Updated : 11 May 2022 10:37 IST

మొక్కలకు వాన శత్రువా?

నుషులు, ఇతర బహుకణ జీవుల మాదిరిగానే చెట్లు, మొక్కల్లోనూ రోగనిరోధక వ్యవస్థ ఉంటుంది. ఇది ప్రతిక్షణం హానికారక సూక్ష్మక్రిములను ఎదుర్కోవటానికి ప్రయత్నిస్తూనే ఉంటుంది. వాన కురిస్తే చెట్లు మురుస్తాయని మనం అనుకుంటుంటాం గానీ ఇది పూర్తిగా నిజం కాదు. ఎందుకంటే వాన చినుకుల్లో బ్యాక్టీరియా, ఫంగస్‌, వైరస్‌ల వంటి హానికారక క్రిములు ఉండొచ్చు. ఇవి చీడ పీడలను తెచ్చిపెట్టొచ్చు. అందుకే చెట్లు వాన చినుకులను ఇన్‌ఫెక్షన్లు తెచ్చిపెట్టే ముప్పు కారకాలుగానే పరిగణిస్తాయి. మరి వీటిల్లోని హానికారక క్రిములను చెట్లు ఎలా గుర్తిస్తాయో తెలుసా? ఆకుల మీద ఉండే వెంట్రుకల వంటి భాగాలతో. వీటిని ట్రైకోమ్స్‌ అంటారు. వాన కురిసినప్పుడు ఇవి చినుకులను ముప్పు కారకాలుగా భావించి, రోగనిరోధక వ్యవస్థను ప్రేరేపిస్తున్నట్టు జపాన్‌లోని నగోయా యూనివర్సిటీ శాస్త్రవేత్తలు తాజాగా గుర్తించారు. ఈ సమయంలో చెట్లలో రోగనిరోధక వ్యవస్థతో ముడిపడిన జన్యువులు వ్యక్తమవుతున్నట్టు కనుగొన్నారు. వీటిని రోగనిరోధకశక్తిని అణచి పెట్టే సీఏఎంటీఏస్‌ అనే జన్యువులు పర్యవేక్షిస్తుంటాయి. సీఏఎంటీఏస్‌ను క్యాల్షియం అయాన్లు (సీఏ2+) నియంత్రిస్తుంటాయి. అందువల్ల వాన మూలంగా చెట్ల ఆకుల కణాల్లో సీఏ2+ మోతాదులు పెరుగుతుండొచ్చని శాస్త్రవేత్తలు ఊహించి పరీక్షించగా అది నిజమేనని తేలింది. అంటే వానను ముప్పు కారకంగా భావించటం వల్లనే టైక్రోమ్స్‌ ఆకుల నిండా క్యాల్షియం తరంగాలను ప్రేరేపించాయి. ఇవి సీఏఎంటీఏస్‌ను నిర్వీర్యం చేసి రోగనిరోధక వ్యవస్థతో ముడిపడిన జన్యువులను ప్రేరేపితం చేశాయి. చెట్ల రక్షణ వ్యవస్థను కృత్రిమ పద్ధతులతో ఉత్తేజితం చేయటానికి అధ్యయన ఫలితాలు తోడ్పడగలవని పరిశోధకులు భావిస్తున్నారు.

Read latest Technology News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని