బంగారు కథ
అరుదైనది, ఆకర్షణీయమైనది, అంతకన్నా విలువైనది. తుప్పు పట్టదు. ఎన్నేళ్లయినా చెక్కు చెదరదు. దృఢమైందే కాదు, కావాల్సినట్టుగా సాగుతుంది కూడా. అందుకేనేమో బంగారం అనాదిగా మనిషి ఊహలో అమూల్యమైనదిగానే చలామణి అవుతూ వస్తోంది. ద్రవ్య వినిమయంగా, ఆభరణాలుగా, నాణాలుగా, సంపద చిహ్నంగా.. ఇలా ఎన్నెన్నో రకరకాలుగా చరిత్రను పంచుకుంటోంది. ఇంతకీ బంగారానికి ఇంత అరుదైన ఘనత ఎలా లభించింది? రహస్యమంతా దాని పుట్టుకలోనే ఉంది.
ఒక నక్షత్రం.. ఓ అణు సంయోగం.. ఓ భారీ విస్ఫోటం. ఇవన్నీ ఏంటనుకుంటున్నారా? బంగారం పుట్టుకకు మూలం! అవును బంగారం పుట్టుకొచ్చింది నక్షత్ర విస్ఫోటం నుంచే. ఒకరకంగా చెప్పాలంటే బంగారం గ్రహాంతర సంపద!
అరుదైనది, ఆకర్షణీయమైనది, అంతకన్నా విలువైనది. తుప్పు పట్టదు. ఎన్నేళ్లయినా చెక్కు చెదరదు. దృఢమైందే కాదు, కావాల్సినట్టుగా సాగుతుంది కూడా. అందుకేనేమో బంగారం అనాదిగా మనిషి ఊహలో అమూల్యమైనదిగానే చలామణి అవుతూ వస్తోంది. ద్రవ్య వినిమయంగా, ఆభరణాలుగా, నాణాలుగా, సంపద చిహ్నంగా.. ఇలా ఎన్నెన్నో రకరకాలుగా చరిత్రను పంచుకుంటోంది. ఇంతకీ బంగారానికి ఇంత అరుదైన ఘనత ఎలా లభించింది? రహస్యమంతా దాని పుట్టుకలోనే ఉంది.
నక్షత్ర పేలుడుతో..
బంగారం కోసం మన భూమి లోపల అన్వేషిస్తుంటాం. గనులను తవ్వి వెలికి తీస్తుంటాం. కానీ దీని పుట్టుక గురించి తెలుసుకోవాలంటే మాత్రం నక్షత్రాల్లోకి తొంగి చూడాల్సిందే. మనకు తెలిసిన మూలకాల్లో బంగారం ఒకటి. ఇది ఏర్పడటమనేది అంత ఆషామాషీ వ్యవహారం కాదు. ఎంతో సంక్లిష్టమైంది. దీనికి చాలా చాలా శక్తి అవసరం. కాబట్టే ఇది నక్షత్రాల్లో.. అదీ విస్ఫోటమయ్యే నక్షత్రాల్లోనే ఏర్పడుతుంది. నక్షత్రాలు చాలావరకు హైడ్రోజన్తో కూడుకొని ఉంటాయి. ఇది మామూలు, తేలికైన మూలకం. గురుత్వాకర్షణ ఒత్తిడి మూలంగా నక్షత్ర కేంద్రకంలో అణు సంయోగం (ఫ్యూజన్) ప్రేరేపితమవుతుంది. దీంతో హైడ్రోజన్ నుంచి శక్తి విడుదలవుతుంది. దీని మూలంగానే నక్షత్రం ప్రకాశిస్తుంది. అణుసంయోగం క్రమంగా హైడ్రోజన్ను హీలియం, కార్బన్, ఆక్సిజన్ వంటి మూలకాలుగా మారుస్తుంది. హైడ్రోజన్ మోతాదులు తగ్గినప్పుడు నక్షత్రం తర్వాతి దశలోకి చేరుకుంటుంది. హీలియం తనకన్నా పెద్ద మూలకంతో జతకట్టటం ఆరంభిస్తుంది. ఐరన్ ఏర్పడేంతవరకూ ఇలా ఒక్కొక్కటిగా మూలకాలన్నీ కలుస్తూ వస్తూనే ఉంటాయి. ఐరన్ ఏర్పడ్డాక పరిస్థితి ఒక్కసారిగా మారిపోతుంది. ఐరన్ శక్తిని ఉత్పత్తి చేయదు సరికదా తనే శక్తిని గ్రహించుకోవటం ఆరంభిస్తుంది. దీంతో తీవ్రమైన ఒత్తిడి, గురుత్వాకర్షణను ప్రతిఘటించటానికి అవసరమైన శక్తి నక్షత్ర కేంద్రం నుంచి ఉత్పత్తి కాదు. ఫలితంగా నక్షత్రం కుప్పకూలటం మొదలవుతుంది. ఒకవేళ పెద్ద నక్షత్రమైతే అది భారీగా విస్ఫోటం (సూపర్నోవా) చెందుతుంది. నక్షత్ర విస్ఫోటం చెందే క్రమంలో వెలువడే తీవ్రమైన శక్తి మూలంగా భారీ మూలకాలు పుట్టుకొస్తాయి. బంగారం ఏర్పడేది ఇలాగే. ఇది నక్షత్ర విస్ఫోట సమయంలో కేవలం కొన్ని సెకండ్లలోనే పుట్టుకొస్తుంది. నక్షత్రం విస్ఫోటం చెందాక బంగారం వంటి మూలకాలన్నీ ఎగిసిపడి.. నక్షత్ర మండల మాధ్యమంలో వాయువు, ధూళి రూపంలో తిరుగాడుతుంటాయి. ఇవి ఒకదగ్గరికి చేరుతూ, గట్టిపడి కొత్త నక్షత్రాలు, గ్రహాలు పుట్టుకొస్తాయి. మన సౌర మండలం ఏర్పడటానికి ముందు పరిస్థితి ఇదే. అంటే భూమి ఏర్పడటానికి ముందే బంగారం పుట్టుకొచ్చిందన్నమాట.
భూమి చల్లబడ్డాక..
అంతరిక్షంలోని శూన్యంలోకి వెలువడిన బంగారం వంటి మూలకాలు అప్పుడప్పుడే ఏర్పడుతున్న భూమిలో అంతర్భాగమయ్యాయి. భూమి చల్లబడుతున్నకొద్దీ కోర్, మాంటిల్, క్రస్ట్ పొరలు వేరవుతూ వచ్చాయి. ఈ క్రమంలోనే జియోథెర్మల్ ప్రక్రియ ద్వారా ఎక్కడో లోపల చిక్కుకుపోయిన బంగారం నెమ్మదిగా ఉపరితలం వైపునకు రావటం ఆరంభించింది. ఇదెలా జరిగిందనే దానిపై చాలా సిద్ధాంతాలు వ్యాప్తిలో ఉన్నాయి. చాలావరకు ఆమోదం పొందిన సిద్ధాంతం ప్రకారం- వేడి, పీడనం ప్రభావంతో ద్రవ నీరు పైకి రావటం మొదలైంది. ఈ నీటితో పాటు అందులో కలిసి ఉన్న బంగారమూ ప్రయాణిస్తూ వచ్చింది. ఉపరితలం వైపునకు వస్తున్నకొద్దీ నీరు చల్లబడటం, దానిలోంచి అవక్షేపం చెందిన బంగారం బయటకు వచ్చింది. ఇది ప్రవాహ మార్గాలు, ముద్దల రూపంలో గడ్డ కట్టుకుపోయింది. కాలం గడుస్తున్నకొద్దీ కొంత బంగారం నీటి కాల్వల ద్వారా ఉపరితలానికి వచ్చింది. నదుల్లో కలిసింది. కొన్ని నదుల్లో బంగారం రజను రూపంలో ఉండటానికి కారణమిదే. మరి మనిషికెలా చిక్కింది? బహుషా మొదట్లో చేపలు పట్టేవారెవరికో ఈ బంగారం లభించి ఉంటుంది. తళతళ మెరిసే బంగారానికి ముగ్ధులై సేకరించటం ఆరంభించి ఉంటారు. ఇది కొన్నిచోట్ల మాత్రమే ఉందంటే అక్కడ పెద్ద ముద్ద ఉండొచ్చనే అనుమానంతో కొందరు తవ్వటం ఆరంభించి ఉంటారు. క్రమంగా బంగారాన్ని తవ్వి తీయాలనే ఆలోచన బలపడుతూ వచ్చి ఉంటుంది. ఇప్పుడు మనం చూస్తున్న బంగారమంతా ఇలా భూమిలోంచి తవ్వి తీసిందే.
చరిత్రనే మార్చేసింది
బంగారం దేశాల చరిత్రనే మార్చేసిన దాఖలాలు లేకపోలేదు. ఇందుకు ఆస్ట్రేలియా పెద్ద ఉదాహరణ. 19వ శతాబ్దం చివర్లో అక్కడికి ‘బంగారు పరుగు’ ఆరంభమైంది. దీంతోనే ఆస్ట్రేలియా జనాభా మూడింతలు పెరిగింది. అప్పట్నుంచీ అక్కడ బంగారాన్ని తవ్వి తీస్తూనే ఉన్నారు. ఈ ప్రయత్నంలో ‘ఎవల్యూషన్ మైనింగ్’ అనే కంపెనీ మరో గొప్ప నిధినీ వెలికితీసింది. బంగారం కోసం తవ్వుతుండగా ఒకచోట పగుళ్లతో కూడిన రాతి పొరలు బయటపడ్డాయి. సాధారణంగా ఇలాంటివి అగ్ని పర్వత బిలం వద్ద కనిపిస్తుంటాయి. అధునాతన మ్యాపింగ్ పద్ధతులతో వీటిని విశ్లేషించగా మూడు మైళ్ల వెడల్పయిన గ్రహశకలం బిలం బయటపడింది.
తయారుచేస్తే పోలా?
సీసాన్ని బంగారంగా మార్చాలనే ప్రయత్నం ఈనాటిది కాదు. మూలకంలోని ప్రోటాన్ల సంఖ్యను రసాయన చర్య ద్వారా మార్చలేం. అందువల్ల సీసాన్ని బంగారంగా మార్చటం సిద్ధాంత పరంగానైతే సాధ్యం కాదు. కానీ గ్లెన్ సీబోర్గ్ అనే శాస్త్రవేత్త 1980లో కొద్దిమొత్తంలో సీసాన్ని బంగారంగా మార్చటంలో సఫలమయ్యారు. నక్షత్రంలో సంభవించే సంక్లిష్ట అణు ప్రతిచర్యలను అనుకరించే పార్టికల్ యాక్సిలరేటర్లతోనైతే బంగారాన్ని తయారు చేయటం సాధ్యమే. అయితే ఈ యంత్రాలు బంగారాన్ని అణువు అణువునూ పేర్చుకుంటూ వస్తాయి. ఇలా ఒక గ్రాము బంగారం తయారవటానికి కోట్లాది ఏళ్లు పడుతుంది. దీనికన్నా భూమిలోంచి తవ్వుకోవటమే నయం. భూమి లోపలే కాదు, మహా సముద్రాల్లోనూ 2కోట్ల టన్నుల బంగారం కరిగిన రూపంలో ఉంటుందని అంచనా. కాకపోతే అతి సూక్ష్మ రూపంలో ఉంటుంది. దీన్ని వెలికితీయటం ఖర్చుతో కూడుకున్న పని. ఇతర గ్రహాల్లోంచి తీసుకొస్తే మేలనే ఆలోచనలూ లేకపోలేదు. ఏదో ఒకనాడు అది సాధ్యమైనా ఆశ్చర్యం లేదు.
ఆభరణాల దగ్గర్నుంచి ఎలక్ట్రానిక్స్ వరకూ
ఆకర్షణీయమైనది, అరుదైనది కావటం వల్ల బంగారం మీద మనకు మొదట్నుంచీ మోజే. పైగా దీనికి సాగే గుణం ఉండటం ఆభరణాల తయారీకి వీలు కల్పించింది. రకరకాల ఆకారాల్లో దీన్ని మలచుకొని అలంకరించుకోవటం ప్రాచీనకాలం నుంచీ వస్తున్నదే. ఇప్పటికీ బంగారు ఆభరణాలంటే అందరికీ ఆసక్తే. కేవలం ఆభరణాల కోసమే కాదు. బంగారం చాలా విధాలుగా ఉపయోగపడుతుంది.
* బంగారానికి తుప్పు పట్టదు. మంచి విద్యుత్ వాహకం కూడా. అందుకే అధునాతన ఎలక్ట్రానిక్ పరికరాల్లోనూ ఇది విశేష ప్రాధాన్యం సంతరించుకుంది. భూమి మీద వాడే పరికరాల్లోనే కాదు, అంతరిక్ష పరికరాల్లోనూ కనెక్టర్లకు బంగారుపూత పూస్తుంటారు.
* బంగారం గట్టిగా ఉంటుంది. కావాలంటే వంచుకోవచ్చు. విషపూరితం కాదు. అన్నింటికీ మించి తుప్పు పట్టదు. ఇలాంటి గుణాలే దంత చికిత్సకు అనువుగా మార్చాయి. పుచ్చిపోయిన పళ్ల రంధ్రాలను బంగారంతో నింపుతుండటం తెలిసిందే.
* ఎంతకాలం నిల్వ ఉంచినా బంగారం చెడిపోదు. కాబట్టే ప్రాచీన కాలం నుంచి ద్రవ్య వినిమయానికి వాడుకుంటున్నాం. చాలాకాలం బంగారు నాణాలను కరెన్సీగానూ ఉపయోగించుకున్నాం. సంపదకు, విలాసానికి చిహ్నంగా బంగారాన్ని పరిగణిస్తున్నాం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు -
ఏఐ స్టెతస్కోప్
డాక్టర్ దగ్గరికి వెళ్లగానే ముందుగా పరీక్షించేది స్టెతస్కోప్తోనే. గుండె చప్పుడును వినటం దగ్గరి నుంచి ఊపిరితిత్తి జబ్బుల ఆనవాళ్లను పసిగట్టటం వరకూ ఇది ఎన్నో విధాలుగా తోడ్పడుతోంది. అధిక రక్తపోటును కచ్చితంగా నిర్ధరించటానికీ డాక్టర్లు మణికట్టు వద్ద స్టెతస్కోప్ను ఆనించి పై, కింది సంఖ్యలను నమోదు చేస్తుంటారు. -
క్యాన్సర్ తీరును పసిగట్టే ఏఐ
ఆరోగ్యరంగంలో కృత్రిమ మేధ (ఏఐ) కొత్త పుంతలు తొక్కుతోంది. క్యాన్సర్ తీరుతెన్నులను విశ్లేషించటంలోనూ సాయం చేస్తోంది. అమెరికాలోని యూనివర్సిటీ ఆఫ్ టెక్సాస్ సౌత్వెస్ట్రన్ మెడికల్ సెంటర్ పరిశోధకులు రూపొందించిన ‘సియోగ్రాఫ్’ ఏఐ మోడలే దీనికి నిదర్శనం. -
అంతరిక్ష వీడియో ప్రసారాలు!
ఒక దెబ్బకు రెండు పిట్టలు! సైకీ గ్రహశకలం మీదికి ఇటీవల నాసా ప్రయోగించిన వ్యోమనౌక గురించి ఇలాగే చెప్పుకోవాలి. లోహంతో కూడిన ఈ గ్రహశకలం భూ అంతర్భాగ రహస్యాలను తెలుసుకోవటానికి తోడ్పడటం ఒక ప్రయోజనమైతే.. -
కృత్రిమ మేధ ఆసుపత్రి!
నేటి కృత్రిమ మేధ (ఏఐ) యుగంలో ప్రతీ అంతర్జాల పరిజ్ఞానం కొత్త పుంతలు తొక్కుతోంది. ఫొటోలు, వీడియోలు సృష్టించు కోవటం వంటివన్నీ చిటికెలో పనులుగా మారిపోయాయి.
తాజా వార్తలు (Latest News)
-
20లక్షల ఉద్యోగాలు ఇచ్చే బాధ్యత నాది: చంద్రబాబు
-
ఈనాడు.నెట్లో టాప్ 10 వార్తలు @ 9 PM
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం
-
హైదరాబాద్ శివారులో వర్ష బీభత్సం.. శ్రీశైలం హైవేపై ట్రాఫిక్ జామ్
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!