పీసీ రక్షణకు 7 టూల్స్!
కంప్యూటర్తో ఎన్ని పనులో! వెబ్ బ్రౌజింగ్ చేస్తాం. వర్డ్లో రాసుకుంటాం. పీడీఎఫ్ పైళ్లు సృష్టిస్తాం. ఫొటోలు దాచుకుంటాం. సినిమాలు చూస్తాం. సంగీతం వింటాం. గేమ్స్ ఆడతాం. ఇలా చెప్పుకొంటూ పోతే జాబితా చాలా పెద్దగానే ఉంటుంది.
కంప్యూటర్తో ఎన్ని పనులో! వెబ్ బ్రౌజింగ్ చేస్తాం. వర్డ్లో రాసుకుంటాం. పీడీఎఫ్ పైళ్లు సృష్టిస్తాం. ఫొటోలు దాచుకుంటాం. సినిమాలు చూస్తాం. సంగీతం వింటాం. గేమ్స్ ఆడతాం. ఇలా చెప్పుకొంటూ పోతే జాబితా చాలా పెద్దగానే ఉంటుంది. కానీ పీసీ మెయింటెనెన్స్ గురించే పెద్దగా పట్టించుకోం. ఎక్కువ కాలం, ఎలాంటి ఇబ్బందులూ లేకుండా పీసీ పనిచేయాలంటే కొన్ని జాగ్రత్తలు తప్పనిసరి. ఇందుకు కొత్త సాఫ్ట్వేర్స్ డౌన్లోడ్ చేసుకోవాల్సిన పనేమీ లేదు. విండోస్ అప్లికేషన్స్తోనే కంప్యూటర్ వేగాన్ని కాపాడుకోవచ్చు. సమస్యలను పరిష్కరించేవి, పీసీని కాపాడేవి ఎన్నో టూల్స్ అందుబాటులో ఉన్నాయి.
ట్రబుల్షూటింగ్
ప్రింటర్, ఇంటర్నెట్, యూఎస్బీ డ్రైవ్ల వంటి పీసీ భాగాలు సరిగా పనిచేయనట్టయితే ముందుగా ఆలోచించాల్సింది ట్రబుల్షూటింగ్ గురించే. కంట్రోల్ ప్యానెల్, విండోస్ సెటింగ్స్ ద్వారా ఇలాంటి బిల్టిన్ ట్రబుల్షూటర్లను వాడుకోవచ్చు. కంట్రోల్ ప్యానెల్లో ట్రబుల్షూటింగ్ అని సెర్చ్ చేస్తే ట్రుబుల్షూటింగ్ కంప్యూటర్ ప్రాబ్లమ్స్ విభాగం కనిపిస్తుంది. ఆయా సమస్యలకు సంబంధించిన అంశాన్ని ఎంచుకొని క్లిక్ చేయాలి. అప్పుడు వివిధ పరిష్కారాలు, ఇందుకోసం అనుసరించాల్సిన సూచనలు కనిపిస్తాయి. వీటిని పూర్తి చేయగానే విండోస్ సమస్యను పరిష్కరించటానికి ప్రయత్నిస్తుంది. లేదా ఇతర పరిష్కార మార్గాలను సూచిస్తుంది. విండోస్లో అందుబాటులో ఉన్న అన్ని ట్రబుల్షూటర్స్ను చూడాలనుకుంటే విండోస్ సెటింగ్స్లోకి వెళ్లాలి. ఇందులో అప్డేట్ అండ్ సెక్యూరిటీ విభాగం ద్వారా ట్రబుల్షూట్లోకి వెళ్లి అడిషనల్ ట్రబుల్షూటర్ను ఎంచుకోవాలి. అప్పుడు మొత్తం ట్రబుల్షూటర్ల జాబితా కనిపిస్తుంది. దేనినైనా రన్ చేయాలనుకుంటే దానిపై క్లిక్ చేసి, రన్ ట్రబుల్షూటర్ బటన్ను నొక్కితే చాలు. సమస్య తేలికైందా? తీవ్రమైందా? అనేది తెలుసుకోవటానికిది చక్కటి టూల్. తేలికైనదైతే ఆయా సూచనలతో పరిష్కరించుకోవచ్చు. తీవ్రమైనదైతే టెక్నీషియన్ సాయం తీసుకోవాల్సిందే.
డిస్క్ డీఫ్రాగ్మెంటర్
ఒకప్పటితో పోలిస్తే ప్రస్తుత హార్డ్ డ్రైవ్లు చాలా సమర్థంగా ఉంటున్నాయి. అందువల్ల పాత విండోస్ వర్షన్లలో మాదిరిగా ఇప్పుడు డీఫ్రాగ్మెంటింగ్ పెద్దగా ఉపయోగపడటం లేదు. అయినా కూడా పీసీ వేగాన్ని పెంచటంలో ఎంతో కొంత తోడ్పడే అవకాశం లేకపోలేదు. ఇందుకు ఎన్నో థర్డ్పార్టీ టూల్స్ ఉన్నప్పటికీ విండోస్లో డిఫాల్ట్గా వచ్చే డిస్క్ డీఫ్రాగ్మెంటర్ తక్కువదేమీ కాదు. పీసీ పనితీరు మెరుగుపడటానికిది బాగా ఉపయోగపడుతుంది. విండోస్ గుర్తును క్లిక్ చేసి సెర్చ్ బాక్స్ ద్వారా దీన్ని వెతకొచ్చు. టూల్ను ఓపెన్ చేసి అనలైజ్ లేదా ఆప్టిమైజ్ బటన్ను క్లిక్ చేయాలి. అప్పుడు ఏ డ్రైవ్ను డీఫ్రాగ్మెంట్ చేయాలో అడుగుతుంది. దాన్ని ఎంచుకంటే డీఫ్రాగ్మెంట్ చేసి పెడుతుంది. కావాలంటే ఆటోమేటిక్గా డీఫ్రాగెంట్ చేసేలా సమయాన్నీ నిర్ణయించుకోవచ్చు. దీంతో మన ప్రమేయమేమీ లేకుండానే ఆ సమయానికి పని చేసేస్తుంది.
ఫైల్ హిస్టరీ బ్యాకప్
ఫైల్ హిస్టరీ పేరును బట్టి ఇది ఫైళ్ల గత వర్షన్లను రిస్టోర్ మాత్రమే చేస్తుందని భావిస్తుంటారు. నిజానికిది పూర్తిస్థాయి బ్యాకప్ టూల్. పీసీకి ఎక్స్టర్నల్ డ్రైవ్ను కనెక్ట్ చేసి, బ్యాకప్ చేసుకోవాలని అనుకుంటున్న ఫైళ్లను ఎంచుకోవచ్చు. ఎప్పుడెప్పుడు బ్యాకప్ కావాలో కూడా నిర్ణయించుకోవచ్చు. విండోస్ 10లోనైతే స్టార్ట్ ద్వారా సెటింగ్స్లోకి వెళ్తే అప్డేట్ అండ్ సెక్యూరిటీ విభాగం కనిపిస్తుంది. దీన్నుంచి బ్యాకప్లోకి అక్కడ్నుంచి బ్యాకప్ యూజింగ్ ఫైల్ హిస్టరీని ఎంచుకోవాలి. దీంతో డిఫాల్ట్ ఫోల్డర్లు వాటంతటవే బ్యాకప్ అవుతాయి. వద్దనుకుంటే వాటిని డిలీట్ చేసుకోవచ్చు. కావాలంటే కొత్తవి యాడ్ చేసుకోవచ్చు. డ్రైవ్లో స్టోరేజీ పరిమితి ఒక్కటే అడ్డంకి. పెద్ద స్టోరేజీ ఉంటే ఎలాంటి ఇబ్బందీ ఉండదు.
సిస్టమ్ రిస్టోర్
ఏదైనా ప్రోగ్రామ్, డ్రైవర్ ఇన్స్టాల్ చేశాక సమస్యలు తలెత్తినప్పుడు సిస్టమ్ రిస్టోర్ వరంలా ఉపయోగపడుతుంది. ఇది నిర్ణయించుకున్న సమయంలో ఉన్నట్టుగా పీసీని సేవ్ చేసి పెడుతుంది. ఏదైనా పొరపాటు జరిగితే తేలికగా పాత స్థితికి తీసుకొస్తుంది. విండోస్ 10లో సిస్టమ్ రిస్టోర్ను మనమే యాక్టివేట్ చేసుకోవాల్సి ఉంటుంది. కొన్ని ప్రోగ్రామ్లు ఇన్స్టాల్ అయినప్పుడే ఆటోమేటిక్ సిస్టమ్ రిస్టోర్ సయమాన్ని క్రియేట్ చేస్తుంటాయి. మైక్రోసాఫ్ట్ సూచనల ద్వారా సిస్టమ్ రిస్టోర్ను ఎలా క్రియేట్ చేసుకోవాలో తెలుసుకోవచ్చు. ఒకసారి దీన్ని క్రియేట్ చేసుకుంటే సిస్టమ్ను రిస్టోర్ చేసినప్పుడు ఆ సమయం వరకు ఉన్న ఫైళ్లు అలాగే ఉంటాయి.
విండోస్ రిలయబిలిటీ మానిటర్
మనం గుర్తించలేకపోవచ్చు గానీ విండోస్ తనకు తానే అన్ని హార్డ్వేర్, సాఫ్ట్వేర్ మార్పులను రికార్డు చేసి పెట్టుకుంటుంది. విండోస్ రిలయబిలిటీ మానిటర్ కోసం వీటిని సేవ్ చేసుకుంటుంది. దీని ద్వారా సిస్టమ్ ఎలా పనిచేస్తోంది? ఏవైనా సమస్యలొస్తే ఎలా పరిష్కరిస్తోంది? అనేవి చూసుకోవచ్చు. దీన్ని చేరుకోవాలంటే కంట్రోల్ ప్యానెల్లోకి వెళ్లి సెక్యూరిటీ అండ్ మెయింటెనెన్స్ కోసం సెర్చ్ చేయాలి. మెయింటెనెన్స్ విభాగంలో వ్యూ రిలయబిలిటీ హిస్టరీ మీద క్లిక్ చేయాలి. అప్పుడు రిలయబిలిటీ మానిటర్ రిపోర్టును సృష్టిస్తుంది. దీంతో ఇటీవల ఎదురైన ఎర్రర్స్, క్రాషెస్కు సంబంధించి టెక్నికల్ వివరాలనూ చూసుకోవచ్చు.
విండోస్ సిస్టమ్ ఇమేజ్
సిస్టమ్ ఇమేజ్ టూల్ను విండోస్కు కాపీ అనుకోవచ్చు. ఇందులో ప్రోగ్రామ్స్, ఫైల్స్, సిస్టమ్ సెటింగ్స్ కాపీలన్నీ ఉంటాయి. దీన్ని డీవీడీలో లేదా ఎక్స్టర్నల్ డ్రైవ్లో స్టోర్ చేసుకోవచ్చు. పీసీ ఎప్పుడైనా క్రాష్ అయినప్పుడు బూట్ చేసుకోవటానికి వాడుకోవచ్చు. డిస్క్ ఇమేజెస్ను క్రియేట్ చేసుకునే విధానం విండోస్ 7, విండోస్ 8.1, 10లకు వేర్వేరుగా ఉంటుందని గమనించాలి.
విండోస్ మెమరీ డయగ్నాస్టిక్స్ టూల్
పీసీ సమస్యను గుర్తించినప్పుడు ఇది తనకు తానే రన్ అవుతుంది. ఒకవేళ ఏదైనా సమస్య ఉందని అనుమానం వచ్చినప్పుడు మనమే రన్ చేసుకోవచ్చు. మెమరీని చెక్ చేసుకోవచ్చు. విండోస్, ఆర్ కీలను ఒకేసారి కలిపి నొక్కితే రన్ ఓపెన్ అవుతుంది. ఇందులో mdsched అని టైప్ చేసి ఎంటర్ను నొక్కాలి. అప్పుడు ఒక విండో ఓపెన్ అవుతుంది. వెంటనే టూల్ రన్ కావాలా? లేకపోతే తర్వాత బూట్ చేసినప్పుడు రన్ కావాలా? అనేది ఎంచుకోవాలి. ఈ టూల్ ఏదైనా సమస్యను గుర్తిస్తే పీసీ తయారీ సంస్థను సంప్రదించాలని మైక్రోసాఫ్ట్ సూచిస్తోంది. ఎందుకంటే మెమరీ సమస్యలు చాలావరకు మెమరీ చిప్స్ లేదా ఇతర హార్డ్వేర్ భాగాలతో ముడిపడి ఉంటుంటాయి. పీసీ ఇంకా వారంటీ సమయంలో ఉన్నట్టయితే మార్చుకోవటానికీ ఇది ఉపయోగపడుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.