ట్యాబ్లు క్రమశిక్షణగా..
అంతర్జాల విహారం చేస్తున్నప్పుడు ఒకేసారి రెండు మూడు పేజీలను ఓపెన్ చేసి, చూడటం మామూలే. ఇలా వివిధ ట్యాబ్లను తెరచి ఉంచుకోవటం చాలా మేలు చేస్తుంది. రిఫరెన్స్ పేజీలను చూసుకోవటం, పెద్ద కథనాలను ఎప్పుడైనా చదువుకునేలా సేవ్ చేసుకోవటం, ఈమెయిళ్లను ఎప్పటికప్పుడు చెక్ చేసుకోవటం వంటివాటికిది ఉపయోగపడుతుంది
అంతర్జాల విహారం చేస్తున్నప్పుడు ఒకేసారి రెండు మూడు పేజీలను ఓపెన్ చేసి, చూడటం మామూలే. ఇలా వివిధ ట్యాబ్లను తెరచి ఉంచుకోవటం చాలా మేలు చేస్తుంది. రిఫరెన్స్ పేజీలను చూసుకోవటం, పెద్ద కథనాలను ఎప్పుడైనా చదువుకునేలా సేవ్ చేసుకోవటం, ఈమెయిళ్లను ఎప్పటికప్పుడు చెక్ చేసుకోవటం వంటివాటికిది ఉపయోగపడుతుంది. అయితే ట్యాబ్ల సంఖ్య మరీ ఎక్కువైతే? వీటిని వెతుక్కోవటానికే సమయమంతా పడుతుంది. ఇది ఏకాగ్రతను దెబ్బతీయటమే కాదు.. కంప్యూటర్ మెమరీని కూడా తింటుంది. దీంతో పీసీ వేగం నెమ్మదిస్తుంది. మరెలా అని బెంగపడకండి. ఎక్కువెక్కువ ట్యాబ్స్ ఓపెన్ చేసేవారికి సాయం చేసే ఎక్స్టెన్షన్లు లేకపోలేదు. వీటిని ఇన్స్టాల్ చేసుకుంటే పేజీలను సేవ్ చేసుకోవటం, వేరే పనుల్లో ఉన్నప్పుడు ఆయా విండోలను మ్యూట్ చేయటం వంటివాటికి తోడ్పడతాయి.
వన్ట్యాబ్
ట్యాబ్ మేనేజ్మెంట్కు ఇది తేలికైన మార్గం. ఎక్స్టెన్షన్ గుర్తు మీద నొక్కితే అన్ని ట్యాబ్స్ వాటంతటవే అదృశ్యమవుతాయి. అయితే ఇవన్నీ వన్ట్యాబ్ ఇంటర్ఫేస్ మీద అలాగే ఉంటాయి. దీన్ని ఒకరకంగా విడి బ్రౌజర్ విండో అనీ అనుకోవచ్చు. ఆయా ట్యాబ్లను గ్రూప్లుగానూ విభజించుకోవచ్చు. వీటికి ఇష్టమైన పేరు పెట్టుకోవచ్చు. ఇలా వేర్వేరుగానే కాదు.. గ్రూప్గానూ పేజీలను ఒకేసారి తెరచి చూసుకోవచ్చు.
ఎక్స్ట్యాబ్
తెరచి ఉండే ట్యాబ్ సంఖ్యను నియంత్రించుకోవటానికిది చక్కని మార్గం, ఇందులో ఒకసారి ట్యాబ్ సంఖ్యను నిర్ణయించుకుంటే చాలు. అంతవరకే తెరచి ఉంచుతుంది. ఉదాహరణకు 12 ట్యాబ్స్ను ఎంచుకున్నారనుకోండి. 13వ ట్యాబ్ను ఓపెన్ చేస్తే పాత ట్యాబ్ క్లోజ్ అవుతుంది. ఏ ట్యాబ్ క్లోజ్ కావాలనేదీ ముందే నిర్ణయించుకోవచ్చు. అంటే.. ఇటీవల వాడినది, పెద్దగా చూడనిది, అన్నింటికన్నా పాతది ఇలా రకరకాలుగా ట్యాబ్స్ క్లోజయ్యేలా చూసుకోవచ్చు. దీంతో కొత్త ట్యాబ్ను తెరవటానికి ఒకటికి రెండు సార్లు ఆలోచించాల్సి వస్తుందన్నమాట.
ట్రీ ట్యాబ్స్
ట్యాబ్స్ అడవిలో దారితప్పకుండా ఉండటానికిది తోడ్పడుతుంది. దీని ద్వారా ట్యాబ్స్ను ఒక పక్కన చెట్టు మాదిరిగా నిలువుగా పేర్చుకోవచ్చు. క్రీడలు, బ్యాంకులు, సామాజిక మాధ్యమాలు.. ఇలా వివిధ విభాగాలుగా వర్గీకరించుకోవచ్చు. ట్యాబ్స్ మరీ ఎక్కువ సంఖ్యలో ఉంటే ట్రీ ట్యాబ్స్ సైడ్బార్లో సెర్చ్ చేసుకోవచ్చు. తర్వాత బ్రౌజింగ్ చేసుకోవటానికి పేజీలను సేవ్ చేసుకోవచ్చు. అప్పుడే క్లోజ్ చేసిన విండో తిరిగి ఓపెన్ అయ్యేలా కూడా నిర్ణయించుకోవచ్చు.
మ్యూట్ ఆల్ ఇనాక్టివ్ ట్యాబ్స్
ట్యాబ్స్ చిందర వందరగా లేకుండానే కాదు, అసౌర్యం కలిగించకుండా చూసుకోవటమూ ముఖ్యమే. చాలా విండోస్ ఓపెన్ చేసినప్పుడు దేనిలోనైనా వీడియో గానీ ఆడియో క్లిప్ గానీ ప్లే అవుతుంటే అది వినిపిస్తూనే ఉంటుంది. ఇక్కడే మ్యూట్ ఆల్ ఇనాక్టివ్ ట్యాబ్స్ ఉపయోగపడుతుంది. పేరుకు తగ్గట్టుగానే ఇది చూస్తున్న ట్యాబ్ను తప్ప మిగతా అన్నింటినీ మ్యూట్లో పెట్టేస్తుంది. ఒకవేళ నిజంగానే ఇనాక్టివ్ ట్యాబ్లో ప్లే అవుతున్న వీడియో, ఆడియోను వినాలనుకుంటే ట్యాబ్ హెడర్ మీద క్లిక్ చేసి, అన్మ్యూట్ చేసుకోవచ్చు. వేరే ట్యాబ్లోకి వెళ్లినా వెనకాల అవి ప్లే అవుతూనే ఉంటాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు. -
ఫోన్ బ్యాటరీ ఎన్నిసార్లు ఛార్జ్ అవుతుంది?
స్మార్ట్ఫోన్ బ్యాటరీ పూర్తిగా.. అంటే 0 నుంచి 100% వరకు ఎన్నిసార్లు ఛార్జ్ అవుతుంది? ఎవరు లెక్కపెట్టొచ్చారని పెదవి విరవకండి. దీని గురించి తెలిస్తే బ్యాటరీ ఎక్కువ కాలం మన్నేలా కాపాడుకోవచ్చు మరి -
చిటికెలో పీసీ లాక్
పీసీ మీద ముఖ్యమైన పని చేస్తున్నారు. అదేమో అత్యంత రహస్యమైంది. అంతలో ఎవరైనా వస్తే? లేదూ ఎవరైనా వెనక నుంచి చేస్తున్న పనిని చూస్తున్నారని అనుమానం వస్తే? ఇలాంటి సమయంలో చిటికెలో పీసీని లాక్ చేసే సదుపాయం బాగా ఉపయోగపడుతుంది. -
పీసీ వేగానికి
-
ఫోన్ డిటాక్స్
ఆరోగ్యంగా ఉండటానికి ఉపవాసం చేసినట్టుగా స్మార్ట్ఫోన్లకూ అప్పుడప్పుడు విశ్రాంతి ఇవ్వటం మంచిది. ఇది డిజిటల్ డిటాక్స్కు బాగా ఉపయోగపడుతుంది. ఫోన్కు బానిసలు కాకుండా కాపాడుతుంది. కానీ మనసు మాట వినటం లేదంటారా? అయితే సెటింగ్స్లోనే మార్పులు చేసుకొని చూడండి. వీటితో నిర్ణీత సమయం మేరకైనా ఫోన్లకు విశ్రాంతి ఇవ్వచ్చు. -
ఇమేజ్లోంచీ అక్షరాలు కాపీ
ఇమేజ్లోనో, వీడియోలోనో టెక్స్ట్ సందేశం ఆకట్టుకోవచ్చు. దాన్ని టైప్ చేసుకోవాలనీ అనిపించొచ్చు. అంత కష్టం ఎందుకు? కాపీ చేస్తే పోలా. -
కంటెంట్ మాత్రమే ప్రింట్
డిజిటల్ డాక్యుమెంట్లు ప్రామాణికంగా మారిపోతున్న రోజులివి. ఇందుకోసం బ్రౌజర్లో తరచూ ప్రింట్ ఆప్షన్తో పీడీఎఫ్లను సృష్టించుకుంటూనే ఉంటాం.
తాజా వార్తలు (Latest News)
-
లోక్సభ ఎంపీల్లో 225 మందిపై క్రిమినల్ కేసులు: ఏడీఆర్
-
బాబాయిని చంపిన వ్యక్తికి ఎంపీ టికెట్.. చెల్లెలుపై కేసులు: చంద్రబాబు
-
ఆ నగ్న ఊరేగింపు ఫొటోకు అవార్డు.. నెట్టింట ఆగ్రహం
-
ఈనాడు.నెట్లో టాప్ 10 వార్తలు @ 5 PM
-
కాలమే అన్నింటికీ సమాధానం చెబుతుంది: కేటీఆర్
-
ఉపాధ్యాయ బదిలీల్లో రూ.వందల కోట్ల కుంభకోణం: నాదెండ్ల మనోహర్