మహా మహా కంప్యూటర్
రోజురోజుకీ సాంకేతిక పరిజ్ఞానం వృద్ధి చెందుతోంది. మనిషి తొలిసారి చంద్రుడి మీద కాలు మోపినప్పుడు వాడుకున్న పరిజ్ఞానాన్ని ప్రస్తుత ప్రమాణాలతో పోల్చి చూస్తే నవ్వు వస్తుంది. అవును మరి. అపోలో 11 ప్రయోగానికి నాసా ఉపయోగించిన కంప్యూటింగ్ వ్యవస్థ
రోజురోజుకీ సాంకేతిక పరిజ్ఞానం వృద్ధి చెందుతోంది. మనిషి తొలిసారి చంద్రుడి మీద కాలు మోపినప్పుడు వాడుకున్న పరిజ్ఞానాన్ని ప్రస్తుత ప్రమాణాలతో పోల్చి చూస్తే నవ్వు వస్తుంది. అవును మరి. అపోలో 11 ప్రయోగానికి నాసా ఉపయోగించిన కంప్యూటింగ్ వ్యవస్థ కన్నా మనం వాడుతున్న స్మార్ట్ఫోన్ పరిజ్ఞానం లక్షలాది రెట్లు ఎక్కువ శక్తిమంతమైంది, సమర్థమైంది. పరిస్థితులు శరవేగంగా మారిపోతున్నాయి. ఇప్పుడు సూపర్ కంప్యూటర్లూ అందుబాటులోకి వచ్చాయి. ప్రపంచాన్ని అర్థం చేసుకోవటానికి, డేటా నిర్వహణకు, అతి వేగంగా పనులు పూర్తి చేయటానికివి ఎంతగానో ఉపయోగపడుతున్నాయి. ఇంతకీ సూపర్ కంప్యూటర్ అంటే ఏంటి? వీటి ప్రాముఖ్యతేంటి?
మామూలు కంప్యూటర్ మాదిరిగానే సూపర్ కంప్యూటర్ కూడా సమాచార నిక్షిప్తం, విశ్లేషణ వంటి పనులే చేస్తుంది. కాకపోతే వీటి వేగం, సామర్థ్యం అనూహ్యం. పేరుకు తగ్గట్టుగానే భారీవి కూడా. సూపర్ కంప్యూటర్లో బోలెడన్ని ప్రాసెసింగ్ యూనిట్ల సముదాయాలుంటాయి. ఇవి సాధారణ ల్యాప్టాప్, డెస్క్టాప్ల కన్నా కోట్లాది రెట్ల వేగంతో పనులు చేసేస్తాయి. పాత కంప్యూటర్లను ఐపీఎస్(ఇన్స్ట్రక్షన్స్ పర్ సెకండ్)లో కొలిస్తే.. సూపర్ కంప్యూటర్లను ఫ్లాప్స్ (ఫ్లోటింగ్ పాయింట్ పర్ సెకండ్) పరిమాణంలో కొలుస్తారు. ఇవి ఎంత ఎక్కువగా ఉంటే సూపర్ కంప్యూటర్ అంత శక్తిమంతంగా ఉంటుందన్నమాట. ప్రస్తుతానికి ప్రపంచంలో అతి వేగంగా పనిచేసే సూపర్ కంప్యూటర్ అమెరికాలోని టెన్నెసీలో ఉంది. దీని పేరు ఫ్రాంటియర్. మొత్తం 74 భాగాలతో (కేబినెట్లు) కూడుకొని ఉంటుంది. ఒకో కేబినెట్ బరువు 4వేల కిలోలకు పైనే. ఇది ఇటీవలే జపాన్ సూపర్ కంప్యూటర్ ఫుగాకును తలదన్ని అత్యంత వేగవంతమైన సూపర్ కంప్యూటర్గా కీర్తికెక్కింది. ప్రపంచంలో మొట్టమొదటి ఎగ్జాస్కేల్ సూపర్ కంప్యూటర్ ఫ్రాంటియరే. అంటే ఒక సెకండుకు క్వింటిలియన్ (10వేల కోట్ల కోట్ల) ఫ్లోటింగ్ పాయింట్ గణాంకాలు చేస్తుంది. మనదేశమూ పరమ్ పేరుతో సూపర్ కంప్యూటర్లను అభివృద్ధి చేసింది. ఈ క్రమంలో మొదటిది పరమ్ 8000. దీన్ని 1991లో ప్రొఫెసర్ విజయ్ భట్కర్ రూపొందించారు. అప్పట్లో రెండో అత్యంత వేగవంతమైన సూపర్ కంప్యూటర్ ఇదే. ఇప్పటివరకు 16 పరమ్ సూపర్ కంప్యూటర్లను అభివృద్ధి చేశారు. తాజాగా ఐఐటీ గాంధీనగర్లో పరమ్ అనంత సూపర్ కంప్యూటర్ను ఆవిష్కరించారు. ఇది గరిష్ఠంగా సెకండకు 838 లక్షల కోట్ల వేగంతో గణిస్తుంది.
వివిధ అవసరాలకు
పెద్ద మొత్తంలో డేటా ప్రాసెసింగ్ అవసరమైన ఏ రంగంలోనైనా సూపర్ కంప్యూటర్లను వాడుకోవచ్చు. ఇందుకు కొన్ని ఉదాహరణలు..
వాతావరణ అంచనా: పెద్దమొత్తంలో వాతావరణ సమాచారాన్ని సేకరించటం.. దాన్ని విశ్లేషించటం.. పాత అంచనాలను పోల్చి చూడటం ద్వారా వాతావరణాన్ని కచ్చితంగా, త్వరగా అంచనా వేయటానికి సూపర్ కంప్యూటర్లు బాగా ఉపయోగపడతాయి. వాతావరణ మార్పు ప్రభావాలను అర్థం చేసుకోవటానికి, వీటి నివారణకు తోడ్పడే మార్గాలను గుర్తించటానికీ వీటిని వాడుకోవచ్చు. కేవలం దీని కోసమే మైక్రోసాఫ్ట్ సంస్థ ఒక సూపర్ కంప్యూటర్ను తయారుచేస్తోంది.
రన్నింగ్ సిమ్యులేషన్లు: కొత్తగా ఒక విమానాన్ని రూపొందిస్తున్నారనుకోండి. గాల్లో ప్రయాణిస్తున్నప్పుడు వాతావరణం ఎంతమేరకు వెనక్కి నెడుతోంది, మరింత తేలికగా ప్రయాణించటానికి ఆకారాన్ని మార్చాలా అనేవి ముందే తెలుసుకోగలిగితే? విమానాలను మరింత సురక్షితంగా, తక్కువ ఇంధనంతో నడిచేలా తీర్చిదిద్దొచ్చు. ఇందుకు రన్నింగ్ సిమ్యులేషన్ విధానం తోడ్పడుతుంది. సూపర్ కంప్యూటర్లు దీనికి బాగా ఉపయోగపడతాయి. అణు పరీక్షలు, ప్రయోగాల వంటివీ సిమ్యులేషన్లో నిర్వహించొచ్చు. దీంతో సామాగ్రి, డబ్బు ఆదా అవుతాయి. పర్యావరణ నష్టాలనూ తప్పించుకోవచ్చు.
శాస్త్రీయ పరిశోధనలు: అధ్యయనాలు, పరిశోధనల కోసం శాస్త్రవేత్తలు పెద్దఎత్తున సమాచారాన్ని విశ్లేషిస్తుంటారు. దీన్ని సూపర్ కంప్యూటర్లతో తేలికగా, వేగంగా పూర్తి చేయొచ్చు. ఉదాహరణకు- కొవిడ్ విజృంభించినప్పుడు వైరస్తో పోరాటంలో ఐబీఎం సూపర్ కంప్యూటర్ సమిట్ ఎంతగా తోడ్పడిందో. పెద్ద మొత్తంలో గణనలు చేయటం దగ్గర్నుంచి మందుల మూలకాలను విశ్లేషించటం వరకూ చాలా పనుల్లో పరిశోధకులు దీన్ని ఉపయోగించుకున్నారు. భూమి చుట్టూ గాలి, నీటి కదలికలను సిమ్యులేట్ చేయటం ద్వారా నాసా శాస్త్రవేత్తలు భూ వాతావరణాన్నీ అధ్యయనం చేస్తున్నారు. సౌర మండలం ఆవలి గ్రహాలను గుర్తించటం, కృష్ణబిలాలను అధ్యయనం చేయటం, వ్యోమనౌకల రూపకల్పన వంటి వాటికీ సూపర్ కంప్యూటర్లు ఉపయోగపడుతున్నాయి.
మన జేబుల్లోనూ..
ప్రతి రెండేళ్లకు కంప్యూటర్ల వేగం రెట్టింపు అవుతుందని చెప్పే మూర్ సూత్రం గురించి తెలిసే ఉంటుంది. అంటే కంప్యూటర్లలోని ఇంటిగ్రేటెడ్ సర్క్యూట్ల ప్రాసెసింగ్ శక్తి గణనీయంగా పెరుగుతూ వస్తోందన్నమాట. దీంతో ఒకప్పుడు అసాధ్యమనుకున్న పనులన్నీ ఇప్పుడు తేలికగా మారిపోయాయి. పదేళ్ల క్రితం వర్చువల్ రియాలిటీ, క్లౌడ్ గేమింగ్, మెటావర్స్ వంటివి కేవలం భావనలే. కానీ అవే ఇప్పుడు నిజమయ్యాయి. ఇలాంటి అధునాతన పరిజ్ఞానాలను అందుకోవటానికి మనం నిపుణులమే కానవసరం లేదు. మనకు తెలియకుండానే ఇవన్నీ మన జీవితంలో భాగమైనా ఆశ్చర్యపోనవసరం లేదు. అందువల్ల ఏదో ఒకనాడు సూపర్ కంప్యూటర్ మన జేబుల్లోనే ఇమిడిపోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.
తాజా వార్తలు (Latest News)
-
భారత విద్యార్థి మృతి.. మరోసారి చర్చలోకి బ్లూవేల్ ఛాలెంజ్..!
-
చిలుకూరు ఆలయంలో ‘వివాహ ప్రాప్తి’ రద్దు: ప్రధాన అర్చకులు రంగరాజన్
-
ఈ పోలింగ్ ‘బ్యూటీ’ ఇంటర్నెట్ సెన్సేషన్.. ఎవరీ ఈశా అరోడా..?
-
ఆ సినిమా నుంచి గుణపాఠం నేర్చుకున్నా: సోనాలి బింద్రే
-
దిల్లీ కోటలో తొలి మ్యాచ్.. హైదరాబాద్ దూకుడు కొనసాగేనా?
-
కేంద్ర ఎన్నికల సంఘానికి కనకమేడల మరో లేఖ