Updated : 30 Oct 2021 10:26 IST

JioPhone Next: ₹2వేలకే జియో ఫోన్ నెక్స్ట్‌! పూర్తి వివరాలివే..

 

ఇంటర్నెట్‌డెస్క్‌: జియో సంస్థ గూగుల్‌తో కలిసి తీసుకొస్తున్న జియోఫోన్ నెక్స్ట్‌ దీపావళికి విడుదల కానుంది. తాజాగా ఈ ఫోన్‌కి సంబంధించిన పూర్తి వివరాలను జియో వెల్లడించింది. జియోఫోన్ నెక్స్ట్‌ ధర రూ.6,499గా ప్రకటించింది. ముందుగా రూ.1,999 చెల్లించి వినియోగదారులు ఈ ఫోన్‌ని కొనుగోలు చేయొచ్చని తెలిపింది. మిగిలిన మొత్తాన్ని 18లేదా 24 నెలల వ్యవధిలో వాయిదా పద్ధతి (ఈఎంఐ)లో చెల్లించవచ్చని వెల్లడించింది. ఇందుకోసం జియో నాలుగు వాయిదా పద్ధతులను ప్రకటించింది. ఇందులో రీఛార్జి ప్లాన్లు కలిపి ఉంటాయి.

* మొదటిది అల్వేస్-ఆన్ ప్లాన్‌ (Always-on Plan). ఇందులో 18 నెలల కాలవ్యవధికి నెలకు రూ. 350 లేదా 24 నెలల కాలానికి నెలకు రూ.300 చొప్పున చెల్లించొచ్చు. ఈ ప్లాన్‌లో వినియోగదారులు నెలకు 5జీబీ డేటాతోపాటు 100 నిమిషాల టాక్‌టైమ్‌ పొందుతారు.

* ఇక రెండోది లార్జ్ ప్లాన్‌ (Large Plan). ఈ ప్లాన్ కింద కస్టమర్స్ 18 నెలల వ్యవధిలో నెలకు రూ. 500 లేదా 24 నెలలకు నెలకు రూ.450 చొప్పున చెల్లించొచ్చు. ఇందుకు రోజుకు 1.5జీబీ 4జీ డేటాతోపాటు అపరిమిత వాయిస్‌ కాల్స్‌ను పొందుతారు.

* మూడోది ఎక్స్‌ఎల్‌ ప్లాన్ (XL Plan). ఇందులో 18 నెలల కాలానికి నెలకు రూ.550 లేదా నెలకు రూ.500 చొప్పున 24 నెలలపాటు చెల్లించాల్సి ఉంటుంది. ఈ ప్లాన్‌లో వినియోగదారులు రోజూవారీ 2జీబీ హై-స్పీడ్ 4జీ డేటాతోపాటు అపరిమిత వాయిస్‌ కాల్స్‌ను పొందుతారు.

* నాలుగోది ఎక్స్‌ఎక్స్‌ఎల్‌ ప్లాన్‌ (XXL Plan). ఈ ప్లాన్‌ కింద ఫోన్‌ కొనుగోలు చేసిన యూజర్స్‌ 18 నెలల కాలానికి నెలకు రూ. 600 లేదా 24 నెలల కాల వ్యవధికి నెలకు రూ.550 చొప్పున చెల్లించొచ్చు. ఇందుకు యూజర్స్ ప్రతిరోజూ 2.5 జీబీ 4జీ డేటాతోపాటు అపరిమిత వాయిస్‌కాల్స్‌ పొందుతారు. 

కొద్దిరోజుల క్రితం జియోఫోన్ నెక్స్ట్‌కు సంబంధించి ఫీచర్లు కూడా సంస్థ వెల్లడించింది. ఈ ఫోన్‌ కోసం గూగుల్ ఆండ్రాయిడ్ ప్రగతి అనే ఓఎస్‌ను అభివృద్ధి చేసింది. అలానే ఈ ఫోన్‌లో జియో, గూగుల్ యాప్‌లు ఇస్తున్నట్లు ప్రకటించింది. ఈ ఫోన్‌ ఫీచర్ల విషయానికొస్తే 2జీబీ ర్యామ్‌ ఉంటుంది. స్నాప్‌డ్రాగన్ 215 క్యూఎమ్‌ ప్రాసెసర్‌ ఉపయోగించినట్లు తెలుస్తోంది. 5.45 అంగుళాల హెచ్‌డీ+ డిస్‌ప్లే ఇస్తున్నారు. ఫోన్‌కు వెనుక 13 ఎంపీ, ముందు 8 ఎంపీ ఆటోఫోకస్‌ కెమెరాలు ఇస్తున్నారు. 3,500 ఎంఏహెచ్ బ్యాటరీ ఉంది. ఈ ఫోన్‌లో వాయిస్‌ అసిస్టెంట్‌, ఆటోమెటిక్‌ రీడ్‌-అలౌడ్‌ ఆఫ్‌ స్క్రీన్‌ టెక్ట్స్‌, 12 భాషల్లోకి అనువదించే లాంగ్వేజ్‌ ట్రాన్స్‌లేషన్‌ వంటి అదనపు ఫీచర్లు కూడా ఇస్తున్నారు.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని