Published : 27 Jul 2022 00:24 IST

బ్రౌజర్‌లో టెలిగ్రామ్‌

తక్షణం సందేశాలను, ఫైళ్లను పంపుకోవటానికి తోడ్పడే టెలిగ్రాం మెసెంజర్‌కు రోజురోజుకీ ఆదరణ పెరుగుతోంది. వాట్సప్‌ వినియోగదారులతో పోలిస్తే దీన్ని వాడేవారి సంఖ్య తక్కువే అయినా ఫీచర్ల విషయంలో తక్కువేమీ కాదు. ఆ మాటకొస్తే వాట్సప్‌లో లేని ప్రత్యేక ఫీచర్లూ ఉన్నాయి. చాలావరకు టెలిగ్రాం మెసెంజర్‌ను యాప్‌ రూపంలోనే వాడుతుంటాం. కొన్నిసార్లు దీన్ని ఫోన్‌లో వాడుకోవటానికి ఇష్టం ఉండకపోవచ్చు. మరెలా? వెబ్‌ సదుపాయం ఉందిగా. అవును.. వాట్సప్‌ మాదిరిగానే దీన్ని కూడా వెబ్‌లో వాడుకోవచ్చు. ఇందుకోసం..
* ముందుగా ‌web.telegram.org లోకి వెళ్లాలి.
* ‘లాగ్‌ ఇన్‌ బై ఫోన్‌ నంబరు’ ఆప్షన్‌ను ఎంచుకోవాలి.
* దేశాన్ని ఎంచుకొని, ఫోన్‌ నంబరును ఎంటర్‌ చేయాలి.
* ఫోన్‌ నంబరు టైప్‌ చేశాక ‘నెక్స్ట్‌’ బటన్‌ను క్లిక్‌ చేయాలి.
* అప్పుడు టెలిగ్రామ్‌ వెబ్‌ నుంచి నమోదు చేసుకున్న ఫోన్‌ నంబరుకు ఒక కోడ్‌ వస్తుంది. దీన్ని సంబంధిత బాక్సులో ఎంటర్‌ చేయాలి. ఒకవేళ టూ స్టెప్‌ అథెంటికేషన్‌ను ఎనేబుల్‌ చేసుకొన్నట్టయితే పాస్‌వర్డ్‌ను కూడా ఎంటర్‌ చేయాల్సి ఉంటుంది.
* ఆ వెంటనే టెలిగ్రామ్‌ మెసెంజర్‌ బ్రౌజర్‌లో ఓపెన్‌ అవుతుంది. తర్వాత ఇష్టమున్నట్టు వాడుకోవచ్చు.


క్యూఆర్‌ కోడ్‌తోనూ..

* ఫోన్‌లో టెలిగ్రామ్‌ యాప్‌ సెటింగ్స్‌లోకి వెళ్లాలి.
డివైసెస్‌ విభాగాన్ని ఎంచుకోవాలి.
* ‘లింక్‌ డెస్క్‌టాప్‌ డివైస్‌’ను సెలెక్ట్‌ చేసుకోవాలి.
*web.telegram.org మీద కనిపించే క్యూర్‌ కోడ్‌ను స్కాన్‌ చేయాలి. టూ స్టెప్‌ అథెంటికేషన్‌ను ఎనేబుల్‌ చేసుకొని ఉంటే టెలిగ్రామ్‌ వెబ్‌సైట్‌లో పాస్‌వర్డ్‌నూ ఎంటర్‌ చేయాలి.
* ఆ తర్వాత వెబ్‌లో టెలిగ్రామ్‌ ఓపెన్‌ అవుతుంది.

Read latest Technology News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts