Cow: ఆవుల అపాన వాయువు మీద పన్ను!
ఆవుల అపాన వాయువు మీద పన్నా? వినటానికే విచిత్రంగా ఉన్నప్పటికీ న్యూజిలాండ్ దీన్నే ప్రతిపాదించింది. రైతులు పెంచే పశువుల రకాలు, వాటికి పెట్టే దాణా, కొట్టాల సంఖ్య వంటి వాటిని బట్టి రైతుల దగ్గర్నుంచి దీన్ని వసూలు చేయాలన్నది సంకల్పం.
ఆవుల అపాన వాయువు మీద పన్నా? వినటానికే విచిత్రంగా ఉన్నప్పటికీ న్యూజిలాండ్ దీన్నే ప్రతిపాదించింది. రైతులు పెంచే పశువుల రకాలు, వాటికి పెట్టే దాణా, కొట్టాల సంఖ్య వంటి వాటిని బట్టి రైతుల దగ్గర్నుంచి దీన్ని వసూలు చేయాలన్నది సంకల్పం. ఇంతకీ దీని ఉద్దేశమేంటో తెలుసా? పశువుల నుంచి వెలువడే మీథేన్ వాయువును తగ్గించటం. భూ వాతావరణం వేడెక్కటానికి కారణమవుతున్న గ్రీన్ హౌజ్ వాయువుల్లో మీథేన్ రెండోది మరి. దీని ఉద్గారాలను 2050 కల్లా నికర-శూన్యానికి తగ్గించటం కోసమే న్యూజిలాండ్ ఇలాంటి ప్రయత్నం చేస్తోంది. నిజానికి మీథేన్ వాయువు వ్యవసాయం నుంచే కాదు.. సహజవాయు సరఫరా గొట్టాలు, ఇతర శిలాజ ఇంధనాల సదుపాయాలు లీక్ కావటం ద్వారానూ వాతావరణంలోకి విడుదలవుతుంది.
అంత హానికరమైందా?
శిలాజ ఇంధనాల నుంచి వెలువడే మీథేన్ మాదిరిగా ఆవుల నుంచి వెలువడే మీథేన్ అంత చెడ్డదా? కార్బన్ డయాక్సైడ్ కన్నా హానికరమైందా? దీనికి సమాధానాలు పునర్వినియోగ వనరులు, వర్తుల ఆర్థిక వ్యవస్థల్లో దాగున్నాయి. భూ వాతావరణం వేడెక్కటానికి కారణమవుతున్న గ్రీన్ హౌజ్ వాయువుల్లో మీథేన్ కన్నా ముఖ్యమైంది కార్బన్ డయాక్సైడ్. దీనికి కారణం మానవ చర్యలే. 1800ల్లో శిలాజ ఇంధనాలను మండించటం మొదలెట్టినప్పటి నుంచీ బోలెడంత కార్బన్ డయాక్సైడ్ వాతావరణంలోకి వెలువడింది. ఇది రోజురోజుకీ పెరిగిపోతూ అంతరిక్షంలోకి ఉష్ణం వెలువడకుండా అడ్డుకుంటోంది. ఫలితమే భూతాపం. కార్బన్ డయాక్సైడ్లో కొంత భాగం వాతావరణంలో వందలాది ఏళ్ల నుంచి వేలాది సంవవత్సరాల వరకూ అలాగే ఉండిపోతుంది. కానీ మీథేన్ వాయువు అలా కాదు. పైగా పునర్వియోగమవుతూ వస్తుంటుంది. ఆవులు, గెదేలు, ఎద్దులు, మేకలు, గొర్రెల వంటి అన్నిరకాల పశువుల నుంచి జీవసంబంధ మీథేన్ వెలువడుతుంది. ఇదొక చక్రంలా కొనసాగుతూ వస్తుంది. కిరణజన్య సంయోగక్రియలో భాగంగా గడ్డి, మొక్కలు వాతావరణంలోని కార్బన్ డయాక్సైడ్ను గ్రహిస్తాయి. వీటిని పశువులు, జంతువులు తిని జీర్ణం చేసుకున్నాక.. అపాన వాయువు రూపంలో లేదా ఎరువు క్షీణించే క్రమంలో మీథేన్ వాయువు వెలువడుతుంది. ఇది వాతావరణంలో సుమారు పదేళ్ల పాటు ఉంటుంది. అనంతరం ఆక్సీకరణ చెంది కార్బన్ డయాక్సైడ్గా మారుతుంది. దీన్ని గడ్డి, మొక్కలు తిరిగి తింటాయి. కొంత కార్బన్ మాంసం, చర్మం, ఉన్నిలో తాత్కాలికంగా ఉంటుంది. ఇదీ చివరికి పునర్వియోగమవుతుంది. అయితే రోజురోజుకీ పెరుగుతున్న జనాభా ఆహార అవసరాల కోసం.. ముఖ్యంగా మాంసం, పాడి కోసం ప్రపంచవ్యాప్తంగా పెద్ద ఎత్తున పశు పెంపకాన్ని కొనసాగిస్తున్నారు. ఇది మీథేన్ విడుదల పెరగటానికి కారణమవుతోంది.
మూడో వంతు ఇదే
మానవ చర్యలతో ఉత్పత్తి అవుతున్న మీథేన్ ఉద్గారాల్లో సుమారు మూడింట ఒక వంతు పశువుల నుంచే విడుదల అవుతోందని అంచనా. కార్బన్ డయాక్సైడ్తో పోలిస్తే ఇది వాతారణంలో తక్కువ కాలమే ఉండొచ్చు. కానీ వాతావరణం వేడెక్కటంలో కార్బన్ డయాక్సైడ్ కన్నా ఎక్కువ ప్రభావమే చూపుతుంది. అందుకే పశువుల నుంచి వెలువడే మీథేన్ను తగ్గించటం మీద దృష్టి సారిస్తున్నారు. అందులో భాగమే ఆవుల అపాన వాయువు మీద పన్ను వేయటం. ఒకరకంగా ఇది పశువుల పెంపకాన్ని తగ్గించే ప్రయత్నమే. పశువులు, గొర్రెల వంటి వాటి సంఖ్య తగ్గితే మీథేన్ విడుదలా తగ్గుతుంది. శిలాజ ఇంధన సదుపాయాల నుంచి వెలువడే మీథేన్ను తగ్గించటంతో పాటు దీని మీదా దృష్టి పెడితే కొంతవరకైనా భూ వాతావరణానికి మేలు చేస్తుంది కదా అన్నది ఆలోచన.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
లాలీపాప్తో నోటి క్యాన్సర్ జాడ
క్యాన్సర్లను నిర్ధరించటానికి కణజాలం నుంచి చిన్న ముక్కను తీసి పరీక్ష చేస్తుంటారు (బయాప్సీ). ఇందుకోసం శరీరానికి కోత పెట్టాల్సి ఉంటుంది. నొప్పి పుడుతుంది. బయాప్సీ చేయటానికి నిపుణులు అవసరం. -
వరదొచ్చే.. వరదొచ్చే.. వారం ముందే అంచనా
కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. కంపెనీలు వినూత్న టూల్స్ను సృష్టిస్తూ సత్తాను చాటుకోవటానికి ప్రయత్నిస్తున్నాయి. ఈ విషయంలో గూగుల్ ఇటీవల గొప్ప పురోగతిని సాధించింది. -
భూగర్భంలో నీరెంత?
భూమి మీద మూడొంతుల మేర ఉండేది నీరే. మరి భూగర్భంలో ఎంత నీరుంటుంది? ఎంతుంటే ఏంటని మనం అనుకుంటామేమో గానీ శాస్త్రవేత్తలు అలా కాదు. -
గది ఉష్ణోగ్రత వద్దే క్యూబిట్లు స్థిరంగా..
క్వాంటమ్ కంప్యూటింగ్ శరవేగంగా అభివృద్ధి చెందుతోంది. సమాచార పరిశీలన, విశ్లేషణ ప్రక్రియలో విప్లవాత్మక మార్పులకు శ్రీకారం చుడుతోంది. -
పాలపుంత కేంద్రం తెలుసా?
మన నక్షత్ర మండలమైన పాలపుంత కేంద్రం ఎక్కడుందో తెలుసుకోవాలని అనుకుంటున్నారా? అయితే ఐఫోన్ కొత్త యాప్ సాయం తీసుకోవచ్చు. -
పీసీఆర్ కథ
పాలిమరేజ్ చైన్ రియాక్షన్ అంటే ఎవరికీ తెలియకపోవచ్చు. కానీ పీసీఆర్ పరీక్ష అనగానే అంతా గుర్తుపట్టేస్తారు. కొవిడ్ విజృంభించినప్పుడు ఇదెంత ప్రాముఖ్యం సంతరించుకుందో తెలిసిందే -
పురాతన నక్షత్ర మండలం సరికొత్త సవాల్
కృష్ణ పదార్థం (డార్క్ మ్యాటర్) చుట్టూ ఉండే భారీ పరివేషాల సమీపంలో తొలి నక్షత్ర మండలాలు ఏర్పడ్డాయని ఖగోళ శాస్త్రవేత్తలు భావిస్తుంటారు. -
సుదూర అంతరిక్షంలో మరో భూమి!
భూమి ఆయుష్షు ఏటికేడు తగ్గుతూ వస్తోంది. వనరులూ తగ్గుతూ వస్తున్నాయి. దీన్ని దృష్టిలో పెట్టుకునే మన భూమిలాంటి నివాసయోగ్య గ్రహాల కోసం ఖగోళ శాస్త్రవేత్తలు చాలాకాలంగా అన్వేషిస్తూనే ఉన్నారు. ఒకవేళ భవిష్యత్తులో ఎప్పుడైనా భూమి నివసించటానికి పనికిరాకుండా పోతే, మానవజాతి అంతరించకుండా చూడటం దీని ఉద్దేశం. ఈ నేపథ్యంలో అమెరికా అంతరిక్ష సంస్థ నాసా శాస్త్రవేత్తలు ‘భారీ భూమి’ని (సూపర్ ఎర్త్) గుర్తించారు. -
ఇంటి గాలిని వడపోసే మొక్క
వాయు కాలుష్యం అనగానే రద్దీ రహదారులు, పారిశ్రామిక పాంతాలే గుర్తుకొస్తాయి. కానీ ఇళ్లు, కార్యాలయాలూ తక్కువేమీ కాదు. ఆ మాటకొస్తే బెంజీన్, టొల్యూన్, జైలీన్, ఫార్మాల్డిహైడ్ వంటి వాయు కాలుష్య కారకాలు ఆరుబయట కన్నా ఇంటి లోపలే 2 నుంచి 5 రెట్లు ఎక్కువని అమెరికాకు చెందిన ఎన్విరాన్మెంటల్ ప్రొటెక్షన్ ఏజేన్సీ చెబుతోంది. -
అంగారకుడి శోధనకు వినూత్న వ్యోమనౌక
అంగారకుడి శోధనకు అమెరికా అంతరిక్ష సంస్థ నాసా వినూత్న వ్యోమనౌకను రూపొందించనుంది. దీని పేరు మార్స్ ఏరియల్ గ్రౌండ్ ఇంటెలిజెంట్ ఎక్స్ప్లోరర్ (మ్యాగ్గీ). -
గోబర్ గ్యాస్ రాకెట్!
గోబర్ గ్యాస్తో వంట చేసుకోవటం పాత విషయమే. దీంతో రాకెట్లనూ నడపొచ్చని తెలుసా? జపాన్కు చెందిన ఒక అంతరిక్ష సంస్థ అలాంటి రాకెంట్ ఇంజిన్నే రూపొందించింది. -
హ్యామ్- అంతరిక్షంలోకి వెళ్లిన తొలి చింపాంజీ
మనుషుల కన్నా ముందు జంతువులే అంతరిక్షంలో అడుగుపెట్టాయి. వీటిల్లో హ్యామ్ అనే చింపాంజీ ఒకటి. అమెరికా చేపట్టిన మెర్క్యురీ ప్రాజెక్టులో భాగంగా ప్రయోగాత్మక రాకెట్ ద్వారా ఇది అంతరిక్షంలోకి వెళ్లింది. అప్పుడు హ్యామ్ వయసు మూడున్నరేళ్లే. గంటకు 8,046 కిలోమీటర్ల వేగంతో దూసుకెళ్లిన రాకెట్ ద్వారా ఇది 241 కిలోమీటర్ల ఎత్తుకు చేరుకుంది. -
స్వయం ప్రయోగశాలలు
స్వయం చోదక వాహనాల గురించి తెలిసిందే. ఎక్కి కూర్చోగానే వాటంతటవే గమ్యానికి చేరుస్తాయి. మొదట్లో సైన్స్ ఫిక్షన్ కథలా అనిపించినా ఇప్పుడివి కొన్నిదేశాల్లో నిత్య జీవనంలోకీ వచ్చేశాయి. -
భారీ విశ్వదర్శిని!
అంతర్జాతీయ టెలిస్కోప్ ప్రాజెక్టు స్క్వయర్ కిలోమీటర్ అరే(ఎస్కేఏ)లో మనదేశం అధికారికంగా చేరనుంది. దీని నిర్మాణానికి రూ.1,250 కోట్లు కేటాయించాలని నిర్ణయించింది. -
కీటకం ఈత గుట్టు
కీటకాలకు ఒలింపిక్ క్రీడల పోటీలు నిర్వహిస్తే ఈతలో వర్లిగిగ్ బీటిల్ బంగారు పతకం కొట్టేయటం ఖాయం. ఉండేది సెంటీమీటరు పొడవే అయినా వేగంలో దీన్ని మించిన కీటకం లేదు -
కిరణజన్య సంయోగక్రియ మూలం!
మన భూమ్మీద ప్రాణులు జీవించి ఉండటానికి ఆక్సిజన్నే ఆధారం. దీనికి మూలం కిరణజన్య సంయోగక్రియ. వృక్షాలు, మొక్కలు గాల్లోంచి కార్బన్ డయాక్సైడ్, భూమిలోంచి నీరు, సూర్యుడి నుంచి కాంతిని గ్రహించి చక్కెరను సృష్టించుకుంటాయి. -
బొగ్గు దాణా!
బొగ్గుతో ఏం చేస్తారు? పొయ్యిలో మండించి వంట వండుకుంటారు. విద్యుత్ కేంద్రాల్లో విద్యుత్తు ఉత్పత్తి చేస్తారు. ఇంకేం చేస్తారు? చైనా శాస్త్రవేత్తలైతే దాణానూ తయారుచేస్తారు
తాజా వార్తలు (Latest News)
-
జగన్పై రాయిదాడి కేసు.. సతీష్ కస్టడీకి కోర్టు అనుమతి
-
హార్దిక్.. ముందు నీ ఆటపై దృష్టిపెట్టు: వీరేంద్ర సెహ్వాగ్
-
అలాంటి చిత్రాల్లో ఇదీ ఒకటి.. ఫహాద్ ఫాజిల్ ‘ఆవేశం’కు సమంత రివ్యూ
-
5,000mAh బ్యాటరీ.. 50MP కెమెరాతో నార్జో సిరీస్లో కొత్త ఫోన్లు
-
ఇప్పటికీ సరైన కూర్పు కోసం ప్రయత్నిస్తున్నాం: స్టీఫెన్ ఫ్లెమింగ్
-
‘మంజుమ్మల్ బాయ్స్’ నిర్మాతలపై చీటింగ్ కేసు