ఇక కాల్పనిక ఫొటోగ్రఫీ కాలం
ఫిల్మ్ ఫొటోగ్రఫీ తెలుసు. డిజిటల్ ఫొటోగ్రఫీ తెలుసు. మరి వర్చువల్ ఫొటోగ్రఫీ గురించి? ఇది తెర మీద కనిపించే దృశ్యాలను స్క్రీన్షాట్ తీయటానికి మాత్రమే సంబంధించింది కాదు. ఆన్లైన్ గేమర్స్ను
ఫిల్మ్ ఫొటోగ్రఫీ తెలుసు. డిజిటల్ ఫొటోగ్రఫీ తెలుసు. మరి వర్చువల్ ఫొటోగ్రఫీ గురించి? ఇది తెర మీద కనిపించే దృశ్యాలను స్క్రీన్షాట్ తీయటానికి మాత్రమే సంబంధించింది కాదు. ఆన్లైన్ గేమర్స్ను వర్చువల్ ఫొటోగ్రాఫర్లుగా మారుస్తున్న కొత్త వైనం. వ్యాపార సంస్థలకు కలిసొస్తున్న కొత్త ఆకర్షణ సాధనం.
మీరొక వీడియో గేమ్ ఆడుతున్నారనుకోండి. మీ పాత్రను గానీ గేమ్లోని కృత్రిమ మేధ నియంత్రించే పాత్రను గానీ ప్రభావితం చేయకుండా కెమెరా తేలుతూ వస్తోంది. మీరు గేమ్లో సాహసాలు చేస్తున్నప్పుడు అది మీ ఫొటోలు తీస్తోంది. ఊహించుకోవటానికే అద్భుతంగా ఉంది కదా. వర్చువల్ ఫొటోగ్రఫీ ఉద్దేశం ఇదే. నిజానికిది చాలాకాలంగా ఉన్నదే. అయితే వీడియో గేమ్స్ను రూపొందించేవారు ఫొటో మోడ్ను జోడించటం ఎక్కువవుతున్నకొద్దీ ఊపందుకుంటోంది. ఇన్-గేమ్స్ ఫొటోను షేర్ చేసుకునే సంస్కృతి కూడా పుంజుకుంటోంది. వర్చువల్ ఫొటోగ్రఫీ కేవలం వీడియో గేమ్స్కే పరిమితం కావటం లేదు. ఆగ్మెంటెడ్ రియాలిటీ (ఏఆర్), వర్చువల్ రియాలిటీ (వీఆర్) వాడకం పెరుగుతూ వస్తున్న నేపథ్యంలో దీన్ని వ్యాపార సంస్థలు సైతం వాడుకోవటం ఆరంభించాయి.
వినోదంగా మొదలై..
ఇన్-గేమ్ ఫొటోలను తీసుకోవటానికి అనుమతించిన మరపురాని గేమ్స్లో గ్రాన్ టురిస్మో 4 ఒకటి. ఇది 2005లో ఆరంభమైంది. ఇందులో గేమ్ ఆడేవారు ‘ఫొటో మోడ్’ సాయంతో ట్రాక్ చుట్టుపక్కల తమ కార్లను, ఆయా లొకేషన్లను ఫొటోలు తీసుకోవటానికి వీలుంటుంది. కానీ ఇతర ఆటగాళ్లతో ఫొటోలను పంచుకునే సదుపాయం లేదు. ఫొటోలను క్లౌడ్లో అప్లోడ్ చేసుకొని, ఈమెయిల్ ద్వారా పంపించుకోవాల్సి ఉంటుంది. హాలో 3 రాకతో పరిస్థితి పూర్తిగా మారిపోయింది. ఈ గేమ్స్లోని ‘థియేటర్ మోడ్’ సదుపాయం మూలంగా ఆన్లైన్లో గానీ ఆఫ్లైన్లో గానీ ఆడిన మ్యాచ్ మొత్తాన్ని రికార్డు చేసుకోవటం సాధ్యమైంది. ఇది ప్రొఫైల్లో ‘ఫైల్ షేర్’లో సేవ్ అవుతుంది. దీన్ని ఇతర ఆటగాళ్లు ప్రి-గేమ్ లాబీలో తేలికగా చూసుకోవచ్చు. కాలం గడుస్తున్న కొద్దీ గేమ్స్ అద్భుతమైన దృశ్యాలతో, వింత వింత ప్రపంచాలతో కనువిందు చేస్తూ వస్తున్నాయి. వీటన్నింటిని ఫొటోల రూపంలో భద్రపరచుకోవటం గేమ్స్లో ఒక భాగంగానూ మారిపోయింది. ఘోస్ట్ ఆఫ్ సుషిమా, డెత్ స్ట్రాండింగ్, హొరైజన్ ఫార్బిడెన్ వెస్ట్ వంటి గేమ్స్ దీనికి మరింత ఊతమిచ్చాయి. గేమర్స్ కాసేపు విశ్రాంతి తీసుకొని, ఫొటో మోడ్లో ఇష్టమైన చోట ఫొటోలు తీసుకోవటం ఒక ధోరణిగా స్థిరపడిపోయింది.
ఎందుకింత ఆకర్షణ
వీడియో గేమ్స్ అంటే ఇష్టం లేనివారు సైతం వీటి దృశ్యాలను ఎప్పుడో అప్పుడు చూసే ఉంటారు. ఈ-కామర్స్ సంస్థలు వర్చువల్ ఫొటోలను ఇప్పటికే వాడుకుంటున్నాయి. ఈ సంస్థలు మామూలు ఫొటోలకు బదులు వర్చువల్ ఫొటోగ్రఫీ వైపు ఎందుకు మొగ్గు చూపుతున్నాయి? వీటితో ఎలాంటి లాభాలున్నాయి?
తక్కువ ఖర్చు: సంప్రదాయ పద్ధతిలో ఫొటోలు తీయటానికి స్టుడియో, ఎడిటింగ్ సాఫ్ట్వేర్, సహాయకులు కావాలి. వర్చువల్ ఫొటోగ్రఫీకి ఇవేమీ అవసరం లేదు. అందువల్ల ఖర్చు తగ్గుతుంది. అలాగని ప్రతి కంప్యూటర్తోనూ అత్యధిక నాణ్యతతో కూడిన ఫొటోలు తీస్తామంటే కుదరదు. శక్తిమంతమైన ప్రాసెసర్, మంచి గ్రాఫిక్స్ కార్డు, సమర్థమైన కూలింగ్ వ్యవస్థ, ఎక్కువకాలం మన్నే బ్యాటరీ వంటివన్నీ ఉండాల్సిందే.
స్పష్టత: ఆన్లైన్లో ఫోన్లు, కుర్చీల వంటివి కొనేటప్పుడు నమూనా ఫొటోలో అన్ని వివరాలూ స్పష్టంగా కనిపించాలని అనుకుంటాం కదా. వీటిని స్టుడియోకు తీసుకొచ్చి అన్ని కోణాల్లో, మంచి నాణ్యమైన ఫొటోలు తీయటమంటే మాటలు కాదు. శ్రమతో కూడుకున్న పని. ఇక వస్తువులు వివిధ రంగుల్లో ఉంటే ప్రతిదాన్నీ వేర్వేరు రంగుల్లో ఫొటోలు తీయటానికి ఇంకా శ్రమించాల్సి ఉంటుంది. అందుకే ఫర్నిచర్ కంపెనీలు ఆగ్మెంటెడ్ రియాలిటీ అనుభూతిని కలిగించానికి వర్చువల్ ఫొటోగ్రఫీని వాడుకుంటున్నాయి. గ్రాఫిక్స్, 3డీ నమూనాలతో రూపొందించే ఇవి నిజం వస్తువులనే తలదన్నేలా కనిపిస్తున్నాయి. ఇంట్లో ఫర్నీచర్ ఎక్కడ పెడితే బాగుంటుంది? ఏ సైజులో, ఏ రంగులో అందంగా కనిపిస్తుంది? అనేవి యాప్లోనే చూసుకోవటానికివి వీలు కల్పిస్తున్నాయి.
ఎప్పుడైనా, ఎక్కడైనా: ఆరుబయట షూటింగ్ చేయటానికి వాతావరణమూ కలిసి రావాలి. అప్పుడే వస్తువులు అందంగా, ఆకర్షణీయంగా కనిపిస్తాయి. స్టుడియోలోనూ వివిధ లైటింగ్ వ్యవస్థలు, లెన్సులు, చుట్టుపక్కల పరిసరాలను ప్రత్యేకంగా ఏర్పాటు చేసుకోవాల్సి ఉంటుంది. వర్చువల్ ఫొటోగ్రఫీకి ఇవేవీ అక్కర్లేదు. ఎప్పుడైనా ఫొటోలు తీసుకోవచ్చు. వెనకాల రంగు, ఫోకస్, ఫోకల్ లెంత్ వంటి వాటిని కెమెరా సెటింగ్స్తో చిటికెలో మార్చుకోవచ్చు.
భవిష్యత్తు దీనిదేనా?
ఆగ్మెంటెడ్ రియాలిటీ, వర్చువల్ రియాలిటీ పరిజ్ఞానాలు రోజురోజుకీ అధునాతనంగా మారుతున్న తరుణంలో వర్చువల్ ఫొటోగ్రఫీ మున్ముందు ఇంకా పుంజుకునే అవకాశాలే ఎక్కువగా కనిపిస్తున్నాయి. గేమ్స్ ఆడేవారు వర్చువల్ ఫొటోగ్రఫీ అవార్డులు అందుకున్నా ఆశ్చర్యపోనవసరం లేదు. వ్యాపార సంస్థలు తక్కువ ఖర్చుతో, మరింత నాణ్యమైన ఫొటోలు తీసుకోవటానికి మొగ్గుచూపొచ్చు. అయితే ఇది ఎంత త్వరగా పుంజకున్నా నిజ ప్రపంచ భావనను భర్తీ చేయలేదనేది మాత్రం వాస్తవం. అందమైన దృశ్య కావ్యాన్ని సృష్టించటంలో కలిగే తృప్తిని అందించలేదు. కానీ ప్రపంచ ధోరణితో పాటు భవిష్యత్తులో వర్చువల్ ఫొటోగ్రఫీ కూడా అత్యాధునికంగా మారిపోవచ్చు. నిజ ప్రపంచాన్ని తలదన్నే స్థాయికీ చేరుకోవచ్చు. విజువల్ ఎఫెక్ట్స్తో కూడిన సినిమాలు ఇప్పటికే మంత్రముగ్ధుల్ని చేయటం చూస్తూనే ఉన్నాం కదా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
నిర్ణీత సమయానికి ఎస్ఎంఎస్
ఆత్మీయుల పుట్టినరోజు. సరిగ్గా అర్ధరాత్రి 12 గంటలకు ఎస్ఎంఎస్ పంపించాలని అనుకుంటాం. కానీ అప్పటివరకూ మెలకువగా ఉండకపోతే? నిద్రపోయినప్పుడు ఆ సమయానికి మెలకువ రాకపోతే? ఇలాంటి సమయాల్లోనే నిర్ణీత సమయానికి మెసేజ్లు అందే సదుపాయం ఉంటే బాగుండునని అనిపిస్తుంటుంది. -
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది. -
డాక్స్లో పాత వర్షన్ కావాలంటే?
గూగుల్ డాక్స్లో ఎడిటింగ్ చేస్తూనే ఉంటాం. షేర్ చేసిన ఫైళ్లలో ఎవరెవరో ఏవో మార్పులు చేయొచ్చు. కానీ కొన్నిసార్లు ముందరి డాక్యుమెంట్లోని సమాచారమే బాగుందని అనిపించొచ్చు. -
టాయ్లెట్ ఎక్కడ?
బయటకు వెళ్లినప్పుడు పబ్లిక్ టాయ్లెట్ల విషయంలో మహిళలు చాలా ఇబ్బంది ఎదుర్కొంటుంటారు. పట్ణణాల్లోనైతే ఈ సమస్య మరీ ఎక్కువ. -
ఫ్లాష్ నోటిఫికేషన్లు ఇలా..
ఫోన్ సైలెంట్లో పెట్టారు. కానీ ముఖ్యమైన నోటిఫికేషన్లు మిస్ అవుతున్నామేమో అని మనసులో అనిపిస్తుంటుంది. అంతలా బాధపడాల్సిన పనిలేకుండా ఫ్లాష్ లైట్ అలర్ట్ను సెట్ చేసుకుంటే చాలు.