వాట్సప్‌ గ్రూప్‌ ఛాట్‌లో ప్రొఫైల్‌ ఫొటో

వాట్సప్‌ గ్రూప్‌లో ఛాట్‌ చేస్తుంటాం. వారి కాంటాక్టు నంబర్లు, పేర్లు కనిపిస్తుంటాయి. ప్రొఫైల్‌ ఫొటోలు కూడా కనిపిస్తే బాగుంటుంది కదా. వాట్సప్‌ అభిమానులు చాలాకాలంగా ఇలాంటి ఫీచర్‌ను ప్రవేశపెట్టాలని కోరుకుంటున్నారు. త్వరలోనే ఇది సాకారం కానుంది. ఐమెసేజెస్‌లో మాదిరిగా గ్రూప్‌ ఛాట్స్‌లో ప్రొఫైల్‌ ఫొటోలు కనిపించేలా చేయటంపై వాట్సప్‌ దృష్టి సారించింది. ముందుగా బీటా వర్షన్‌కు అందుబాటులోకి తేనుంది. దీంతో గ్రూపులో ఛాట్‌ చేస్తున్నప్పుడు భాగస్వాములు పంపే మేసేజ్‌ల పక్కనే వారి ప్రొఫైల్‌ పొటోలూ దర్శనమిస్తాయి. ఈ ఫీచర్‌ యాప్‌ అప్‌డేట్‌తో పాటు డిఫాల్ట్‌గానే యాడ్‌ అవుతుంది. అంటే ఎల్లవేళలా ఎనేబుల్‌ అయ్యి ఉంటుంది. డిసేబుల్‌ చేసుకునే అవకాశం ఉండదు.