చంద్రుడిపై ఫ్లయింగ్‌ సాసర్‌

చంద్రుడి మీద తిరిగే భవిష్యత్‌ రోవర్లు ఫ్లయింగ్‌ సాసర్ల మాదిరిగా ఉంటాయా? మసాచుసెట్స్‌ ఇన్‌స్టిట్యూట్‌ ఆఫ్‌ టెక్నాలజీ పరిశోధకుల తాజా అంతరిక్ష వాహన నమూనాను చూస్తే ఔననే అంటారు. ఇది మామూలు రోవర్లలా చక్రాల మీద కదలదు. చంద్రుడి ఉపరితలం మీది సహజ విద్యుత్‌ క్షేత్రాన్ని ఉపయోగించుకొని తేలియాడుతుంది. అంటే ఫ్లయింగ్‌ సాసర్‌లా తేలుతూ కదులుతుందన్నమాట. చంద్రుడు, గ్రహశకలాల వంటి ఖగోళ వస్తువుల మీద గాలి, వాతావరణం ఉండవు. అందువల్ల అక్కడ సౌర గాలి దిశ మారదు. సూర్యుడు, చుట్టుపక్కల ప్లాస్మా ప్రభావం నేరుగా పడటం వల్ల వీటి ఉపరితలాల మీద అయస్కాంత క్షేత్రాలు ఏర్పడతాయి. వీటినే ఫ్లయింగ్‌ సాసర్‌ అనువుగా వాడుకుంటుంది. చిన్న అయాన్‌ బీమ్స్‌తో ఛార్జ్‌ అయ్యే ఇది చంద్రుడి ఉపరితల సహజ విద్యుదావేశ శక్తినీ ఇనుమడింపజేస్తుంది. ఈ రెండింటి మధ్య పుట్టుకొచ్చే వికర్షణ బలంతో తేలియాడుతుంది.