దొంగ చేతికి ఫోనా?
మీ ఫోన్ ఎక్కడుంది? అని ఎవరినైనా అడిగి చూడండి. వెంటనే జేబు తడుము కుంటారు. లేదూ బ్యాగ్లో వెతుకుతారు. డెస్క్ మీద, టీవీ దగ్గర పెట్టామేమోనని చూస్తారు. ఎక్కడా కనిపించకపోతే? గుండె గుభేల్ మంటుంది. ఎవరు దొంగిలించారో అనే కంగారు మొదలవుతుంది.
స్మార్ట్ఫోన్లంటే ఎవరికి ఇష్టముండదు? కాకపోతే ఖరీదు ఎక్కువ. అందుకే దొంగలనూ ఆకర్షిస్తుంటాయి. మరి దొంగల బారినపడకుండా ఫోన్లను కాపాడుకోవటమెలా?
మీ ఫోన్ ఎక్కడుంది? అని ఎవరినైనా అడిగి చూడండి. వెంటనే జేబు తడుము కుంటారు. లేదూ బ్యాగ్లో వెతుకుతారు. డెస్క్ మీద, టీవీ దగ్గర పెట్టామేమోనని చూస్తారు. ఎక్కడా కనిపించకపోతే? గుండె గుభేల్ మంటుంది. ఎవరు దొంగిలించారో అనే కంగారు మొదలవుతుంది. అవును. చాలాసార్లు ఫోన్ పోయినట్టయినా తెలియదు. దొంగల హస్త లాఘవం అలాంటిది. ప్రస్తుతం కాంటాక్టుల దగ్గర్నుంచి బ్యాంకు ఖాతాల వరకూ అన్నీ ఫోన్తో ముడిపడే ఉంటున్నాయి. ఇలాంటి పరిస్థితుల్లో దొంగల చేతికి ఫోన్ చిక్కితే అంతే. కాబట్టి ఫోన్ను కంటికి రెప్పలా కాపాడుకోవటం తప్పనిసరి. ఇందుకు కొన్ని జాగ్రత్తలు తీసుకోవాల్సిందే.
పిన్, బయోమెట్రిక్ రక్షణ
ఫోన్ను కొనగానే మొదట చేయాల్సిన పని ఇదే. అందరికీ తెలిసిన విషయమే అయినా కొందరు దీన్ని పెద్దగా పట్టించుకోరు. పిన్ను సెట్ చేసుకుంటే ఇతరులు తెరవటం కుదరదు. దీంతో కనీసం మన డేటా, ఫోన్తో ముడిపడిన అకౌంట్ల వివరాలు చోరుల చేతికి చిక్కకుండా చూసుకోవచ్చు. పిన్ కన్నా మెరుగైంది ఫింగర్ ప్రింట్, ఫేషియల్ రికగ్నిషన్ వంటి బయోమెట్రిక్ ఫీచర్లతో లాక్ చేసుకోవటం. ఇప్పుడు చాలా ఫోన్లు ఇలాంటి ఫీచర్లను అందిస్తున్నాయి. ఆండ్రాయిడ్ ఫోన్లలో సెటింగ్స్ ద్వారా సెక్యూరిటీలోకి వెళ్లి ఫింగర్ ప్రింట్ను సెట్ చేసుకోవచ్చు. కావాలంటే సిమ్ కార్డుకూ పిన్ నిర్ణయించుకోవచ్చు. ఇందుకోసం సెక్యూరిటీ విభాగంలోని సిమ్ లాక్ ఫీచర్ను వాడుకోవచ్చు. ఐఫోన్లోనైతే సెటింగ్స్ ద్వారా ‘ఫేస్ ఐడీ అండ్ పాస్కోడ్’ను సెట్ చేసుకోవచ్చు.
మొబైల్ ట్రాకింగ్ సాయం
తొలిసారి ఫోన్ను సెట్ చేసుకుంటున్నప్పుడు మరో చక్కని అవకాశం ఫోన్ ట్రాకింగ్ సేవలతో ముడిపడిన ఖాతాను ఎనేబుల్ చేసుకోవటం. ఒకవేళ ఫోన్ కనిపించకపోతే దీని ద్వారా ఎక్కడుందో కనుక్కోవచ్చు. ఆండ్రాయిడ్ ఫోన్లలో ‘ఫైండ్ మై డివైస్’.. ఐఫోన్లలో ‘ఫైండ్ మై’ ఫీచర్లు ఇందుకు ఉపయోగపడతాయి. ఫోన్ కొన్నప్పుడు దీన్ని సెట్ చేసుకోవటం మరచిపోయినా తర్వాత నిర్ణయించుకోవచ్చు. ఆండ్రాయిడ్ ఫోన్లలో సెటింగ్స్లోని సెక్యూరిటీ విభాగంలో ‘ఫైండ్ మై డివైస్’ ఆప్షన్ కనిపిస్తుంది. దీన్ని ఎనేబుల్ చేసుకొని, లొకేషన్ ఆన్ చేస్తే చాలు. ఐఫోన్లలో సెటింగ్స్లోకి వెళ్లి పేరు మీద ట్యాప్ చేయాలి. తర్వాత ‘ఫైండ్ మై’ ఫీచర్ ద్వారా ‘ఫైండ్ మై ఐఫోన్’ను ఎంచుకొని, ‘షేర్ మై లొకేషన్’ను ఆన్ చేసుకోవాలి. ఆండ్రాయిడ్ వాడేవారు ఫైండ్ మై యాప్తో, ఐఫోన్ వాడేవారు యాపిల్ ఐ క్లౌడ్ ద్వారా ఫోన్ ఎక్కడుందో కనుక్కోవచ్చు.
యాంటీ థెఫ్ట్ యాప్
ఇన్బిల్ట్గా వచ్చే ఫోన్ ట్రాకర్లు మాత్రమే కాదు. ప్రస్తుతం బోలెడన్ని యాంటీ థెఫ్ట్ యాప్లూ అందుబాటులో ఉన్నాయి. కావాలంటే వీటిని ఇన్స్టాల్ చేసుకోవచ్చు. ఇవి ఫోన్లను ట్రాక్ చేయటమే కాదు.. తప్పుడు పిన్తో ఫోన్ను ఎవరైనా తెరవటానికి ప్రయత్నిస్తే వారి ఫొటోలనూ తీస్తాయి. పెద్ద శబ్దంతో బెదిరిపోయేలా చేసేవీ ఉన్నాయి.
యాంటీ థెఫ్ట్ ఫోన్ కేసు
రద్దీగా ఉండే ప్రాంతాలకు వెళ్లినప్పుడు తాడుతో కూడిన ఫోన్ కేసు వాడుకోవచ్చు. తాడును మెడలో వేసుకుంటే ఫోన్ భద్రంగా ఉంటుంది. ఎవరైనా దొంగిలించాలని ప్రయత్నిస్తే వెంటనే తెలుస్తుంది. బయట పరుగెత్తటం, వ్యాయామాలు చేయటానికి వెళ్లినప్పుడు చేతికి ధరించే ‘ఆర్మ్బ్యాండు’ వాడుకోవచ్చు. ఫోన్ను ఇందులో వేసుకొని, జిప్ బిగించి చేతికి ధరిస్తే భద్రంగా ఉంటుంది. తక్కువ బరువుతో సాగటానికి అనువుగా ఉండే దీనిలో బ్యాంకు కార్డులు, తాళం చెవుల వంటి చిన్న వస్తువులనూ వేసుకోవచ్చు.
అవకాశం ఇవ్వకుండా..
కొందరు దొంగలు ఖరీదైన ఫోన్లను కొట్టేయటానికి ముఠాగా ఏర్పడి, ముందుగానే ప్రణాళిక వేసుకుంటుంటారు. అందువల్ల రద్దీగా ఉండే ప్రాంతాలకు వెళ్లినప్పుడు ఇతరుల కంటికి ఫోన్ కనిపిచకుండా ముందుగానే జాగ్రత్త పడటం ఉత్తమం. కానీ అన్నిసార్లూ ఇది సాధ్యం కాకపోవచ్చు. ఇదే దొంగలకు అవకాశం కల్పిస్తుంది. ఫోన్ను కాజేయాలని నిర్ణయించుకున్న దొంగలు దృష్టిని మరల్చి పని కానిచ్చేస్తుంటారు. ఉదాహరణకు- టైం ఎంతయ్యిందని అడగొచ్చు. ఫోన్ను బయటకు తీయగానే లాక్కొని పోవచ్చు. కాబట్టి అపరిచితులు ఎవరైనా టైం ఎంతయ్యిందని అడిగితే తెలియదని చెప్పటమే మంచిది. బస్ స్టేషన్లు, రైల్వే స్టేషన్లలో చుట్టుపక్కల పరిసరాల మీద ఓ కన్నేయాలి. బయటకు వెళ్లినప్పుడు ఎవరైనా కావాలని అనుసరిస్తున్నట్టు అనుమానిస్తే పక్కన ఏదైనా దుకాణంలో కాసేపు గడపటం మంచిది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.
తాజా వార్తలు (Latest News)
-
స్మిత ఇంట సీతారాముల కల్యాణం.. నాని సందడి
-
కుప్పంలో చంద్రబాబు జన్మదిన వేడుకలు.. కేక్ కట్ చేసిన నారా భువనేశ్వరి
-
భారత్లో ఎలాన్ మస్క్ పర్యటన వాయిదా
-
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
-
ధోనీ ఎంట్రీ ఎఫెక్ట్.. వామ్మో వినికిడి కోల్పోమా..? : లఖ్నవూ స్టార్ వైఫ్
-
‘అవి డ్రోన్లు కాదు.. మాకు ఆటబొమ్మలే’.. ఇజ్రాయెల్ను హేళన చేసిన ఇరాన్