వాట్సప్‌ గ్రూప్‌లో మరో కొత్త ఫీచర్‌

వాట్సప్‌ గ్రూప్‌లో ఎవరో ఏదో మెసేజ్‌ పెట్టారు. అది అభ్యంతరకరంగా ఉంది. అయినా సభ్యులు తొలగించలేదు. ఇలాంటి పరిస్థితుల్లో గ్రూప్‌ అడ్మిన్లకే  మెసేజ్‌లను తొలగించే సదుపాయం ఉంటే? త్వరలో వాట్సప్‌ ఈ ఫీచర్‌ను అందుబాటులోకి తేనుంది. వాట్సప్‌ కొత్త అప్‌డేట్‌తో ఇదీ వినియోగంలోకి వస్తుంది. గ్రూప్‌లో ఇతర సభ్యులు పెట్టిన మెసేజ్‌లను అడ్మిన్లు తొలగించినప్పుడు దాన్ని అడ్మిన్‌ డిలీట్‌ చేశారనీ కనిపిస్తుంది. ఇది అందుబాటులోకి వస్తే అభ్యంతరకర సందేశాలను తొలగించటం అడ్మిన్లకు తేలికవుతుంది. ఇదిలాఉండగా- డెస్క్‌టాప్‌ యాప్‌, వెబ్‌ వర్షన్లకు రెండు అంచెలా ధ్రువీకరణ సదుపాయం కల్పించాలనీ వాట్సప్‌ భావిస్తోంది. ఇప్పటికే మొబైల్‌ యాప్‌ వర్షన్‌కు రెండంచెల ధ్రువీకరణ పద్ధతి అందుబాటులో ఉంది.