాస్పదమే కావచ్చు. కానీ సాహసోపేతం. అవును. ఇతర జీవుల్లో మానవ కణాలను ప్రవేశపెట్టటమంటే మాటలా? సాల్క్ ఇన్స్టిట్యూట్ శాస్త్రవేత్తలు ఆ ఘనతే సాధించారు. మనుషుల మూల కణాలను కోతి పిండాల్లో ప్రవేశ పెట్టారు. ఇవి ప్రయోగశాలలో 20 రోజుల వరకు మనుగడ సాగించాయి కూడా. ఇలాంటి పిండాలు ఇంతకు ముందెన్నడూ ఇంత ఎక్కువకాలం జీవించలేదు. మానవ కణాల్లో సమాచార మార్గాలూ పుట్టుకు రావటం గమనార్హం. మనిషి, కోతి కణాల కలయికతో కూడిన ఈ జీవులను ‘చిమెరా’ అని పిలుచుకుంటున్నారు. ఇంతకీ ఈ ప్రయోగం ఎందుకు చేశారో తెలుసా? నైతిక ప్రమాణాలను ఉల్లంఘించకుండానే జబ్బులు, కొత్త మందుల అధ్యయనానికి ‘నమూనా’ మానవ కణాలు సృష్టించటానికి. అవయవ మార్పిడికి అవసరమైన కొత్త అవయవాలను వృద్ధి చేయటానికీ ఇది వీలు కల్పిస్తుంది. గతంలో గొర్రెలు, పందులపై ఇటువంటి ప్రయోగాలు చేసినప్పటికీ చిమెరాలు ఎక్కువకాలం బతకలేదు. పరిణామక్రమం దృష్ట్యా మనకు వానరాలతో దగ్గరి సంబంధముంది. అందువల్ల మానవేతర వానరాలతో మానవ కణాలను జత చేయటంతో పుట్టుకొచ్చే నమూనాలపై చేసే ప్రయోగాల్లో కచ్చితమైన ఫలితాలు వెల్లడవుతాయి. జంతువుల్లో మానవ అవయవాలను సృష్టించి, వాటిని అవయవ మార్పిడికి (జెనోట్రాన్స్ప్లాంటేషన్) వాడుకోవాలని ఎప్పట్నుంచో ప్రయత్నిస్తున్నారు. ఇటీవల పంది మూత్రపిండాలను మనుషులకు మార్పిడి చేశారు కూడా. అయితే జంతువుల్లో కాకుండా ప్రయోగశాలలోనే మానవ కణాలతో అవయవాలను సృష్టించగలిగితే? తాజా పరిశోధనతో ఇందుకు ఓ ముందడుగు పడ్డట్టేనని, దీంతో నైతిక విలువలకూ భంగం కలగకపోవచ్చని భావిస్తున్నారు.
క్రిస్ప్ఆర్ మాయాజాలం
జన్యు సవరణ రంగంలో మరో ముందడుగు పడింది. అరుదైన జన్యు జబ్బుతో బాధపడుతున్న వ్యక్తి రక్తంలోకి శాస్త్రవేత్తలు క్రిస్ప్ఆర్ కాస్ 9 జన్యు ఎడిటర్ను నేరుగా ఇంజెక్ట్ చేశారు. సాధారణంగా క్రిస్ప్ఆర్ పద్ధతిలో రోగి నుంచి కణాలను వెలికి తీసి, ప్రయోగశాలలో సవరించి, తిరిగి శరీరంలో ప్రవేశపెడతారు. ఇది ఖరీదైన పద్ధతి. సమయమూ ఎక్కువే పడుతుంది. కొన్నిసార్లు రోగికి కీమోథెరపీ ఇవ్వాల్సి వస్తుంది కూడా. దీంతో పోలిస్తే కొత్త చికిత్స త్వరగా పూర్తవుతుంది. ఫలితమూ ఎక్కువగానే ఉంటుంది. అవయవాల్లో, కణజాలాల్లో పేరుకునే వినాశకర ప్రొటీన్ల సంఖ్య పెద్దమొత్తంలో తగ్గటం విశేషం. నయం కాని అరుదైన జబ్బుల చికిత్సలో ఇది ఎంతగానో ఉపయోగపడగలదని భావిస్తున్నారు.
అంగారకుడి వత్సరం
ఖగోళ ప్రయోగాల పరంగా ఇది అంగారకుడి వత్సరం అనుకోవచ్చు. భూమి, అంగారకుడి కక్ష్య అమరిక అనుకూలంగా ఉండే సమయం కావటం వల్ల గత ఫిబ్రవరిలో ఏకంగా మూడు ప్రయోగాలు జరిగాయి మరి. ముందుగా ఫిబ్రవరి 9న యూఏఈకి చెందిన హోప్ ఆర్బిటర్ అంగారకుడి కక్ష్యలోకి అడుగు పెట్టింది. గత, ప్రస్తుత వాతావరణాలను అధ్యయనం చేయటం దీని ఉద్దేశం. ఇది ఆయా ప్రాంతాలను ఒకే సమయంలో పరిశీలిస్తుంది. రోజంతా తలెత్తే వాతావరణ మార్పులను నమోదు చేస్తుంది. ఇలా రోజు, నెల, సంవత్సరాల వారీగా అక్కడి వాతావరణం ఎలా ఉందో సమగ్రమైన చిత్రాన్ని రూపొందిస్తుంది. ఫిబ్రవరి 10న చైనాకు చెందిన టియాన్వెన్-1 వ్యోమనౌక అంగారకుడి కక్ష్యలోకి ప్రవేశించింది. ఇది రెండు నెలల పాటు అక్కడే చక్కర్లు కొట్టి మే 2న ఝురాంగ్ రోవర్ను ఉటోపియా ప్లానిషియా వద్ద అంగారకుడి మీద దింపింది. భూమి నుంచి అంగారకుడి మీది పరికరాలను పనిచేయించే సామర్థ్యాన్ని అంచనా వేయటానికి చైనా వీటిని ప్రయోగించింది. ఇక అన్నింటికన్నా పెద్ద ప్రయోగం నాసాకు చెందిన పసివియెరెన్స్ లాండర్. ఇది ఫిబ్రవరి 18న మార్స్ మీద దిగింది. ఒకప్పటి నదీ తీరంగా భావిస్తున్న జెజెరో క్రేటర్ వద్ద కాలుమోపిన ఇది అక్కడ నీటి జాడలు, ఆవాస యోగ్యతలపై అధ్యయనం చేస్తుంది. దీనికి నేలను తవ్వే సామర్థ్యమూ ఉంది. దీంతో మట్టి, రాళ్ల నమూనాలను సేకరిస్తుంది. ఇప్పటికే ఒక రాతి నమూనాను సేకరించింది. రెండేళ్ల పాటు అక్కడే ఉండే ఇది మొత్తం 23 రాళ్ల నమూనాలను సంగ్రహించి, భూమికి తీసుకొస్తుంది. పసివియెరెన్స్తో పాటు డ్రోన్ మాదిరిగా ఉండే ఇంజెన్యూటీ హెలికాప్టర్ సైతం అంగారకుడి వద్దకు వెళ్లింది. పలుచటి అంగారకుడి వాతావరణంలో ఎగురుతూ ప్రయాణించే అవకాశాలను పరిశీలించటం దీని ఉద్దేశం. ఇప్పటికే 12 సార్లు అక్కడ చక్కర్లు కొట్టేసింది. ఇది తన కెమెరాతో పసివియెరెన్స్కు దారి చూపిస్తుంది. ఎదురుగా ఏవైనా అడ్డు తగిలే అవకాశముంటే హెచ్చరిస్తుంది.
సరికొత్త కృత్రిమ గుండె
కృత్రిమ గుండె రూపకల్పన కోసం పరిశోధకులు 50 ఏళ్లుగా కృషి చేస్తున్నారు. ఈ దిశగా ఆస్ట్రేలియా పరిశోధకుల వినూత్న పరికరం సరికొత్త ఆశలు రేపుతోంది. దీని పేరు బివాకోర్. ఇది అచ్చం గుండె మాదిరిగా పనిచేయటమే కాదు.. సమర్థంగా, నిలకడగానూ శరీరం మొత్తానికి రక్తాన్ని పంప్ చేస్తుంది. టైటానియంతో తయారుచేసిన ఈ కృత్రిమ గుండె స్పిన్నింగ్ డెస్క్ పరిజ్ఞానంతో పనిచేస్తుంది. దీనిలోని పంపింగ్ యంత్రం అయస్కాంతం మధ్యలో తేలుతూ ఉంటుంది. ప్రస్తుతానికి దీన్ని జంతువులకు, గుండె మార్పిడి చేయించుకున్నవారికి తాత్కాలికంగా అమర్చి పరీక్షించారు. త్వరలో మనుషులపై ప్రయోగ పరీక్షలు నిర్వహించనున్నారు. ఇది సఫలమైతే గుండెమార్పిడి అవసరం అయినవారికి అధునాత పరికరం అండ దొరికినట్టే.
చేతులు, భుజం మార్పిడి
రెండు చేతులు, పాక్షిక ముఖ మార్పిడితో చరిత్ర సృష్టించిన శస్త్రచికిత్స నిపుణులు జీన్ మైఖేల్ డుబర్నార్డ్ మరో సంచలనం సృష్టించారు. ఆయన గత జనవరిలో ప్రపంచంలోనే తొలిసారిగా ఒక వ్యక్తికి రెండు చేతులను, భుజాన్ని మార్పిడి చేశారు. ఐస్లాండ్కు చెందిన ఫెలిక్స్ గ్రెటార్సన్ 1998లో జరిగిన విద్యుత్ ప్రమాదంలో రెండు చేతులను పోగొట్టుకున్నారు. చేతులు, భుజం మార్పిడి తర్వాత ఆయన మోచేయిని వంచటం, వస్తువులు పట్టుకోవటం, మనవరాలిని ఎత్తుకోవటం వంటి పనులు చేస్తున్నారు. ఈ ఆపరేషన్ మున్ముందు మరింత అధునాతనంగా మారగలదని నిపుణులు భావిస్తున్నారు. దురదృష్టవశాత్తు డుబర్నార్డ్ గత జులైలో మరణించారు గానీ గ్రెటార్సన్కు కొత్త జీవితాన్ని ఇచ్చి వెళ్లారు.
తిరిగి కొత్త శరీరం
బల్లి తోక తెగిపోతే తిరిగి కొత్తది మొలవటం తెలిసిందే. చాలా జంతువులు ఇలా కోల్పోయిన అవయవాలను తిరిగి సృష్టించుకుంటాయి (ఆటోటమీ). కానీ మొత్తం శరీరాన్నే పునః సృష్టించుకుంటే? కొన్ని సీ స్లగ్ ప్రాణులు ఇలాగే చేస్తున్నట్టు జపాన్ శాస్త్రవేత్త ఒకరు గుర్తించారు. ఇవి ఏదో ఒక భాగాన్ని కాదు.. గుండెతో పాటు మొత్తం మొండాన్ని ఉద్దేశపూర్వకంగా వదిలించుకొని, తిరిగి సృష్టించుకోవటం విశేషం. మొండాన్ని వదిలించుకున్నప్పుడు తల మాత్రమే ఉంటుందన్నమాట. కొన్ని వారాల్లోనే మళ్లీ మొండాన్ని పూర్తిగా సృష్టించుకుంటుంది. ఆల్గేను తిని జీవించే సీ స్లగ్కు మొక్కల మాదిరిగా కిరణజన్య సంయోగక్రియ జరిపే సామర్థ్యం ఉండటం మూలంగానే ఇది సాధ్యమవుతుండొచ్చని భావిస్తున్నారు. ఇతర ప్రాణుల దాడి నుంచి కాపాడుకోవటానికి లేదా కింది భాగాలకు పరాన్నజీవుల ఇన్ఫెక్షన్ సోకితే మనుగడ సాగించటానికి సీ స్లగ్ ఇలా మొండాన్ని వదిలించుకుంటుండొచ్చని అనుకుంటున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.
తాజా వార్తలు (Latest News)
-
భద్రాచలంలో కనులపండువగా శ్రీరామ మహా పట్టాభిషేకం
-
ఫస్ట్ టైమ్ ఓటర్లకు ఎయిరిండియా ఎక్స్ప్రెస్ ఆఫర్
-
పెద్ద కోటల్లో ఉండే జగన్.. ఎన్నికల వేళ బయటకు వస్తున్నారు: షర్మిల
-
ఎన్నికల ప్రక్రియ పవిత్రంగా ఉండాలి: సుప్రీంకోర్టు
-
వివేకా వ్యక్తిగత జీవితాన్ని బయటపెట్టి తీవ్రంగా అవమానిస్తున్నారు: సునీత
-
జాబిల్లిపై చైనా ముందే కాలుమోపితే.. అక్రమణలే: నాసా అధిపతి వ్యాఖ్యలు