సఫారీ మీద సవారీ
యాపిల్ పరికరాలు వాడేవారికి ‘సఫారీ’ వెబ్ బ్రౌజర్ సుపరిచితమే. అయినా చాలామంది గూగుల్ క్రోమ్ను ఇన్స్టాల్ చేసుకుంటుంటారు. సఫారీ అంత సమర్థమైంది కాదని అనుకోవటమే దీనికి కారణం. నిజానికి క్రోమ్లో లేని ఎన్నో ఫీచర్లు ఇందులో
యాపిల్ పరికరాలు వాడేవారికి ‘సఫారీ’ వెబ్ బ్రౌజర్ సుపరిచితమే. అయినా చాలామంది గూగుల్ క్రోమ్ను ఇన్స్టాల్ చేసుకుంటుంటారు. సఫారీ అంత సమర్థమైంది కాదని అనుకోవటమే దీనికి కారణం. నిజానికి క్రోమ్లో లేని ఎన్నో ఫీచర్లు ఇందులో అందుబాటులో ఉన్నాయి. వీటి గురించి తెలిస్తే ఔరా అనాల్సిందే.
ఫొటోలోంచి టెక్స్ట్ కాపీ
మెమేల దగ్గర్నుంచి స్క్రీన్ షాట్ల వరకూ చాలా ఇమేజ్ ఫైళ్లలో టెక్స్ట్ చదువుతుంటాం. కొన్నిసార్లు ఇవి బాగా ఆకర్షిస్తుంటాయి. కానీ ఫొటో నుంచి అక్షరాలను కాపీ చేసి, మరోచోట పేస్ట్ చేయటం సాధ్యం కాదు. ఇది చాలా చికాకు తెప్పిస్తుంది. కానీ సఫారీలోనైతే దీన్ని తేలికగా చేసేయొచ్చు. ఇందులో మ్యాక్ఓఎస్ ఫీచర్ ‘లైవ్ టెక్స్ట్’ ఇన్బిల్ట్గా ఉంటుంది. ఇది ఆప్టికల్ క్యారెక్టర్ రికగ్నిషన్ ద్వారా ఫొటోల్లోని టెక్స్ట్ను గుర్తిస్తుంది. దీంతో టెక్స్ట్ను ఇట్టే కాపీ చేసుకోవచ్చు. ఈ ఫీచర్ను వాడుకోవాలంటే సఫారీలో ఫొటోను ఓపెన్ చేస్తే చాలు. అందులో కనిపించే టెక్స్ట్ను కాపీ చేసుకుంటే సరి. ఎక్కడైనా పేస్ట్ చేసుకోవచ్చు.
మరింత భద్రత
సఫారీలో మరో ప్రత్యేకత ఇంటెలిజెంట్ ట్రాకింగ్ ప్రివెన్షన్ వ్యవస్థ. ఇది థర్డ్ పార్టీ కుకీలను ఆపేస్తుంది. అంటే ఇతర వెబ్సైట్లలో మనమేం చూస్తున్నామో, చదువుతున్నామో అమెజాన్ వంటి కంపెనీలకు తెలియదన్నమాట. లైక్, షేర్ బటన్ల వంటి వాటిని మనం వాడకపోయినా కొన్ని వెబ్సైట్లు వీటి ద్వారా ట్రాక్ చేస్తుంటాయి. సఫారీ దీన్ని తనకు తానే నిలువరిస్తుంది. దీంతో వ్యక్తిగత సమాచారం మరింత భద్రంగా ఉంటుంది. యాడ్-ఆన్స్తో క్రోమ్లోనూ ఇలాంటి సదుపాయాలు ఉంటాయి గానీ సఫారీలో ఇవి డిఫాల్ట్గానే ఎనేబులై ఉంటాయి.
ఆటోప్లే కంట్రోల్
వాటంతటవే ప్లే అయ్యే వీడియోలను క్రోమ్లో సెట్ చేసుకోవటం కాస్త కష్టమైన పనే. కానీ సఫారీలో ఇది చాలా తేలిక. ‘ప్రిఫరెన్స్’లోకి వెళ్లి, ‘వెబ్సైట్స్’ ట్యాబ్ను ఓపెన్ చేస్తే ‘ఆటో-ప్లే’ విభాగం కనిపిస్తుంది. ఇందులో ‘నెవర్ ఆటో-ప్లే’ ఎంచుకుంటే చాలు. అప్పటికి ఓపెన్ అయి ఉన్న సైట్లకు వర్తించకుండానూ దీన్ని కన్ఫిగర్ చేసుకోవచ్చు.
నేరుగా రీడర్ మోడ్
వెబ్సైట్ను రీడర్మోడ్లో పెట్టుకుంటే చదవటానికి హాయిగా ఉంటుంది. రీడర్ మోడ్లో సైడ్బార్లు, పాపప్స్, ప్రకటనల వంటి చికాకు పరచేవేవీ ఉండవు. క్రోమ్లో ఇలాంటి సదుపాయం ఉంది గానీ ఎక్స్పెరిమెంటల్ సెటింగ్స్ లేదా ఫ్లాగ్స్ ద్వారానే వాడుకోవటానికి వీలుంటుంది. అదే సఫారీలోనైతే సెటింగ్స్ ద్వారానే ఎనేబుల్ చేసుకోవచ్చు. ఇది తేలికగా రీడర్ మోడ్లోకి మార్చటమే కాదు, వెబ్సైట్లో ఏ కథనాన్ని అయినా డిఫాల్ట్గా రీడర్ మోడ్లో ఓపెన్ అయ్యేలా చేస్తుంది కూడా. దీన్ని వాడుకోవాలనుకుంటే- వ్యూ విభాగంలోకి వెళ్లి, ‘షో రీడర్’ ఆప్షన్ను ఎంచుకోవచ్చు. అడ్రస్ బార్ మీద ఎడమ వైపున పేజీ మాదిరిగా కనిపించే ‘రీడర్’ గుర్తు మీద క్లిక్ చేసినా చాలు.
పరికరం మారినా
మ్యాక్లో ఏదో వెబ్సైట్ చూస్తున్నారు. దాన్ని అదే సమయంలో ఐఫోన్లో లేదా ఐప్యాడ్లో చూసుకోవటానికీ వీలుంటుంది. ఇందుకు ‘కంటిన్యూటీ’ ఫీచర్ తోడ్పడుతుంది. క్రోమ్లోనూ దీన్ని ఉపయోగించుకోవచ్చు. అయితే సఫారీలో మరిన్ని ఎక్కువ సదుపాయాలు అందుబాటులో ఉంటాయి. ఉదాహరణకు- కొత్త ట్యాబ్ ఓపెన్ చేసినప్పుడు ప్రస్తుతం ఓపెన్ అయి ఉన్న ట్యాబ్ల జాబితా ఇతర పరికరాల్లోనూ కనిపిస్తుంది. బుక్మార్క్లు, చదువుతున్న పేజీలు వాటంతటవే సింక్ అవుతాయి.
డబ్బుల చెల్లింపు
యాపిల్ పేమెంట్ వ్యవస్థ ఒక్క ఐఫోన్కే పరిమితం కాదు. టచ్ఐడీ ద్వారా క్రెడిట్ కార్డు వివరాలను ధ్రువీకరించుకుంటే సఫారీలోనూ దీన్ని వాడుకోవచ్చు. ఇతర పరికరాల్లో ఈ వ్యవస్థను ఉపయోగించు కోవటానికి ఇప్పుడు ఆన్లైన్ అంగళ్లు బాగానే సపోర్టు చేస్తున్నాయి.
బ్యాటరీ మన్నిక
క్రోమ్ కన్నా సఫారీ తక్కువ ర్యామ్, సీపీయూను వాడుకుంటుంది. అందువల్ల బ్యాటరీ త్వరగా నిండుకోదు. దీంతో ల్యాప్టాప్, ఐఫోన్, ఐప్యాడ్ వంటి వాటిని ఎక్కువ సేపు వాడుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
నిర్ణీత సమయానికి ఎస్ఎంఎస్
ఆత్మీయుల పుట్టినరోజు. సరిగ్గా అర్ధరాత్రి 12 గంటలకు ఎస్ఎంఎస్ పంపించాలని అనుకుంటాం. కానీ అప్పటివరకూ మెలకువగా ఉండకపోతే? నిద్రపోయినప్పుడు ఆ సమయానికి మెలకువ రాకపోతే? ఇలాంటి సమయాల్లోనే నిర్ణీత సమయానికి మెసేజ్లు అందే సదుపాయం ఉంటే బాగుండునని అనిపిస్తుంటుంది. -
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది. -
డాక్స్లో పాత వర్షన్ కావాలంటే?
గూగుల్ డాక్స్లో ఎడిటింగ్ చేస్తూనే ఉంటాం. షేర్ చేసిన ఫైళ్లలో ఎవరెవరో ఏవో మార్పులు చేయొచ్చు. కానీ కొన్నిసార్లు ముందరి డాక్యుమెంట్లోని సమాచారమే బాగుందని అనిపించొచ్చు. -
టాయ్లెట్ ఎక్కడ?
బయటకు వెళ్లినప్పుడు పబ్లిక్ టాయ్లెట్ల విషయంలో మహిళలు చాలా ఇబ్బంది ఎదుర్కొంటుంటారు. పట్ణణాల్లోనైతే ఈ సమస్య మరీ ఎక్కువ. -
ఫ్లాష్ నోటిఫికేషన్లు ఇలా..
ఫోన్ సైలెంట్లో పెట్టారు. కానీ ముఖ్యమైన నోటిఫికేషన్లు మిస్ అవుతున్నామేమో అని మనసులో అనిపిస్తుంటుంది. అంతలా బాధపడాల్సిన పనిలేకుండా ఫ్లాష్ లైట్ అలర్ట్ను సెట్ చేసుకుంటే చాలు.
తాజా వార్తలు (Latest News)
-
భావోద్వేగ మూల్యం చెల్లించుకున్నా - బాక్సర్ విజేందర్ సింగ్
-
మహేశ్బాబు- కమిన్స్ ఫొటో వైరల్.. ఫ్రెండ్స్తో రాశీ.. కాజల్ ‘వింటేజ్ వైబ్స్’
-
ఐపీఎల్ పాయింట్లు పంచి పెడతాం అన్నట్లు ఉంది.. మాజీ క్రికెటర్ సెటైర్
-
నేటి రాశి ఫలాలు.. 12 రాశుల ఫలితాలు ఇలా... (23/04/24)
-
శతకం బాదిన జైస్వాల్.. ముంబయిపై రాజస్థాన్ ఘన విజయం