అంతరిక్షం టు అవని
వీటి మధ్య ఒక సారూప్యత ఉంది. అదేంటో తెలుసా? ఇవన్నీ అమెరికా అంతరిక్ష సంస్థ నాసా, అలాగే నాసా కోసం ఇతరత్రా సంస్థలు రూపొందించిన పరిజ్ఞానాలతో తయారైన పరికరాలు, విధానాలే. అంతరిక్ష ప్రయోగాల కోసం తయారుచేసినప్పటికీ అనంతరం జన బాహుళ్యం వాడకంలోకి వచ్చినవే. వీటి గురించి నాసా ఏటా స్పిన్ఆఫ్ పేరుతో ప్రత్యేక సంచికలో ప్రస్తావిస్తుంటుంది. ఈ క్రమంలో తాజా సంచికను వెలువరించింది. ఇందులో మున్ముందు పరిశ్రమలు, సంస్థలకు బదలాయించటానికి సిద్ధంగా
వైరస్ల వ్యాప్తిని అరికట్టే ఎయిర్ ప్యూరిఫయర్లు
గడ్డకట్టించే చలిలోనూ వెచ్చగా ఉంచే దుస్తులు
గదిలో నిట్ట నిలువుగా చేసే వ్యవసాయం
ఉష్ణోగ్రతను నియంత్రించే ప్రత్యేక సూట్లు
.. వీటి మధ్య ఒక సారూప్యత ఉంది. అదేంటో తెలుసా? ఇవన్నీ అమెరికా అంతరిక్ష సంస్థ నాసా, అలాగే నాసా కోసం ఇతరత్రా సంస్థలు రూపొందించిన పరిజ్ఞానాలతో తయారైన పరికరాలు, విధానాలే. అంతరిక్ష ప్రయోగాల కోసం తయారుచేసినప్పటికీ అనంతరం జన బాహుళ్యం వాడకంలోకి వచ్చినవే. వీటి గురించి నాసా ఏటా స్పిన్ఆఫ్ పేరుతో ప్రత్యేక సంచికలో ప్రస్తావిస్తుంటుంది. ఈ క్రమంలో తాజా సంచికను వెలువరించింది. ఇందులో మున్ముందు పరిశ్రమలు, సంస్థలకు బదలాయించటానికి సిద్ధంగా ఉన్న పరిజ్ఞానాల గురించీ వివరించింది. ప్రజలకు ఉపయోగపడగల వీటిల్లో కొన్నింటి విశేషాలేంటో చూద్దాం.
గుండెలయే పాస్వర్డ్
ఫోన్లు ఓపెన్ చేయటానికి వేలిముద్ర పరిజ్ఞానాన్ని ఉపయోగించుకోవటం చూస్తున్నదే. దీనికి బదులు గుండెలయతోనే ఆయా పరికరాలు ఓపెన్ అయితే? హార్ట్బీట్ఐడీ ఇలాంటిదే. బయోమెట్రిక్ ఐడెంటిటీ వెరిఫికేషన్ కోసం నాసా ఈ భవిష్యత్ పరిజ్ఞానాన్ని ఆవిష్కరించింది. ఇది గుండెలయ తరంగాలతో ముడిపడిన విద్యుత్ సంకేతాల ఆధారంగా ఆయా వ్యక్తులను గుర్తిస్తుంది. వేలిముద్రల మాదిరిగానే మన గుండె కొట్టుకునే తీరూ భిన్నంగానే ఉంటుంది. దీన్ని కొన్ని స్టాటిస్టికల్ కొలమానాలతో పట్టుకోవచ్చు. ఇందుకోసం పరిశోధకులు దాదాపు 192 కొలమానాలను గుర్తించారు. ఇవి ఆయా వ్యక్తులను కచ్చితంగా పోల్చుకుంటాయి. ఒక్క ఫోన్లకే కాదు.. కంప్యూటర్, బ్యాంకు ఖాతాల పాస్వర్డ్ల వంటి వాటికీ వాడుకోవచ్చు. ఇది అందుబాటులోకి వస్తే సంక్లిష్టమైన పాస్వర్డ్లకు కాలం చెల్లినట్టే. హ్యాకర్ల బెడద కూడా తప్పుతుంది.
క్లౌడ్ రక్షణకు కొత్త సాఫ్ట్వేర్
ప్రస్తుతం క్లౌడ్, గ్రిడ్ కంప్యూటింగ్ వంటి వాటి ద్వారా కంప్యూటర్ ఆధారిత వ్యవస్థలు ఎంతగా విస్తరించాయో చెప్పనవసరం లేదు. అందుకే ఇవి తమకు తాము నియంత్రించుకోవటానికి అటనామిక్ సామర్థ్యాల అవసరమూ పెరుగుతోంది. ఈ దిశగానే శాస్త్రవేత్తలు కొత్తరకం సాఫ్ట్వేర్ను రూపొందించారు. మన శరీరంలో అవసరం లేనప్పుడు కణాలు తమకు తాము పనిచేయటం మానేస్తుంటాయి. ఈ సాఫ్ట్వేర్ సరిగ్గా దీన్నే అనుకరిస్తుంది. ఒకదాంతో మరోటి అనుసంధానమై సమాచారాన్ని ఇచ్చిపుచ్చుకునే ఉపగ్రహాల భద్రతకు ఇది బాగా ఉపయోగపడుతుంది. మొదట్లో అంతరిక్ష అవసరాలకే ఉద్దేశించినా తర్వాత క్లౌడ్, గ్రిడ్ ఆధారిత వ్యవస్థలతో కూడిన పరికరాలకూ విస్తరించారు. కంప్యూటర్ భద్రత, అంతరిక్ష ప్రయోగాలు, వాణిజ్య ఉపగ్రహ వ్యవస్థల వంటి రంగాల్లో దీన్ని వాడుకోవచ్చు.
స్వీయ మరమ్మతు అల్యూమినియం
లోహానికి పగుళ్ళు పడినా తిరిగి యథాస్థితికి వస్తే? చాలా బాగుంటుంది కదా. అందుకే కెనడీ స్పేస్ సెంటర్ పరిశోధకులు తనకు తానే మరమ్మతు చేసుకునే వినూత్న అల్యూమినియం మిశ్రమ పదార్థాన్ని రూపొందించారు. దీనిలో ఆకారాన్ని గుర్తుపెట్టుకునే రీఇన్ఫోర్స్మెంట్స్, నెమ్మదిగా కరిగే పదార్థాలుంటాయి. ఇవి వేడెక్కినప్పుడు పగుళ్ల వంటివి ఉంటే దగ్గరకు వచ్చి, అతుక్కుంటాయి. కరిగిన లోహం పగుళ్లలోకి చేరుకుంటుంది. ఇలా తనకు తానే మరమ్మతు అవుతుంది. విమానాల తలుపులు, ఫ్రేముల వంటి వాటి తయారీకిది ఎంతగానో ఉపయోగపడుతుంది. పగుళ్లు పడితే గాల్లో ప్రయాణిస్తున్నప్పుడే మరమ్మతు అవుతాయి మరి. పగుళ్లను సరిచేయటం కష్టమైన చోట్ల కూడా దీన్ని ఉపయోగించుకోవచ్చు.
కార్బన్ డయాక్సైడ్ నుంచి ఇంధనం
వాతావరణంలోకి వెలువడక ముందే కార్బన్ డయాక్సైడ్ను ఒడిసి పట్టి ఇంధనంగా మారిస్తే? ఇటు భూమి వేడెక్కకుండా చూసుకోవచ్చు. అటు ఇంధన అవసరాలనూ తీర్చుకోవచ్చు. శిలాజ ఇంధనాల వాడకం తగ్గటం వల్ల వాతావరణ కాలుష్యమూ తగ్గుతుంది. ఏమ్స్ రీసెర్చ్ సెంటర్ ఇంజినీర్లు రూపొందించిన చవకైన పరికరం చేసే పని ఇదే. అతి పలుచటి మెటల్ ఆక్సైడ్ పొరలతో కూడిన ఇది ఫొటోఎలక్ట్రోకెమికల్ కణాన్ని సృష్టిస్తుంది. దీంతో కార్బన్ డయాక్సైడ్ను పరిశ్రమల వద్దే సేకరించొచ్చు. అనంతరం ఇంధనంగా మార్చుకోవచ్చు. ఇది అన్ని వాహనాలకు ఉపయోగపడుతుంది. తయారీ కోసం పూర్తిగా సౌరశక్తిని వాడుకోవటం వల్ల కాలుష్యమూ వెలువడదు. కార్బన్ను ఒడిసిపట్టే పరిజ్ఞానాలకు, ఫొటోఎలక్ట్రోకెమెస్ట్రీ, వాహన పరిశ్రమ, మెటీరియల్ సైన్సెస్ వంటి రకరకాల రంగాల్లో దీన్ని ఉపయోగించుకోవచ్చు.
ముడుచుకునే రోబో
చంద్రుడు, అంగారకుడి ఉపరితలాలపై ఎక్కడ ఎలా ఉంటుందో తెలియదు. సొరంగాలు, ఇరుకు గుహల వంటి చోట్లకు వెళ్లటం వ్యోమగాములకు కుదరదు. అడుగు పెడితే ఏమవుతుందో? ప్రమాదం ముంచుకురావచ్చు. ఇలాంటి ఉపద్రవాలను తప్పించుకోవటానికే వినూత్నమైన రోబోను తయారుచేశారు. దీని పేరు ఎ-పఫర్ (అటనమస్ పాప్ అప్ ఫ్లాట్ ఫోల్డింగ్ ఎక్స్ప్లోరర్ రోబో). ఓరిగామీ స్ఫూర్తితో రూపొందించిన ఇది అవసరమైనప్పుడు తనకు తానే ముడుచుకోగలదు. తిరిగి యథాస్థితికి రాగలదు. అంతరిక్షంలోనే కాదు.. భూమ్మీద గుహల వంటి చోట్ల రక్షణ కార్యకలాపాలకూ వాడుకోవచ్చు. చమురు, గ్యాస్ అన్వేషణ రంగంలోనూ ఉపయోగపడుతుంది.
పాక్షిక పోషక సరఫరా వ్యవస్థ
విత్తనం మొలకెత్తటానికి, మొక్కలు పెరగటానికి వాతావరణం సరిగా ఉండాలి. మరీ వేడిగా గానీ మరీ తడిగా గానీ ఉండకూడదు. అందుకే అంతరిక్షంలో మొక్కలను పెంచటం చాలా కష్టమైన పని. దీన్ని సుసాధ్యం చేయటానికి కెనడీ స్పేస్ సెంటర్ పాక్షిక పోషక సరఫరా వ్యవస్థను (పాండ్స్) తయారుచేసింది. అంతర్జాతీయ అంతరిక్ష కేంద్రంలో మొక్కలకు నీరు, పోషకాలు సరిగా అందేలా చూడటం దీని ఉద్దేశం. ఇది విత్తనాలను, మొక్కలను నాటిన కుండీలకు ఒత్తుల వంటి వాటి ద్వారా నీరు, పోషకాలను చేరవేస్తుంది. ఇలా నిరంతరం నీరు, పోషకాలు అందటం వల్ల మొక్కలకు ఆక్సిజన్ సరఫరా కూడా మెరుగవుతుంది. దీన్ని భూమ్మీద వాడుకోవటానికీ సిద్ధంగా ఉంచారు. వాణిజ్యపరంగా భవనాల్లో వ్యవసాయం చేయటానికి.. సైన్స్, టెక్నాలజీ, ఇంజినీరింగ్, గణిత శాస్త్రాల విద్యార్థులకు ఉపకరణంగానూ ఉపయోగపడగలదు.
దుమ్ము పట్టని తామర పొర
అంతరిక్షంలో చంద్రుడు, తోకచుక్కలు, ఇతర గ్రహాల వంటి వాటి మీద పేరుకునే దుమ్ము చాలా ప్రమాదకరం. ఇది అంతరిక్ష వాహనాలకు చెందిన సున్నితమైన ఎలక్ట్రానిక్ పరికరాలు, రోబోటిక్ ప్రయోగాలకు అంటుకుంటే వాటినీ దెబ్బతీస్తుంది. వ్యోమగాములు లోపలికి పీల్చుకుంటే ఆరోగ్యం క్షీణిస్తుంది. ఈ ఇబ్బందిని తొలగించటానికి గొడార్డ్ స్పేస్ ఫ్లయిట్ సెంటర్ పరిశోధకులు వినూత్నమైన తామరాకు మాదిరి నానో-టెక్చర్డ్ పదార్థాన్ని రూపొందించారు. పారదర్శకంగా ఉండే దీన్ని ఎలాంటి వస్తువులు, పరికరాల మీదైనా చల్లుకోవచ్చు. అప్పుడది పొరలాగా ఏర్పడి దుమ్ము అంటుకోనీయకుండా కాపాడుతుంది. నీటిని సైతం అంటుకోనీయదు. దీన్ని అంతరిక్ష ప్రయోగాలు, విమానాలకే కాదు.. దుస్తులు, వాహనాలు, ఔషధాలు, ఎలక్ట్రానిక్ పరికరాలు, భవనాలు, సౌర విద్యుత్ పరికరాల వంటి వాటికీ వాడుకోవచ్చు. తేలికగా శుభ్ర పరచటానికి వీలుకాని పరికరాలకు ఇదెంతగానో ఉపయోగపడుతుంది.
నీటిలో స్వయం విద్యుత్ వాహనం
అది నీటిలోపల ప్రయాణించే వాహనం. తనకు తానే విద్యుత్ తయారుచేసుకుంటుంది. ఈ వినూత్న పరిజ్ఞానంతో కూడిన వాహనాన్ని జెట్ ప్రొపల్షన్ లేబరేటరీ పరిశోధకులు రూపొందించారు. ఇది సముద్ర జలాల ఉష్ణోగ్రతల మధ్య తేడాలను వినియోగించుకుంటూ ముందుకు కదులుతుంది. నీటిలో ప్రయాణిస్తూనే, పక్కలకు ఒరుగుతున్నప్పుడు ప్రొపెలర్ టర్బయిన్ ఆన్ అవుతుంది. దీంతో విద్యుత్తు తయారవుతుంది. ఈ విద్యుత్తును బ్యాటరీ రిఛార్జ్కూ వాడుకోవచ్చు. ఫలితంగా నీటిలోంచి బయటకు రాకుండా ఏళ్లకొద్దీ లోపలే ఉండొచ్చు. ఒకవేళ వేగంగా ముందుకు కదలాలంటే ప్రొపెలర్ను ఆఫ్ చేసుకోవచ్చు కూడా. సముద్ర, భూ విజ్ఞాన శాస్త్రాల అధ్యయనానికి.. నీటిలోపల నిఘా అవసరాలకు దీన్ని వాడుకోవచ్చు.
కీటక నిరోధక పొర
యంత్రాలకు కీటకాలు అతుక్కుపోతే పెద్ద చిక్కులు తెచ్చిపెడుతుంది. వీటిని ఎప్పటికప్పుడు తొలగించకపోతే విమానాల సామర్థ్యమూ తగ్గుతుంది. ఈ సమస్యను తప్పించటానికి లాంజ్లే రీసెర్చ్ సెంటర్ పరిశోధకులు నీటిని వికర్షించే జిగురు పదార్థాలను ఆవిష్కరించారు. వీటిని పరికరాల మీద రాస్తే కీటక నిరోధక పొరగా ఉపయోగపడగలవు. బలంగా, మన్నికగా ఉండటం వల్ల చాలాకాలం పనిచేస్తాయి. విమాన యంత్రాలు, గాలి మరల వంటి వాటికి కీటకాలు అతుక్కొని, దెబ్బతినకుండా ఇవి కాపాడతాయి.
మంటలకు కాలకుండా..
టెంట్లో ఉన్నారు. హఠాత్తుగా బయట అగ్ని ప్రమాదం జరిగింది. కానీ టెంట్కు ఏమీ కాలేదు. సురక్షితంగా అలాగే ఉంది. అదెలా? లాంజ్లే రీసెర్చ్ సెంటర్ పరిశోధకులు రూపొందించిన బ్లాంకెట్ అందుబాటులోకి వస్తే ఇది సాధ్యమే. ఇది 2,000 డిగ్రీల ఫారన్హీట్ ఉష్ణోగ్రతలోనూ చెక్కు చెదరదు. వివిధ పొరలతో కూడిన ఇది చాలా తేలికగా ఉంటుంది. ఎటైనా తేలికగా వంగుతుంది. అగ్ని ప్రమాదం నుంచి పరికరాలు, వ్యక్తులను కాపాడటానికిది ఎంతగానో తోడ్పడగలదు. అపార్ట్మెంట్లలో గోడలకు రక్షణ పొరగానూ ఉపయోగపడగలదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు
తాజా వార్తలు (Latest News)
-
జూదరులతో కలిసి పుట్టిన రోజు వేడుకలు.. మంగళ్హాట్ డీఐ సస్పెన్షన్ ?
-
ఒకే ద్విచక్రవాహనంపై ప్రయాణం.. బస్సు ఢీకొని నలుగురు ఇంటర్ విద్యార్థుల మృతి
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)