సైయ్యా?
కాలంతో పాటు దొంగతనాల తీరూ మారుతోంది. వస్తువులు కొనటం దగ్గర్నుంచి నగదు లావాదేవీలు, స్నేహితులతో ముచ్చట్ల వరకూ అన్నింటినీ ఆన్లైన్లోనే కానిచ్చేస్తున్న నేటి డిజిటల్ యుగంలో సైబర్ నేరాలూ పెరిగిపోతున్నాయి. దీంతో ఇల్లు, వాకిలి మాదిరిగానే ఆన్లైన్ ఖాతాలనూ అనుక్షణం కనిపెట్టుకోవాల్సిన పరిస్థితి అనివార్యమైంది. సైబర్ నేరగాళ్లు వివిధ రకాలుగా మనల్ని
కాలంతో పాటు దొంగతనాల తీరూ మారుతోంది. వస్తువులు కొనటం దగ్గర్నుంచి నగదు లావాదేవీలు, స్నేహితులతో ముచ్చట్ల వరకూ అన్నింటినీ ఆన్లైన్లోనే కానిచ్చేస్తున్న నేటి డిజిటల్ యుగంలో సైబర్ నేరాలూ పెరిగిపోతున్నాయి. దీంతో ఇల్లు, వాకిలి మాదిరిగానే ఆన్లైన్ ఖాతాలనూ అనుక్షణం కనిపెట్టుకోవాల్సిన పరిస్థితి అనివార్యమైంది. సైబర్ నేరగాళ్లు వివిధ రకాలుగా మనల్ని బురిడీ కొట్టించాలని నిరంతరం ప్రయత్నిస్తూనే ఉంటారు. అనేక కుట్రలు పన్నుతూనే ఉంటారు. మరి ఈ సైబర్ దొంగలు విసురుతున్న సవాళ్లను ఎదుర్కోవటానికి మీరు సైయ్యేనా?
ఆన్లైన్ ఖాతాల్లో సైన్ ఇన్ కావటం తేలికే. గుర్తుండే యూజర్నేమ్, పాస్వర్డ్ ఎంచుకుంటే చాలు. తరచూ వాడుతుంటే క్రమంగా అవే అలవాటవుతాయి. సైట్ ఓపెన్ చేయగానే అన్యాపదేశంగా మన వేళ్లు చకచకా యూజర్నేమ్, పాస్వర్డ్లను టైప్ చేసేస్తుంటాయి. ఇంతవరకైతే ఎలాంటి ఇబ్బందీ లేదు. కానీ పదే పదే అవే వివరాలతో ఆన్లైన్ ఖాతాల్లోకి లాగిన్ అవుతుంటే పాస్వర్డ్ల మీద దాడులు జరిగే ప్రమాదముంది. సుమారు 52% మంది అవే వివరాలతో ఆన్లైన్ ఖాతాల్లో లాగిన్ అవుతుండటం గమనార్హం. సైబర్ నేరగాళ్లు తేలికగా పాస్వర్డ్లను తెలుసుకోవటానికి, వ్యక్తిగత సమాచారాన్ని దొంగిలించటానికిది వీలు కల్పిస్తోంది. ఆనక మన ప్రమేయమేమీ లేకుండానే, మనకేమీ తెలియకుండానే నేరగాళ్లు పనులు కానిచ్చేస్తుంటారు. బ్యాంకు ఖాతాల్లోంచి డబ్బును కాజేయటం చూస్తూనే ఉన్నాం. అదృష్టం కొద్దీ ఇతరులకు పాస్వర్డ్లు చిక్కకుండా చూసుకునే మార్గాలు చాలానే ఉన్నాయి. వీటిని అనుసరించటం ఎంతైనా మంచిది. అసలు ఎన్నిరకాలుగా పాస్వర్డ్ల మీద దాడులు జరగొచ్చో తెలుసుకోవటం ఇంకా మంచిది. అప్పుడే ఆన్లైన్ ఖాతాలను ఎలా కాపాడుకోవాలో అనేది బాగా అవగతమవుతుంది. ఈ విషయంలో ప్రముఖ యాంటీవైరస్ సంస్థ నోర్టన్ సూచిస్తున్న జాగ్రత్తలు ఇవీ..
బ్రూటల్ ఫోర్స్ అటాక్
ఇదో ట్రయల్ అండర్ ఎర్రర్ దాడి! సిస్టమ్లోకి చొరబడటానికి హ్యాకర్లు వివిధ రకాలుగా ప్రయత్నించే పద్ధతిది. పాస్వర్డ్ కీలకాన్ని కనిపెట్టే వరకూ హ్యాకింగ్ సాఫ్ట్వేర్ సాయంతో ఎన్నెన్నో పాస్వర్డ్ కాంబినేషన్లతో ప్రయోగాలు చేస్తుంటారు. ఇలా అప్పటికే కొన్ని పాస్వర్డ్ల గుట్టును కనిపెట్టేసి ఉంటారు. ఇలాంటి పాస్వర్డ్లనే కొందరు తిరిగి వాడుతుండొచ్చనే ఆశతో అలుపెరగకుండా శోధిస్తుంటారు. కొందరు 12345 వంటి సర్వ సాధారణ పాస్వర్డ్లను పెట్టుకొంటుంటారు. ఇలాంటి వాటిని పట్టుకోవటం తేలిక. అందుకే వివిధ పదాలు, అంకెల సమాహారాలతో అసలు పాస్వర్డ్లను తెలుసుకోవటానికి శత విధాల ప్రయత్నిస్తుంటారు.
ఎదుర్కొనేదెలా?: అన్ని ఆన్లైన్ ఖాతాలకు ఒకటే కాకుండా ప్రతీ సైటుకు విడివిడిగా, బలమైన పాస్వర్డ్లను పెట్టుకోవాలి.
క్రెడెన్షియల్ స్టఫింగ్
దొంగిలించిన యూజర్నేమ్స్, పాస్వర్డ్లతో అక్రమంగా ఖాతాల్లోకి, ప్రొఫైల్స్లోకి చొరపడటానికి చేసే దాడి ఇది. స్పైవేర్తో పాటు ఇతర రకాల మాల్వేర్ల సాయంతో హ్యాకర్లు రహస్య వివరాలను తెలుసుకుంటారు. చాలావరకు డార్క్ వెబ్ నుంచి అప్పటికే బహిర్గతమైన పాస్వర్డ్ల జాబితాను సంగ్రహిస్తారు. వీటి ద్వారా ఖాతాల్లోకి చొరబడి వివరాలు సేకరిస్తారు. అక్రమంగా వాడుకుంటారు.
ఎదుర్కొనేదెలా?: సైట్లలోకి లాగిన్ కావటానికి వీలైనంతవరకు ‘టూ ఫ్యాక్టర్ అథెంటికేషన్’ పద్ధతిని ఎనేబుల్ చేసుకోవాలి.
సోషల్ ఇంజినీరింగ్
సైబర్ నేరగాళ్లు రకరకాల నైపుణ్యాలు ప్రదర్శిస్తుంటారు. వీటిల్లో ఒకటి సోషల్ ఇంజినీరింగ్. అంటే మనం చేసే పొరపాట్లు, మన ఆన్లైన్ ప్రవర్తనను సైబర్ దాడులకు అనువుగా వాడుకోవటం. ఉదాహరణకు- సైబర్ నేరగాళ్లు ఐటీ నిపుణులుగా పరిచయం చేసుకోవచ్చు. పరికరాల్లోని భద్రత లోపాలను సరిచేయటానికి మన లాగిన్ వివరాలను అడగొచ్చు. వీటిని చెబితే దొంగ చేతికి తాళం ఇచ్చినట్టే. విశ్వసనీయమైనవిగా అనిపించే వెబ్సైట్లను సృష్టించటం కూడా సోషల్ ఇంజినీరింగ్లో భాగమే. వీటి ద్వారా సైబర్ నేరగాళ్లు మనల్ని నకిలీ లాగిన్ ఫీల్డ్లోకి వెళ్లేలా చేస్తారు. ఇవి ఖాతాను యాక్సెస్ చేయటానికి ఉపయోగపడవు. మనం టైప్ చేసిన సమాచారాన్ని మాత్రం నమోదు చేసుకుంటాయి. సైబర్ నేరగాళ్లకు కావాల్సింది కూడా ఇదే.
ఎదుర్కొనేదెలా?: అనుమానిత లింక్లు, అటాచ్మెంట్లను ఎప్పుడూ క్లిక్ చేయరాదు.
పాస్వర్డ్ స్ప్రే అటాక్
హ్యాకర్లు ఇంటర్నెట్ నుంచి దొంగిలించిన లక్షలాది పాస్వర్డ్ల సాయంతో ఆన్లైన్ ఖాతాల్లోకి చొరపడటానికి చేసే దాడి ఇది. ఇందుకోసం అధునాతన ఆటోమేటెడ్ పాస్వర్డ్-గెసింగ్ సాఫ్ట్వేర్లను ఉపయోగించుకుంటారు. ఇలా సెక్యూరిటీ అలర్టులను తప్పించుకుంటారు. నిఘా పరిధిలోకి రాకుండా చూసుకుంటారు. వీలైనంత తక్కువ ప్రయత్నాలతో అసలు పాస్వర్డ్లను తెలుసుకోవాలని చూస్తుంటారు.
ఎదుర్కొనేదెలా?: ప్రతి రెండు, మూడు నెలలకోసారైనా తప్పకుండా పాస్వర్డ్లను మార్చుకోవాలి.
ట్రాఫిక్ ఇంటర్సెప్షన్
నెట్వర్క్ మీద నిఘావేసి పాస్వర్డ్లను, ఇతర సున్నితమైన సమాచారాన్ని సేకరించటం దీని ఉద్దేశం. ఇందుకోసం సైబర్ నేరగాళ్లు రకరకాల పద్ధతులను అనుసరిస్తుంటారు. వీటిల్లో ఒకటి అసురక్షిత వైఫై కనెక్షన్లపై కన్ను వేయటం. ఎస్ఎస్ఎల్ హైజాకింగ్ అనే కుట్రకూ పాల్పడు తుంటారు. సాధారణంగా మనం ఏదైనా వెబ్సైట్లోకి లాగిన్ అయినప్పుడు దాన్ని ధ్రువీకరించుకోవటానికి సర్వర్ తాత్కాలికంగా మనం ఉపయోగిస్తున్న బ్రౌజర్లో కుకీస్ను సెట్ చేసుకుంటుంది. ఇది లాగిన్ స్థితిని సర్వర్ గుర్తుపెట్టుకోవటానికి తోడ్పడుతుంది. నేరగాళ్లు దీన్ని అడ్డుకొని వివరాలను దొంగిలిస్తారు.
ఎదుర్కొనేదెలా?: ఎప్పుడూ సురక్షితమైన నెట్ కనెక్షన్లనే వాడుకోవాలి. పబ్లిక్ వైఫైలకు ఎంత దూరంగా ఉంటే అంత మంచిది. వీపీఎన్లను ఇన్స్టాల్ చేసుకోకుండా చూసుకోవాలి.
షౌల్డర్ సర్ఫింగ్
ఆన్లైన్లో అనుమానిత చర్యల మీదే కాదు, చుట్టుపక్కల పరిసరాల మీదా ఓ కన్నేసి ఉంచాలి. కొందరు సైబర్ నేరగాళ్లు బహిరంగ ప్రదేశాల్లోనూ మన వెనకాల నుంచి గమనిస్తూ పాస్వర్డ్లను కనుక్కోవాలని ప్రయత్నిస్తుంటారు. కొందరు విశ్వసనీయమైన వ్యక్తుల మాదిరిగానే కనిపిస్తూ పరికరాల మీద మనం ఏమేం చేస్తున్నామో, ఏం టైప్ చేస్తున్నామో ఓ కంట కనిపెడుతూ ఉంటారు. తర్వాత తమ అవసరాలకు వాడుకుంటారు.
ఎదుర్కొనేదెలా?: మొబైల్ పరికరాల ద్వారా ఖతాల్లోకి సైన్ ఇన్ కావటానికి ఫేషియల్ రికగ్నిషన్ వంటి బయోమెట్రిక్ ఫీచర్లను ఎనేబుల్ చేసుకోవాలి.
కీలాగర్ అటాక్
ఈమెయిళ్లు రాస్తాం, సామాజిక మాధ్యమ వేదికల్లో లాగిన్ అవుతాం, స్నేహితులతో ఛాట్ చేస్తాం, సమాచారాన్ని సెర్చ్ చేస్తాం, బ్యాంక్ ఖాతాలను చెక్ చేస్తాం, వస్తువులు కొంటాం. ఇలా రోజంతా కంప్యూటర్, ల్యాప్టాప్, ఫోన్ మీద ఏవేవో పనులు చేస్తుంటాం. ఎవరైనా వెనకాల నుంచి మనం టైప్ చేస్తున్న వివరాలను గమనిస్తున్నారనుకోండి. వారికి అన్ని విషయాలు తెలిసిపోతాయి కదా. కీలాగర్ అటాక్ ఇలాంటిదే. ఇదొక స్పైవేర్. ఇది మనం కీబోర్డు మీద టైప్ చేసే వాటిని ట్రాక్ చేసి, రికార్డు చేస్తుంది. అవసరాలను బట్టి దీన్ని వాడుకోవటం చట్టబద్ధమే అయినా హ్యాకర్లు దుర్వినియోగం చేసే అవకాశమే ఎక్కువ. వైరస్లను నిలువరించే సాఫ్ట్వేర్లు లేని పరికరాల్లో హ్యాకర్లు దీన్ని ఉద్దేశపూర్వకంగా జొప్పిస్తారు. మనకు తెలియకుండానే వ్యక్తిగత సమాచారాన్ని నమోదు చేసుకుంటారు.
ఎదుర్కొనేదెలా?: పరికరాల్లో నమ్మదగిన యాంటీవైరస్ సాఫ్ట్వేర్ను ఇన్స్టాల్ చేసుకోవాలి.
మధ్యవర్తి దాడి
ఇదో విచిత్రమైన దాడి. దీన్నే మ్యాన్-ఇన్-మిడిల్ అటాక్ అంటారు. ఇది బాధితులు, బాధితుల సమాచారాన్ని నమోదు చేసుకునే వ్యవస్థ, దీన్ని గమనించే ‘మధ్యవర్తి’ మధ్య నడుస్తుంది. ఉదాహరణకు- ఖాతాలోకి లాగిన్ కావటానికి ఫోన్ నంబరును ఎంటర్ చేయాలంటూ బ్యాంకు నుంచి ఈమెయిల్ వచ్చిందనుకోండి. అది మన బ్యాంకు నుంచి వచ్చినట్టే కనిపిస్తుంది. దానిలోని లింక్ను క్లిక్ చేయగానే బ్యాంకు వెబ్సైట్ కూడా ఓపెన్ అవుతుంది. దానిలోకి లాగిన్ అయ్యి, అడిగినట్టుగానే ఫోన్ నంబరు ఎంటర్ చేశారనుకోండి. అది వెంటనే హ్యాకర్లకు తెలిసిపోతుంది. ఎలాగో తెలుసా? ఆ ఈమెయిల్లోని లింక్ బ్యాంకు నుంచి వచ్చింది కాదు. విశ్వసనీయంగా అనిపించే వ్యక్తి పంపించింది. అతను అచ్చం మన బ్యాంకు వెబ్సైట్లా కనిపించే వెబ్సైట్నూ సృష్టించొచ్చు. అందుకే ఎలాంటి సంకోచం లేకుండా యూజర్నేమ్, పాస్వర్డ్లతో లాగిన్ అవుతాం. కానీ లింకును తెరవగానే పరికరంలో స్పైవేర్ ఇన్స్టాల్ అవుతుందనే సంగతి మనకు తెలియదు. ఇది మన లాగిన్ వివరాలను రికార్డు చేస్తుంది. అవన్నీ మధ్యవర్తికి చేరిపోతాయి.
ఎదుర్కొనేదెలా?: అనుమానిత సందేశాలను పంపించినవారి ఈమెయిల్ చిరునామాను ఒకటికి రెండు సార్లు చెక్ చేసుకోవాలి.
డిక్షనరీ అటాక్
సైబర్ దాడుల పరంపరలో డిక్షనరీ అటాక్ ఒకటి. ఒకే పదంతో కూడిన పాస్వర్డ్లను కనిపెట్టటం దీని ఉద్దేశం. హ్యాకర్లు ఇందుకోసం ఆటోమేటెడ్ పాస్వర్డ్-గెసింగ్ సాఫ్ట్వేర్నూ ఉపయోగించొచ్చు. దీని ద్వారా డిక్షనరీలోని ప్రతి పదాన్ని పోల్చుకుంటూ ఒకే పదం పాస్వర్డ్లను తెలుసుకోవటానికి ప్రయత్నిస్తారు. మరింత అధునాతన డిక్షనరీ అటాక్ హ్యాకర్లు మన జీవితానికి సంబంధించిన కీవర్డ్స్ జాబితానూ తయారు చేసుకుంటారు. ఉదాహరణకు- పుట్టిన తేదీలు, తోబుట్టువుల పేర్లు, పెంపుడు జంతువుల పేర్లు, వీధుల పేర్లు.. ఇలా రకరకాల జాబితాలను సిద్ధం చేసుకొని పాస్వర్డ్లను కనిపెట్టాలని చూస్తుంటారు.
ఎదుర్కొనేదెలా?: అంకెలు, అక్షరాలు, గుర్తులతో కూడిన సంక్లిష్ట పాస్వర్డ్లను సృష్టించుకోవాలి.
ఫిషింగ్
‘అత్యవసరంగా వ్యక్తిగత సమాచారాన్ని ధ్రువీకరించుకోకపోతే ఖాతా నిలిచిపోతుంది’ అంటూ బ్యాంకుల నుంచి ఈమెయిళ్లు రావటం చూసే ఉంటారు. ఫోన్కు ఎస్ఎంఎస్ రూపంలోనూ ఇలాంటి సందేశాలు వస్తుంటాయి. వీటికి ఒక లింక్ కూడా జతయ్యి ఉంటుంది. లింక్ను క్లిక్ చేయగానే బ్యాంకు ఖాతా నంబరు వంటి వ్యక్తిగత సమాచారాన్ని నింపమని అడుగుతుంది. నిజానికి ఇలాంటి మెయిళ్లు బ్యాంకుల నుంచి రావు. సైబర్ నేరగాళ్లు స్కామర్ టూల్తో బురిడీ కొట్టించే ప్రయత్నాల్లో ఇవొక భాగం. దీన్నే ఫిషింగ్ అంటారు. దీని ద్వారా మనం టైప్ చేస్తున్న వివరాలను నమోదు చేసుకుంటారు. మనకు తెలియకుండానే మన ఖాతాల్లోకి చొరపడి డబ్బులు, వ్యక్తిగత సమాచారం కాజేస్తారు.
ఎదుర్కొనేదెలా?: ఆన్లైన్ ఖాతాల్లో లాగిన్ కావటానికి ముందు యూఆర్ఎల్స్ను ఒకటికి రెండు సార్లు సరిచూసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.
తాజా వార్తలు (Latest News)
-
‘ఉండి’ అభ్యర్థిగా 22న నామినేషన్: రఘురామ
-
జగన్ ఎదుటే జనసేనానికి జేజేలు.. విద్యార్థుల నినాదాలతో అవాక్కయిన సీఎం
-
తెదేపా కార్యాలయం వద్ద టాస్క్ఫోర్స్ కదలికలు
-
ఒలింపిక్స్లో పతకం తెస్తే బీఎండబ్ల్యూ కారు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!