పైథాగరస్‌కు వెయ్యేళ్ల ముందే

లంబకోణ త్రిభుజంలో కర్ణం వైపు వర్గం మిగిలిన రెండు వైపుల వర్గాల మొత్తానికి సమానం (a2 + b2 = c2). ఇది పైథాగరస్‌ సూత్రం. దీని గురించి బడిలో చదువుకునే ఉంటారు. అయితే దీన్ని గణించింది ఫైథాగరస్‌ ఒక్కరే కాదు. ఆయన పుట్టడానికి వెయ్యేళ్ల ముందుగానే బాబిలోనియన్లు దీన్ని వాడుకున్నట్టు బయటపడింది. ఇరాక్‌లో లభించిన 3,700 ఏళ్ల క్రితం ఫలకాన్ని డాక్టర్‌ డేనియల్‌ మ్యాన్స్‌ఫీల్డ్‌ అనే గణిత శాస్త్రవేత్త విశ్లేషించి ఈ విషయాన్ని గుర్తించారు. భూమిని విభజించటానికి, హద్దులు ఏర్పాటు చేయటానికి బాబిలోనియన్లు సరిగ్గా ఫైథాగరస్‌ సూత్రం వంటి విధానాన్నే ఉపయోగించుకునేవారని నిరూపించారు.