మాటలతోనే టైపింగ్‌!

రాయటానికి సమయం లేదు. చేతికి ఏదో దెబ్బ తగలటం వల్ల రాయలేకపోతున్నారు. ఇలాంటి సమయంలో వాయిస్‌ టైపింగ్‌ సదుపాయాన్ని వాడుకోవచ్చు. ఇది మైక్రోసాఫ్ట్‌ వర్డ్‌, గూగుల్‌ డాక్స్‌ రెండింటిలోనూ అందుబాటులో ఉంది వర్డ్‌లో దీన్ని ఎనేబుల్‌ చేసుకోవాలంటే హోం మెనూలోంచి డిక్టేషన్‌ ఆప్షన్‌ను ఎంచుకుంటే సరి. విండోస్‌ కీ, హెచ్‌ కీ.. రెండింటినీ కలిపి నొక్కినా డిక్టేషన్‌ టూల్‌బార్‌ కనిపిస్తుంది. తర్వాత మైక్‌ మీద క్లిక్‌ చేసి ఇంగ్లిషులో మాట్లాడితే చాలు. టెక్ట్స్‌ ఇంగ్లిషులో టైప్‌ అవుతుంది. విరామ చిహ్నాలు జతచేయాలంటే వాటిని స్పష్టంగా పలకాల్సి ఉంటుంది. గూగుల్‌ డాక్స్‌లో కూడా టూల్స్‌ మెనూలోకి వెళ్లి, వాయిస్‌ టైపింగ్‌ ఆప్షన్‌ ఎంచుకోవాలి. అనంతరం మైక్‌ను ఎంచుకొని మాట్లాడితే టైప్‌ అవుతుంది.