డ్రైవ్‌తోనే స్కానింగ్‌!

ఒకప్పుడు చాలామంది స్కాన్‌ పరికరాలను వాడేవారు. ఇప్పుడు స్మార్ట్‌ ఫోన్‌తోనే స్కాన్‌ చేసేస్తున్నారు. దీనికి స్కానింగ్‌ యాప్‌లు కూడా అవసరం లేదు. గూగుల్‌ డ్రైవ్‌తోనే స్కాన్‌ చేసుకోవచ్చు. అదెలాగో చూద్దామా.

* ఆండ్రాయిడ్‌ ఫోన్‌లో గూగుల్‌ డ్రైవ్‌ యాప్‌ను ఓపెన్‌ చేయాలి. గూగుల్‌ ఖాతాతో సైన్‌ ఇన్‌ అయ్యిండటం ముఖ్యం.

* తర్వాత కింద కుడి మూలన తేలియాడే ప్లస్‌ గుర్తును తాకాలి.

*  అప్పుడూ మెనూలో కొన్ని ఆప్షన్లు కనిపిస్తాయి. వీటిల్లో స్కాన్‌ ఆప్షన్‌ను ఎంచుకోవాలి.

*  కెమెరా దానంతటదే ఓపెన్‌ అవుతుంది. ముందుగా కెమెరా అడిగిన అనుమతులు ఇవ్వాలి.

* డాక్యుమెంట్‌ పూర్తిగా ఫ్రేమ్‌లో ఒదిగేలా సెట్‌ చేసుకోవాలి. అనంతరం ఫొటో తీయాలి.

*  అప్పుడు ఆ ఫొటోను వాడుకోవాలని అనుకుంటున్నారేమో కన్‌ఫర్మ్‌ చేయాలని అడుగుతుంది. ఫొటో బాగా వచ్చినట్టు అనిపిస్తే చెక్‌మార్క్‌ను తాకాలి. గూగుల్‌ డ్రైవ్‌ దానంతటదే క్రాప్‌ చేసుకొని, లైట్‌ను అడ్జస్ట్‌ చేసుకుంటుంది. అవసరమైతే మాన్యువల్‌గానూ అడ్జస్ట్‌ చేసుకోవచ్చు. తర్వాత నెక్స్ట్‌ బటన్‌ను తాకాలి.

* ఫైల్‌కు పేరు పెట్టుకొని, సేవ్‌ చేసుకునే ఫోల్డర్‌ను ఎంచుకోవాలి. అప్పుడది పీడీఎఫ్‌ రూపంలో సేవ్‌ అవుతుంది.