జిఫ్ సృష్టికర్తలు మీరే!
ఎలాంటి భావాలను వ్యక్తం చేయటానికైనా ఎమోజీలను ఎడపెడా వాడేస్తుంటాం. ఈ మధ్యన యానిమేటెడ్ జిఫ్స్ వాడకమూ పెరుగుతోంది. వీటిల్లో టెక్స్ట్ సందేశాలను జొప్పిస్తూ సూటిగా భావాలను వ్యక్తం చేయటం, ఎత్తి పొడవటం ఎక్కువైంది. ఇక వీటిని మనమే తయారుచేసుకుంటే ఆ మజానే వేరు.
ఎలాంటి భావాలను వ్యక్తం చేయటానికైనా ఎమోజీలను ఎడపెడా వాడేస్తుంటాం. ఈ మధ్యన యానిమేటెడ్ జిఫ్స్ వాడకమూ పెరుగుతోంది. వీటిల్లో టెక్స్ట్ సందేశాలను జొప్పిస్తూ సూటిగా భావాలను వ్యక్తం చేయటం, ఎత్తి పొడవటం ఎక్కువైంది. ఇక వీటిని మనమే తయారుచేసుకుంటే ఆ మజానే వేరు.
యానిమేటెడ్ జిఫ్స్ చూడటానికి పొట్టి వీడియో క్లిప్ల మాదిరిగా కనిపిస్తాయి. కానీ సాంకేతికంగా చూస్తే ఇవి వీడియోలు కావు. ఇమేజ్ ఫైళ్లు. అందుకే తేలికగా షేర్ చేసుకోవటానికి వీలవుతుంది. వీడియోలు, జిఫ్లు.. రెండూ వరుస చిత్రాలతో కదులుతున్న భావనే కలిగిస్తాయి. అయితే జిఫ్స్లో మాటలేవీ ఉండవు. ఇలాంటి కొరతను తీర్చటానికే జిఫ్స్కు టెక్స్ట్ వ్యాఖ్యలు జోడిస్తుంటారు. జిఫ్స్ కోసం ఇంటర్నెట్నే శోధించాల్సిన పనిలేదు. ఫోన్లోని ఫొటోలు లేదా వీడియోలా ద్వారా.. అదీ అదనంగా ఎలాంటి సాఫ్ట్వేర్ అవసరం లేకుండానే వీటిని తయారుచేసుకోవచ్చు.
ఐఓఎస్లో ఇలా..
ఐఫోన్, ఐప్యాడ్ వంటి ఐఓఎస్ పరికరాల్లో జిఫ్స్ సృష్టించుకోవటానికి థర్డ్ పార్టీ యాప్లు చాలానే ఉన్నాయి. అయితే యాప్ స్టోర్కు వెళ్లటానికి ముందు ఫోన్లోని సదుపాయాల మీద ఓ కన్నేస్తే మంచిది. ఉదాహరణకు- యాపిల్కు చెందిన లైవ్ ఫొటోస్ ఫీచర్తో తీసిన ఫొటోలకు ఎఫెక్ట్స్ జోడించి, యానిమేటెడ్ జిఫ్గా సేవ్ చేసుకోవచ్చు. ఇందుకోసం ఫొటోస్ యాప్లోకి వెళ్లి, లైవ్ ఫొటోస్ ఆల్బమ్ నుంచి జిఫ్గా మార్చాలనుకునే ఫొటోను ఎంచుకోవాలి. పైన ఎడమ వైపు మూలకు కనిపించే లైవ్ గుర్తును ట్యాప్ చేయాలి. లూప్ లేదా బౌన్స్ వంటి ఫీచర్లను ఎంచుకొని ఎఫెక్ట్స్ను జోడించుకోవాలి. తర్వాత ఐఓఎస్ షార్ట్కట్స్ యాప్ను తెరచి, ఆటోమేటింగ్ యాక్షన్స్ విభాగంలోకి వెళ్లాలి. (ఫోన్లో ఇది లేనట్టయితే యాప్ స్టోర్ నుంచి పొందొచ్చు). షార్ట్కట్ గ్యాలరీ నుంచి ‘మేక్ జిఫ్ షార్ట్కట్’ ఫీచర్ను ఎంచుకొని యాడ్ చేసుకోవాలి. దీని ద్వారా లైవ్ ఫొటోను ఇట్టే జిఫ్గా మార్చుకోవచ్చు. షార్ట్కట్స్ గ్యాలరీలో ‘కన్వర్ట్ బస్ట్ టు జిఫ్’ ఫీచర్ కూడా ఉంటుంది. దీంతో బస్ట్ మోడ్లో తీసిన ఫొటోలనూ జిఫ్గా మార్చుకోవచ్చు. ‘వీడియో టు జిఫ్’ ఫీచర్తో వీడియో క్లిప్లనూ జిఫ్గా మలచుకోవచ్చు.
ఆండ్రాయిడ్ ఫోన్తో..
ఆండ్రాయిడ్ పరికరాల్లో ఫొటోలను జిఫ్లుగా మార్చుకోవటం ఆయా ఫోన్ల హార్డ్వేర్, సాఫ్ట్వేర్ రెండింటి మీదా ఆధారపడి ఉంటుంది. శామ్సంగ్ గెలాక్సీ ఫోన్లలో ఉచిత గ్యాలరీ యాప్లో ఫొటోలు, వీడియోలను జిఫ్స్గా మార్చుకునే వెసులుబాటు ఉంది. అదే గూగుల్ ఫొటోస్ ఫీచర్తోనైతే ఫొటోలను ఎంచుకొని జిఫ్గా మార్చుకోవచ్చు. లైబ్రరీలోకి వెళ్లి, యుటిలిటీస్ ఆప్షన్ ద్వారా ‘క్రియేట్ న్యూ’ ఎంచుకోవాలి. యానిమేషన్ ఆప్షన్తో ఫొటోలను ఎంచుకొని, ‘క్రియేట్’ బటన్ను నొక్కాలి. కొన్ని గూగుల్ పిక్సెల్ ఫోన్లలో ‘మోషన్ ఫొటో’స్ వంటి వాటితో నేరుగా యానిమేటెడ్ జిఫ్స్ తయారుచేసుకోవచ్చు. ఉదాహరణకు- గూగుల్ పిక్సెల్ 4ఎక్స్ఎల్ ఫోన్లో గూగుల్ ఫొటోస్ను తెరచి, మోషన్ ఫొటోగా సేవ్ చేసుకున్న ఇమేజ్ను ఎంచుకోవాలి. ఈ ఇమేజ్ను పైకి స్వైప్ చేయాలి. లేదా పైన కుడి మూలన కనిపించే మూడు చుక్కలనైనా నొక్కాలి. ఇందులో ‘ఎక్స్పోర్ట్’ ఆప్షన్ను ఎంచుకోవాలి. తర్వాత జిఫ్ ఆప్షన్తో కొత్త ఫైలును ఫొటో లైబ్రరీలో సేవ్ చేసుకోవాలి. దీన్ని ఎప్పుడంటే అప్పుడు ఉపయోగించుకోవచ్చు.
టెక్స్ట్ జోడించాలంటే
ఫోన్లోని ఉచిత టూల్స్తో తేలికగానే జిఫ్స్ సృష్టించుకోవచ్చు గానీ వీటికి టెక్స్ట్ జోడించాలంటే ఇతర యాప్ల సాయం తీసుకోవాల్సిందే. ఎక్కువగా ఉపయోగించేది ఉచిత జిఫీ యాప్. ఇది ఆండ్రాయిడ్, ఐఓఎస్ రెండింటికీ ఉపకరిస్తుంది. జిఫీ యాప్లో పెద్దమొత్తంలో జిఫ్స్ ఆర్కైవ్ కూడా ఉంది. ఇదే కాదు.. జిఫ్స్ను సృష్టించే ఇతర యాప్లూ చాలానే ఉన్నాయి. యాడ్స్ వద్దనుకుంటే వీటిని కొనుక్కోవాల్సి ఉంటుంది. ఇలాంటివాటిల్లో ఒకటి ఐఎంజీప్లే. దీని సాయంతో సెల్ఫీలతోనూ జిఫ్స్ సృష్టించుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది. -
డాక్స్లో పాత వర్షన్ కావాలంటే?
గూగుల్ డాక్స్లో ఎడిటింగ్ చేస్తూనే ఉంటాం. షేర్ చేసిన ఫైళ్లలో ఎవరెవరో ఏవో మార్పులు చేయొచ్చు. కానీ కొన్నిసార్లు ముందరి డాక్యుమెంట్లోని సమాచారమే బాగుందని అనిపించొచ్చు. -
టాయ్లెట్ ఎక్కడ?
బయటకు వెళ్లినప్పుడు పబ్లిక్ టాయ్లెట్ల విషయంలో మహిళలు చాలా ఇబ్బంది ఎదుర్కొంటుంటారు. పట్ణణాల్లోనైతే ఈ సమస్య మరీ ఎక్కువ. -
ఫ్లాష్ నోటిఫికేషన్లు ఇలా..
ఫోన్ సైలెంట్లో పెట్టారు. కానీ ముఖ్యమైన నోటిఫికేషన్లు మిస్ అవుతున్నామేమో అని మనసులో అనిపిస్తుంటుంది. అంతలా బాధపడాల్సిన పనిలేకుండా ఫ్లాష్ లైట్ అలర్ట్ను సెట్ చేసుకుంటే చాలు. -
లెక్కల్లో గూగుల్ సాయం
లెక్కలంటే చాలామంది విద్యార్థులకు హడల్. ఒకపట్టాన అర్థం కాకపోవటం, తగినంత సాధన చేయకపోవటం వల్ల గణిత సూత్రాలు, నిబంధనలు గుర్తుండవు. దీంతో లెక్కలను చేయటం కష్టమైపోతుంది. -
విండోస్లోనూ ఏఐ ఎరేజ్
గూగుల్, సామ్సంగ్ పరికరాల్లో ఏఐ ఆధారిత ఫొటో ఎరేజర్ గురించి వినే ఉంటారు. వీటి జాబితాల్లోకి ఇప్పుడు విండోస్ పీసీలనూ చేర్చుకోండి. మైక్రోసాఫ్ట్ సంస్థ తాజాగా జనరేటివ్ ఎరేజ్ ఫీచర్ను పరిచయం చేసింది. -
ఛాట్జీపీటీతో ఏఐ టూల్స్ జాబితా
కృత్రిమ మేధ (ఏఐ) సాయంతోనే ఏఐ టూల్స్ను వెతికితే? ఇందుకు ఛాట్జీపీటీ బాగా ఉపయోగపడుతుంది. తెలివిగా ప్రాంప్ట్ను అందించాలే గానీ కోరుకున్నట్టుగా సమాచారాన్ని అందిస్తుంది. -
పెయింట్లోనే ఏఐ!
పదాల కూర్పుతో (ప్రాంప్ట్) ఇమేజ్లు సృష్టించటం ఇటీవల చాలా తేలికైంది. ఇందుకోసం జనరేటివ్ ఏఐ టూల్స్ చాలా అందుబాటులోకి వచ్చాయి. వీటిల్లోకి వెళ్లి, సైన్ఇన్ అయ్యి ఇష్టమైన ఇమేజ్లను ఇట్టే సృష్టించుకోవచ్చు -
అంధులకు దారిచూపు
కొత్త భవనాల్లోకి వెళ్తే కళ్లు కనిపించినా తికమక పడతాం. ఇక చూపు కోల్పోయినవారైతే? ఇలాంటివారికి తోడ్పడే రెండు ప్రయోగాత్మక స్మార్ట్ఫోన్ యాప్లను యూనివర్సిటీ ఆఫ్ కాలిఫోర్నియా పరిశోధకులు రూపొందించారు -
మెసేజెస్ నుంచే ఫొటో షేర్
ఫోన్లో ఎవరికైనా ఫొటోలు, వీడియోలు షేర్ చేయాలంటే ముందు గ్యాలరీలోకి వెళ్తాం. వాటిని గుర్తించాక కాంటాక్టులను వెతికి షేర్ చేస్తుంటాం. ఐఫోన్ వాడేవారైతే మరింత త్వరగా మెసేజెస్ ద్వారానే దీన్ని కానియ్యొచ్చు -
యాప్ మాటలు వింటోందా?
ఫోన్లో ఏదో మాట్లాడతాం. అనంతరం ఏదో వెబ్సైట్ చూస్తుంటే వాటికి సంబంధించిన ప్రకటనలు కనిపిస్తుంటాయి. ఇది యాదృచ్ఛికమే కావొచ్చు గానీ ఫోన్లో మాట్లాడే మాటలు యాప్లు వింటున్నాయనే అనుమానం వస్తుంటుంది. -
గూగుల్ కొత్త ఏఐ టూల్స్
కృత్రిమ మేధ (ఏఐ) రోజురోజుకీ ప్రాచుర్యం పొందుతోంది. దీన్ని దృష్టిలో పెట్టుకునే ఏఐ వేదికలు టెక్నాలజీ రంగాన్ని విస్తృతం చేస్తున్నాయి. గూగుల్ తమ ఏఐ వేదిక బార్డ్ పేరును ‘జెమినీ’గా మార్చింది. అంతేకాదు.. ఇటీవల ఇమేజ్ఎఫ్ఎక్స్, మ్యూజిక్ఎఫ్ఎక్స్, టెక్స్ట్ఎఫ్ఎక్స్ అనే కొత్త ఫీచర్లనూ జోడించింది. -
గూగుల్ మ్యాప్స్తో గాలి నాణ్యత
గాలి నాణ్యత మన ఆరోగ్యం మీద గణనీయమైన ప్రభావాన్ని చూపిస్తుంది. కలుషితమైన గాలి ఉబ్బసం వంటి రకరకాల సమస్యలకు దారితీస్తుంది. -
హెచ్పీ నుంచి ఏఐ ల్యాప్టాప్లు
ప్రస్తుతం పీసీ అంటే పర్సనల్ కంప్యూటర్ మాత్రమే కాదు.. వ్యక్తిగత సహాయకుడు కూడా. ఇంట్లో, ఆఫీసులో ఎక్కడైనా పనిచేయటం అనివార్యమైన తరుణంలో కొత్తరకం ల్యాప్టాప్లకు డిమాండ్ పెరుగుతోంది. -
స్పోటిఫై డేలిస్ట్
అతిపెద్ద మ్యూజిక్ లైబ్రరీ, ఆకట్టుకునే యూజర్ ఇంటర్ఫేస్తో స్పోటిఫై ప్రపంచవ్యాప్తంగా ఎంతోమందికి ఇష్టమైన సంగీత వారధిగా మారింది. ఎప్పటికప్పుడు కొత్త ఫీచర్లను జోడిస్తూ మరింతగా ఆకట్టుకుంటూ వస్తోంది. ఇందులో డేలిస్ట్ అనే ఫీచర్ కూడా ఉంది. ఇది వ్యక్తిగత అభిరుచులకు అనుగుణంగా పాటలు, సంగీత ట్రాక్లను జోడిస్తుంది. -
డాక్యుమెంట్లో డిజిటల్ సంతకం
గూగుల్ డాక్యుమెంట్ల మీద డిజిటల్ సంతకం చేయాలనుకుంటున్నారా? ఇందుకు బిల్టిన్గా ఉండే ఇ-సిగ్నేచర్ టూల్స్ను వాడుకోవచ్చు. ప్రస్తుతం ఈమెయిల్ మెసేజ్లు, ఎలక్ట్రానిక్ డాక్యుమెంట్ల ధ్రువీకరణ కోసం డిజిటల్ సంతకాల అవసరం పెరిగిపోతున్న తరుణంలో దీని గురించి తెలుసుకోవటం ఎంతైనా అవసరం. -
అన్ని విండోలూ ఒకేసారి మినిమైజ్
డెస్క్టాప్, ల్యాప్టాప్ మీద ఎన్నో వెబ్సైట్లు, ఫైళ్లు ఓపెన్ చేస్తుంటాం. అవసరం లేని విండోస్ను మినిమైజ్ చేస్తుంటాం కూడా. కానీ అన్నింటినీ ఒకేసారి మినిమైజ్ చేయాలంటే? విండోస్ కీ, ఎం మీటలను కలిపి నొక్కితే సరి. -
టాస్క్.. ఆటోమేటిక్!
వారానికోసారి డిస్క్ క్లీనప్ చేయటం, నిర్ణీత సమయానికి ఈమెయిల్ పంపటం వంటి తరచూ చేసే పనులు ఆటోమేటిగ్గా జరిగితే బాగుండునని చాలాసార్లు అనిపిస్తుంటుంది.
తాజా వార్తలు (Latest News)
-
MLC Kavitha: సుప్రీంకోర్టులో రిట్ పిటిషన్ను వెనక్కి తీసుకున్న కవిత
-
IPL 2024: రోహిత్ శర్మ, సంజు శాంసన్ మధ్య కెప్టెన్సీలో పోలికలు ఇవే: ధ్రువ్ జురెల్
-
TS News: తమిళిసై రాజీనామాకు ఆమోదం.. ఝార్ఖండ్ గవర్నర్కు అదనపు బాధ్యతలు
-
Liquor Policy Case: రూ.100కోట్ల చెల్లింపులపై ఈడీ ప్రకటన.. అక్రమంగా ఒక్క రూపాయీ లేదన్న ఆప్
-
POLL: రోహిత్ను కాదని హార్దిక్కు కెప్టెన్సీ... ముంబయి ఇండియన్స్ నిర్ణయం సరైనదేనా?
-
Modi: ‘మీవాళ్లు క్షేమంగా ఉన్నారు..త్వరలో తిరిగొస్తారు’: బల్గేరియా అధ్యక్షుడికి మోదీ రిప్లై