బాల్ రే బాల్!
ఫుట్బాల్. అత్యంత ఆదరణ పొందిన ప్రపంచ క్రీడ. ఒక్క కిక్తోనే బాల్తో చిత్ర విచిత్రాలు చేయించే క్రీడాకారులు.. ఏ క్షణం ఏమవుతుందోననే ఆసక్తితో వీక్షించే అభిమానులు.. కేరింతలతో దద్దరిల్లే స్టేడియాలు..
ఫుట్బాల్. అత్యంత ఆదరణ పొందిన ప్రపంచ క్రీడ. ఒక్క కిక్తోనే బాల్తో చిత్ర విచిత్రాలు చేయించే క్రీడాకారులు.. ఏ క్షణం ఏమవుతుందోననే ఆసక్తితో వీక్షించే అభిమానులు.. కేరింతలతో దద్దరిల్లే స్టేడియాలు.. మొత్తంగా అదో నయనాందకర విన్యాసం. ఇక వరల్డ్ కప్ పోటీలంటే చెప్పేదేముంది? అనుక్షణమూ ఆసక్తే. అందుకే అధునాతన టెక్నాలజీలకూ ప్రాధాన్యం పెరుగుతోంది. ప్రత్యక్షంగా, పరోక్షంగా పోటీలను మరింత బాగా ఆస్వాదించటానికే కాదు.. బంతి ప్రతి కదలికలను నిశితంగా గమనించటానికీ ఎన్నో కొంగొత్త పరిజ్ఞానాలను ప్రస్తుత ఫిఫా వరల్డ్ కప్లో వాడుకుంటున్నారు. స్టేడియం సదుపాయాల విషయంలోనూ వెనక్కి తగ్గటం లేదు. ప్రపంచ కప్ పోటీలకు ఆతిథ్యమిస్తున్న ఖతార్ పదేళ్ల ముందు నుంచే వీటిపై దృష్టి సారించింది. గత కొన్నేళ్లుగా ప్రపంచ కప్ పోటీలపై ఆధిపత్యం చూపిస్తున్న సాంకేతిక పరిజ్ఞానాలు ఈసారి మరింత కొత్తగానూ అలరిస్తున్నాయి. వరల్డ్ కప్ పోటీలను ఇవి మరింత ఆకర్షణీయంగా మలుస్తున్నాయి. మరి వీటి విశేషాలేంటో చూద్దామా!
అధునాతన శీతల వ్యవస్థ
ఖతార్లో ప్రపంచకప్ అనగానే అందరినీ కలవరపెట్టింది వాతావరణమే. అక్కడి నేల రాళ్లు, రప్పలతో కూడుకొని ఉండటం వల్ల వేడి ఎక్కువ. గాలిలో తేమ కూడా ఎక్కువగానే ఉంటుంది. ప్రస్తుతం అక్కడ వేసవి కాలం. ఇలాంటి వాతావరణంలో ఆటలు ఆడాలంటే ఎవరికైనా కష్టమే. చూసేవారికీ ఇబ్బందే. అలాగని ఖతార్ భయపడలేదు. వరల్డ్ కప్ పోటీలు జరిగే స్టేడియాల్లో అధునాతన కూలింగ్ వ్యవస్థను ఏర్పాటు చేసి ఔరా అనిపించింది. పదేళ్ల ముందు నుంచే దీని కోసం సన్నాహాలు ఆరంభించటం గమనార్హం. పోటీలు జరుగుతున్న 8 స్టేడియాల్లో ఏడింటిలో అధునాతన కూలింక్ వ్యవస్థను అమర్చారు. స్టేడియం లోపల ఆటగాళ్లకే కాదు, వీక్షకులకూ అసౌకర్యం కలగకుండా తగినంత ఉష్ణోగ్రత ఉండేలా చూడటం దీని ప్రత్యేకత. సమీపంలోని ఎనర్జీ కేంద్రాల నుంచి పైపుల ద్వారా వీటిల్లోకి చల్లటి నీటిని సరఫరా చేయటం దీనిలోని కీలకాంశం. ఈ నీరు స్టేడియంలోకి ప్రవేశించగానే చల్లటి గాలిగా మారి నాజిల్స్ ద్వారా మైదానం మొత్తం విస్తరిస్తుంది. ప్రేక్షకులు కూర్చునే సీట్ల వద్దా చల్లగాలి ప్రసరిస్తుంది. చల్లటి గాలి బయటకు రాకుండా చూడటానికి స్టేడియాల వెలుపల గోడకు ప్రత్యేకమైన సూక్ష్మ రంధ్రాలతో కూడిన ప్యానెళ్ల ‘చర్మాన్ని’ నిర్మించారు. దీనికి ఎడారిలో నివసించే తొండలను స్ఫూర్తిగా తీసుకోవటం విశేషం. ఈ తొండలు తమ చర్మం మీది పొలుసుల సాయంతో గాలిని దారి మళ్లిస్తాయి. ఇలా చల్లగా ఉండేలా చూసుకుంటాయి. ప్రపంచ కప్ సందర్భంగా ఆటగాళ్లకు, ప్రేక్షకులకు ఇలాంటి శీతల అనుభూతి కలిగించే పరిజ్ఞానాన్ని, వ్యవస్థలను వాడుకోవటం ఇదే మొదటిసారి.
* ఒక్క 974 స్టేడియంలోనే అధునాతన శీతల వ్యవస్థను ఏర్పాటు చేయలేదు. ఎందుకంటే దీనిలోకి సహజంగానే గాలి ధారాళంగా వచ్చి, పోతుంటుంది. సముద్ర తీరానికి దగ్గర్లో ఉండటం వల్ల దీనికి శీతల వ్యవస్థ అవసరం లేకపోయింది.
బోనకుల్
చూపు కోల్పోయినవారు సైతం ప్రపంచకప్ పోటీలను ఆస్వాదించే ఏర్పాటు చేయటం విశేషం. ఇందుకోసం బోనకుల్ అనే వినూత్న పరికరాన్ని రూపొందించారు. ఇది డిజిటల్ కంటెంట్ను తనకు తానే బ్రెయిలీ లిపిలోకి మార్చేస్తుంది. దీంతో ఎప్పటికప్పుడు ఆయా మ్యాచ్ల విశేషాలను, సమాచారాన్ని ఇట్టే తెలుస్తుంది. ‘ఛాలెంజ్ 22’ అనే కార్యక్రమాన్ని నిర్వహించి, దాని ఫలితాల ఆధారంగా ఈ పరికరాన్ని రూపొందించారు.
విప్పదీసే స్టేడియం
ప్రపంచకప్ ముగిశాక 974 స్టేడియం కనిపించకపోవచ్చు. దీన్ని పూర్తిగా విప్పదీసేలా నిర్మించారు మరి. పూర్తిగా విడదీయటానికి వీలుండే స్టీలు చట్రాలు, ఓడ సరకు రవాణా పెట్టెలతోనే దీన్ని నిర్మించారు. ఆకర్షణీయంగా కనిపించేలా తీర్చిదిద్దారు. సంప్రదాయ స్టేడియాలతో పోలిస్తే తక్కువ సామగ్రితో కట్టటం వల్ల ఇది చవకగానూ సిద్ధమైంది. ఫుట్బాల్ ప్రపంచ కప్ చరిత్రలోనే పూర్తిగా విడదీయగల స్టేడియంగానూ ఇది చరిత్ర సృష్టించనుంది. పదహారో రౌండ్ ముగిసిన తర్వాత దీనిలో 7 పోటీలను నిర్వహించనున్నారు.
సెమీ ఆటోమేటెడ్ ఆఫ్సైడ్ పరిజ్ఞానం
ఇది వీడియో అసిస్టెంట్ రెఫ్రీలు (వీఏఆర్), మైదానంలోని అధికారులు త్వరగా, మరింత కచ్చితంగా నిర్ణయాలు తీసుకోవటానికి తోడ్పడే పరిజ్ఞానం. ఇందుకోసం స్టేడియం చుట్టూరా కప్పు కింద 12 నిఘా కెమెరాలను, ప్రతీ ఆటగాడికి 29 డేటా కేంద్రాలను అమర్చటం గమనార్హం. మైదానం మీద కచ్చితమైన స్థితిని గుర్తించటానికి ఇది సెకండుకు 50 సార్లు సమాచారాన్ని సేకరిస్తుంది. ఈ పరిజ్ఞానం కొత్త అల్ రిహ్లా బంతిలోని సెన్సర్తో కలిసి పనిచేస్తుంది. కృత్రిమ మేధ సాయంతో దానంతటదే మైదానం వెలుపల వీఏఆర్లకు వార్నింగ్ ఇస్తుంది. దీంతో ఆటగాడు మైదానం వెలుపలి గీతను దాటినప్పుడు ఎక్కువసేపు వీడియోను రిప్లే చేయాల్సిన అవసరం తప్పుతుంది.
3డీ యానిమేషన్: వీఏఆర్ నిర్ణయం తీసుకున్న తర్వాత ఈ పరిజ్ఞానం కెమెరాలు, బాల్ నుంచి అందిన సమాచారం ఆధారంగా 3డీ యానిమేషన్ను సృష్టిస్తుంది. ఇది ఆటగాళ్ల స్థితిని కచ్చితంగా తెలియజేస్తుంది. బంతిని తన్నినప్పుడు ఆటగాళ్ల కాళ్లను స్పష్టంగా చూపిస్తుంది. ఈ 3డీ దృశ్యాలను స్టేడియంలో తెరల మీదా చూపిస్తారు. ఫిఫా ప్రపంచకప్ను ప్రసారం చేసే సంస్థలకూ దీన్ని అందిస్తారు. దీంతో ప్రేక్షకులకు ఆటకు సంబంధించిన వివరాలు స్పష్టంగా తెలుస్తాయి.
బంతి కనికట్టు!
ఫెనాల్టీ కిక్ లభించింది. ఆటగాడు బంతిని వేగంగా తన్నాడు. అది గాల్లో తేలుతూ దూసుకుపోతుంటుంది. మొదట్లో అది గోల్ బయటకు పోతున్నట్టే ఉంటుంది. అంతలో ఏదో మాయ చేసినట్టు, ఏదో అదృశ్య శక్తి నెట్టినట్టు బంతి దారి మారుతుంది. వంపు తిరిగి నేరుగా గోల్ పోస్టులో పడిపోతుంది. గోల్ కీపర్ హతాశుడవుతాడు. అభిమానులు ఆనంద పరవశు లవుతారు. ఇంతకీ బంతి గాలిలో ఉన్నట్టుండి దిశను ఎలా మార్చుకుంటుంది? దీని వెనక ఇమిడి ఉన్నది భౌతికశాస్త్ర సూత్రమే!
క్రీడాకారుడు బంతిని మధ్యభాగంలో తన్నినప్పుడు అది గుండ్రంగా తిరుగుతుంది. బంతి గాల్లో దిశను మార్చుకోవటానికి కారణమిదే. బంతి దిశ ఎంత వంపుతో మారాలనేది బంతి వెళ్లే మార్గం, గుండ్రంగా తిరిగే వేగం మీద ఆధారపడి ఉంటుంది. గాలిలో బంతి దిశ ఒకవైపునకు ఒరగటాన్ని మాగ్నస్ ఎఫెక్ట్ అంటారు. బంతి గిరగిరా తిరుగుతున్నప్పుడు బంతి, గాలి మధ్య ఘర్షణ ఏర్పడుతుంది. అప్పుడు బంతి తిరిగే దిశకు గాలి ప్రతిస్పందిస్తుంది. గాలి వేగం తగ్గినప్పుడు దాని పీడనం పెరుగుతుందనేది బెర్నౌలీ సూత్రం నియమం. దీని ప్రకారం.. బంతి పైనుంచి కిందికి గుండ్రంగా తిరుగుతున్నప్పుడు దాని సగభాగం పైన గాలి చలన వేగం తగ్గుతుంది. అదే సమయంలో కింది సగభాగంలో గాలి వేగం తగ్గుతుంది. ఫలితంగా బంతి పైగాన పీడనం పెరిగి, అధోముఖ బలం ఏర్పడి బంతి గమనం మారుతుంది. క్రీడాకారుడు బంతి మధ్యన కుడివైపున తంతే అది అపసవ్య దిశలో తిరుగుతుంది. మాగ్నస్ బలం ఎడమ వైపున పనిచేస్తుంది. దీంతో బంతి గాల్లో ఎడమ వైపునకు వంగుతుంది. అదే బంతి మధ్యన ఎడమ వైపున తంతే అది సవ్య దిశలో తిరుగుతుంది. గాల్లో బంతి కుడి వైపునకు వంగుతుంది.
అల్ రిహ్లా బంతి
అధికారిక ప్రపంచకప్ పుట్బాల్ పేరేంటో తెలుసా? అల్ రిహ్లా. అంటే అరబిక్ భాషలో ‘ప్రయాణం’ అని అర్థం. అధునాతన పరిజ్ఞానంతో కూడిన లింక్డ్ బాల్ సిస్టమ్ దీని ప్రత్యేకత. దీని మధ్యలో మోషన్ సెన్సర్లతో కూడిన కొత్త అడిడాస్ సస్సెన్షన్ సిస్టమ్ ఉంటుంది. అత్యంత వేగంతో దూసుకుపోతున్నా ఇది బంతి వేగాన్ని గుర్తించగలదు. ప్రపంచకప్ చరిత్రలోనే ఇంత వేగంగా గాల్లో దూసుకుపోయే బంతి మరోటి లేదని ఫిపా పేర్కొంటోంది. కిక్ పాయింట్ను సస్పెన్షన్ సిస్టమ్ చాలా కచ్చితంగా గుర్తిస్తుంది. వీడియో ఆపరేషన్ గదికి సెకండుకు 500 సార్లు బంతికి సంబంధించిన సమాచారాన్ని చేరవేస్తుంది. ఇది ఫిఫా వినూత్న సెమీ ఆటోమేటిక్ పరిజ్ఞానంతో కలిసి పనిచేస్తుంది. ఇలాంటి అధునాతన పరిజ్ఞానంతో కూడిన బంతిని ప్రపంచకప్లో వాడుకోవటం ఇదే మొదటిసారి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది. -
డాక్స్లో పాత వర్షన్ కావాలంటే?
గూగుల్ డాక్స్లో ఎడిటింగ్ చేస్తూనే ఉంటాం. షేర్ చేసిన ఫైళ్లలో ఎవరెవరో ఏవో మార్పులు చేయొచ్చు. కానీ కొన్నిసార్లు ముందరి డాక్యుమెంట్లోని సమాచారమే బాగుందని అనిపించొచ్చు. -
టాయ్లెట్ ఎక్కడ?
బయటకు వెళ్లినప్పుడు పబ్లిక్ టాయ్లెట్ల విషయంలో మహిళలు చాలా ఇబ్బంది ఎదుర్కొంటుంటారు. పట్ణణాల్లోనైతే ఈ సమస్య మరీ ఎక్కువ. -
ఫ్లాష్ నోటిఫికేషన్లు ఇలా..
ఫోన్ సైలెంట్లో పెట్టారు. కానీ ముఖ్యమైన నోటిఫికేషన్లు మిస్ అవుతున్నామేమో అని మనసులో అనిపిస్తుంటుంది. అంతలా బాధపడాల్సిన పనిలేకుండా ఫ్లాష్ లైట్ అలర్ట్ను సెట్ చేసుకుంటే చాలు. -
లెక్కల్లో గూగుల్ సాయం
లెక్కలంటే చాలామంది విద్యార్థులకు హడల్. ఒకపట్టాన అర్థం కాకపోవటం, తగినంత సాధన చేయకపోవటం వల్ల గణిత సూత్రాలు, నిబంధనలు గుర్తుండవు. దీంతో లెక్కలను చేయటం కష్టమైపోతుంది. -
విండోస్లోనూ ఏఐ ఎరేజ్
గూగుల్, సామ్సంగ్ పరికరాల్లో ఏఐ ఆధారిత ఫొటో ఎరేజర్ గురించి వినే ఉంటారు. వీటి జాబితాల్లోకి ఇప్పుడు విండోస్ పీసీలనూ చేర్చుకోండి. మైక్రోసాఫ్ట్ సంస్థ తాజాగా జనరేటివ్ ఎరేజ్ ఫీచర్ను పరిచయం చేసింది. -
ఛాట్జీపీటీతో ఏఐ టూల్స్ జాబితా
కృత్రిమ మేధ (ఏఐ) సాయంతోనే ఏఐ టూల్స్ను వెతికితే? ఇందుకు ఛాట్జీపీటీ బాగా ఉపయోగపడుతుంది. తెలివిగా ప్రాంప్ట్ను అందించాలే గానీ కోరుకున్నట్టుగా సమాచారాన్ని అందిస్తుంది. -
పెయింట్లోనే ఏఐ!
పదాల కూర్పుతో (ప్రాంప్ట్) ఇమేజ్లు సృష్టించటం ఇటీవల చాలా తేలికైంది. ఇందుకోసం జనరేటివ్ ఏఐ టూల్స్ చాలా అందుబాటులోకి వచ్చాయి. వీటిల్లోకి వెళ్లి, సైన్ఇన్ అయ్యి ఇష్టమైన ఇమేజ్లను ఇట్టే సృష్టించుకోవచ్చు -
అంధులకు దారిచూపు
కొత్త భవనాల్లోకి వెళ్తే కళ్లు కనిపించినా తికమక పడతాం. ఇక చూపు కోల్పోయినవారైతే? ఇలాంటివారికి తోడ్పడే రెండు ప్రయోగాత్మక స్మార్ట్ఫోన్ యాప్లను యూనివర్సిటీ ఆఫ్ కాలిఫోర్నియా పరిశోధకులు రూపొందించారు -
మెసేజెస్ నుంచే ఫొటో షేర్
ఫోన్లో ఎవరికైనా ఫొటోలు, వీడియోలు షేర్ చేయాలంటే ముందు గ్యాలరీలోకి వెళ్తాం. వాటిని గుర్తించాక కాంటాక్టులను వెతికి షేర్ చేస్తుంటాం. ఐఫోన్ వాడేవారైతే మరింత త్వరగా మెసేజెస్ ద్వారానే దీన్ని కానియ్యొచ్చు -
యాప్ మాటలు వింటోందా?
ఫోన్లో ఏదో మాట్లాడతాం. అనంతరం ఏదో వెబ్సైట్ చూస్తుంటే వాటికి సంబంధించిన ప్రకటనలు కనిపిస్తుంటాయి. ఇది యాదృచ్ఛికమే కావొచ్చు గానీ ఫోన్లో మాట్లాడే మాటలు యాప్లు వింటున్నాయనే అనుమానం వస్తుంటుంది. -
గూగుల్ కొత్త ఏఐ టూల్స్
కృత్రిమ మేధ (ఏఐ) రోజురోజుకీ ప్రాచుర్యం పొందుతోంది. దీన్ని దృష్టిలో పెట్టుకునే ఏఐ వేదికలు టెక్నాలజీ రంగాన్ని విస్తృతం చేస్తున్నాయి. గూగుల్ తమ ఏఐ వేదిక బార్డ్ పేరును ‘జెమినీ’గా మార్చింది. అంతేకాదు.. ఇటీవల ఇమేజ్ఎఫ్ఎక్స్, మ్యూజిక్ఎఫ్ఎక్స్, టెక్స్ట్ఎఫ్ఎక్స్ అనే కొత్త ఫీచర్లనూ జోడించింది.
తాజా వార్తలు (Latest News)
-
కోహ్లీ అటువైపు చూస్తే ఏమవుతుందో..: బెంగళూరు మాజీ క్రికెటర్
-
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
-
షాపూర్జీ పల్లోంజీ గ్రూప్ నుంచి ఐపీఓ.. రూ.7,000 కోట్ల సమీకరణ!
-
‘పన్ను ఉగ్రవాదాన్ని ఆపండి’.. రూ.1823 కోట్ల నోటీసులపై కాంగ్రెస్ మండిపాటు
-
9 అసెంబ్లీ, 4 పార్లమెంట్ స్థానాలకు తెదేపా అభ్యర్థులు వీళ్లే..
-
జగన్ పని దొంగ.. దోపిడీదారుడు: చంద్రబాబు