విశాల విశ్వంలో వలయ రహస్యం!
అనంత విశ్వంలో పాలపుంతలు.. వాటిలో జరిగే వింతలు.. భూమిపై నుంచి చూసే శాస్త్రవేత్తలకూ.. ఆ విశ్వం ఊసులు వింటున్న సామాన్య మానవులకూ ఊహకు అందని అద్భుతాలే. కొన్ని శతాబ్దాలుగా గెలాక్సీల అంతు తేల్చడానికి మనిషి మూడో కన్నులాంటి టెలిస్కోపుతో విశ్వాన్ని వీక్షిస్తూనే ఉన్నాడు. ఈ క్రమంలో ఎప్పటి నుంచో అంతు చిక్కని రహస్యంగా మిలిగిపోయింది గెలాక్సీల్లో కమ్ముకుని ఉన్న ‘హైడ్రోజన్ గ్యాస్’. పాలపుంతల కంటే ఎక్కువ పరిమాణంతో.....
సైన్స్ సంగతులు
అనంత విశ్వంలో పాలపుంతలు.. వాటిలో జరిగే వింతలు.. భూమిపై నుంచి చూసే శాస్త్రవేత్తలకూ.. ఆ విశ్వం ఊసులు వింటున్న సామాన్య మానవులకూ ఊహకు అందని అద్భుతాలే. కొన్ని శతాబ్దాలుగా గెలాక్సీల అంతు తేల్చడానికి మనిషి మూడో కన్నులాంటి టెలిస్కోపుతో విశ్వాన్ని వీక్షిస్తూనే ఉన్నాడు. ఈ క్రమంలో ఎప్పటి నుంచో అంతు చిక్కని రహస్యంగా మిలిగిపోయింది గెలాక్సీల్లో కమ్ముకుని ఉన్న ‘హైడ్రోజన్ గ్యాస్’. పాలపుంతల కంటే ఎక్కువ పరిమాణంతో వలయాల్లా కనిపిస్తూ విశ్వ రహస్యాల్ని నిక్షిప్తం చేసుకున్నాయేమో అనిపించేంతలా ఆసక్తిని రేకెత్తిస్తున్నాయి..
డైనోసార్ల కాలం నాటివట!
విశ్వంలోని గ్రహాలు, తారలతో పోలిస్తే భూగోళం సముద్రంలోని చిన్న నీటి బిందువులా అనిపిస్తుంది. కానీ, సకల చరాచర జీవులకు ఆధార గ్రహం. అందుకేనేమో ఇంత ప్రత్యేకత సంతరించుకుంది. ఇలాంటిది మరెక్కడైనా ఉందా? అసలు ఈ విశ్వంలో దాగున్న రహస్యాలేంటి? అనే విషయంపై శతాబ్దాల తరబడి మనిషి నిరంతరం అన్వేషిస్తూనే ఉన్నాడు. దీంట్లో భాగంగానే పుణెలోని ఖగోళ శాస్త్రవేత్తలు సుదూర గెలాక్సీ చుట్టూ ఏర్పడి ఉన్న హైడ్రోజన్ వాయువు వలయాలు చూశారు. వీటిని జెయింట్ మీటర్వేవ్ టెలిస్కోపుతో చూసినపుడు గుర్తించగలిగారు. ఈ వలయాలు అవి ఏర్పడిన గెలాక్సీ పరిమాణం కన్నా చాలా పెద్దగా ఉన్నాయి. వీటి వ్యాసం మన పాలపుంత పరిమాణం కన్నా నాలుగు రెట్లు ఎక్కువ. ఇవి భూమికి 260 మిలియన్ల కాంతి సంవత్సరాల దూరంలో ఉన్నాయి. ఈ గెలాక్సీని ‘ఏజీసీ 203001’ అని పిలుస్తున్నారు. హైడ్రోజన్ వలయాలు ఏర్పడి ఉన్న కారణంగా ఈ గెలాక్సీ మిగిలిన వాటికి భిన్నంగా ఉన్నట్లు విశ్లేషించారు. అవి ఏర్పడినప్పుడు గెలాక్సీ విడుదల చేసిన కాంతిని బట్టి శాస్త్రవేత్తలు ఈ వలయాల ఉనికిని తెలుసుకోగలిగారు. అయితే, శాస్త్రవేత్తలు చూసిన కాంతి ఇప్పటిది కాదట. భూమి మీద విశేషంగా డైనోసార్లు, నేల మీద పాకే జంతువులు మసలిన కాలం నాటిదని తేల్చారు. అప్పుడు ప్రసరించిన కాంతి ఇప్పటికి భూమిని చేరి ఉండొచ్చని భావిస్తున్నారు.
నక్షత్రరహితంగా..
సాధారణంగా హైడ్రోజన్ వాయువు ఘనీభవించి నక్షత్రాలు ఏర్పడతాయి. విచిత్రం ఏంటంటే.. ఈ హైడ్రోజన్ వాయువు వలయాలు ఉన్న ప్రాంతంలో ఎటువంటి నక్షత్రాలు ఏర్పడలేదు. అంతులేని పరిమాణంలో ఉన్న హైడ్రోజన్ వాయువు ఉన్న ప్రదేశంలో నక్షత్రాలు ఏర్పడకపోవడం గత సిద్ధాంతాలకు సవాల్గా తయారయ్యింది. ఈ వలయాల రహస్యం ఇంకా అంతుచిక్కని రహస్యంగానే ఉంది. ఈ వలయాలను మరింత క్షుణ్ణంగా అధ్యయనం చేయడం కోసం హవాయ్లో నెలకొల్పబడిన కెనడా-ఫ్రాన్స్-హవాయ్ టెలిస్కోపు సహాయంతో ఈ వ్యవస్థకి సంబంధించిన నాణ్యమైన ప్రతిబింబాలను పొందగలిగారు. మరో తొమ్మిది గెలాక్సీల చుట్టూ ఇలాంటి వలయాలు ఏర్పడి ఉన్నట్టుగా గమనించారు. వీటిని పరిశీలించగా శాస్త్రవేత్తల ముందు ఉన్న ఎన్నో జవాబు దొరకని ప్రశ్నలు ప్రత్యక్షమయ్యాయి. వాటిల్లో నక్షత్రాలు ఏర్పడకుండా ఇంత భారీ పరిమాణంలో హైడ్రోజన్ వలయాలు ఎలా ఏర్పడ్డాయనేది అంతుచిక్కని రహస్యంగా మారింది. వాటిని అధ్యయనం చేయడం ఇప్పుడు ఖగోళ శాస్త్రవేత్తలకు ఓ సవాల్ అనొచ్చు.
ఒకదానితో మరొకటి ఢీకొని ఉండొచ్చు..
హైడ్రోజన్ వాయువు రహస్యాల్ని ఛేదించే క్రమంలో.. రెండు గెలాక్సీలు ఒక దానితో మరొకటి ఢీకొని ఈ హైడ్రోజన్ వాయువును గెలాక్సీ వెలుపలకు నెట్టి ఉండొచ్చు అని.. లేదంటే.. ఒక గెలాక్సీ సమీపంలో మరొక గెలాక్సీ వెళుతూ ఇలా చేసి ఉండవచ్చని మరికొందరు శాస్త్రవేత్తలు చెబుతున్న మాట. ఈ ఆలోచనలు ప్రస్తుత పరిస్థితిని వివరించలేవంటున్నారు పలువురు. 1987లోనే ఇటువంటి గెలాక్సీని గుర్తించామంటున్నారు ఇంకొందరు శాస్త్రవేత్తలు. ఆసక్తికరమైన ఈ పరిణామం ఖగోళ శాస్త్రవేత్తలలో సరికొత్త అన్వేషణకై ఉత్సాహాన్ని నింపింది. దీంతో ఆయా గెలాక్సీల పటాన్ని తయారు చేసే ప్రయత్నంలో ఉన్నారు. తప్పని సరిగా తమ పరిశోధనలు విజయవంతమై విశ్వంలో దాగున్న సరికొత్త విషయాలు తెలుసుకోగలమని చెబుతున్నారు ప్రపంచ ఖగోళ శాస్త్రవేత్తలు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు -
ఏఐ స్టెతస్కోప్
డాక్టర్ దగ్గరికి వెళ్లగానే ముందుగా పరీక్షించేది స్టెతస్కోప్తోనే. గుండె చప్పుడును వినటం దగ్గరి నుంచి ఊపిరితిత్తి జబ్బుల ఆనవాళ్లను పసిగట్టటం వరకూ ఇది ఎన్నో విధాలుగా తోడ్పడుతోంది. అధిక రక్తపోటును కచ్చితంగా నిర్ధరించటానికీ డాక్టర్లు మణికట్టు వద్ద స్టెతస్కోప్ను ఆనించి పై, కింది సంఖ్యలను నమోదు చేస్తుంటారు. -
క్యాన్సర్ తీరును పసిగట్టే ఏఐ
ఆరోగ్యరంగంలో కృత్రిమ మేధ (ఏఐ) కొత్త పుంతలు తొక్కుతోంది. క్యాన్సర్ తీరుతెన్నులను విశ్లేషించటంలోనూ సాయం చేస్తోంది. అమెరికాలోని యూనివర్సిటీ ఆఫ్ టెక్సాస్ సౌత్వెస్ట్రన్ మెడికల్ సెంటర్ పరిశోధకులు రూపొందించిన ‘సియోగ్రాఫ్’ ఏఐ మోడలే దీనికి నిదర్శనం. -
అంతరిక్ష వీడియో ప్రసారాలు!
ఒక దెబ్బకు రెండు పిట్టలు! సైకీ గ్రహశకలం మీదికి ఇటీవల నాసా ప్రయోగించిన వ్యోమనౌక గురించి ఇలాగే చెప్పుకోవాలి. లోహంతో కూడిన ఈ గ్రహశకలం భూ అంతర్భాగ రహస్యాలను తెలుసుకోవటానికి తోడ్పడటం ఒక ప్రయోజనమైతే.. -
కృత్రిమ మేధ ఆసుపత్రి!
నేటి కృత్రిమ మేధ (ఏఐ) యుగంలో ప్రతీ అంతర్జాల పరిజ్ఞానం కొత్త పుంతలు తొక్కుతోంది. ఫొటోలు, వీడియోలు సృష్టించు కోవటం వంటివన్నీ చిటికెలో పనులుగా మారిపోయాయి.
తాజా వార్తలు (Latest News)
-
జగన్ ఎదుటే జనసేనానికి జేజేలు.. విద్యార్థుల నినాదాలతో అవాక్కయిన సీఎం
-
‘ఉండి’ అభ్యర్థిగా 22న నామినేషన్: రఘురామ
-
తెదేపా కార్యాలయం వద్ద టాస్క్ఫోర్స్ కదలికలు
-
ఒలింపిక్స్లో పతకం తెస్తే బీఎండబ్ల్యూ కారు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!