బడ్జెట్‌ ధరలో ఎల్జీ కొత్త ఫోన్లు..

ఇంటర్నెట్‌ డెస్క్‌: ఎలక్ట్రానిక్‌ ఉత్పత్తుల తయారీ కంపెనీ ఎల్జీ మూడు కొత్త స్మార్ట్‌ఫోన్లను భారత మార్కెట్లోకి విడుదల చేసింది. ఎల్జీ డబ్ల్యూ11, డబ్ల్యూ31, డబ్ల్యూ31+ పేరుతో వస్తున్న ఈ ఫోన్లలో గూగుల్‌ అసిస్టెంట్ బటన్‌, ట్రిపుల్ రియర్ కెమెరా ఫీచర్స్‌తో బడ్జెట్‌ ధరలో అందిస్తున్నారు. గతంలో విడుదల చేసిన ఎల్జీ డబ్ల్యూ10, డబ్ల్యూ30, డబ్ల్యూ30 ప్రో మోడల్స్‌కి కొనసాగింపుగా ఈ కొత్త ఫోన్లను తీసుకొస్తున్నారు.

ఎల్జీ డబ్ల్యూ 11

ఈ ఫోన్ ఆండ్రాయిడ్‌ 10 ఓఎస్‌తో పనిచేస్తుంది. ఇందులో 6.52-అంగుళాల ఫుల్ హెచ్‌డీ+ డిస్‌ప్లే ఇస్తున్నారు. ఆక్టాకోర్ ప్రాసెసర్‌ను ఉపయోగించారు. మొత్తం మూడు కెమెరాలు ఉన్నాయి. వెనక రెండు, ముందు భాగంలో ఒక కెమెరా ఇస్తున్నారు. వెనక వైపు 13 ఎంపీ ప్రైమరీ సెన్సర్ కెమెరాతో పాటు 2 ఎంపీ సూపర్ వైడ్ యాంగిల్ కెమెరా ఉంది. ముందు భాగంలో సెల్ఫీల కోసం 8 ఎంపీ కెమెరా అమర్చారు. 4,000 ఎంఏహెచ్‌ బ్యాటరీ ఉంది. 3జీబీ ర్యామ్‌/32జీబీ ఇంటర్నల్ మెమరీ వేరియంట్‌లో ఈ  ఫోన్ లభిస్తుంది.

ఎల్జీ డబ్ల్యూ31 & డబ్ల్యూ31+

ఈ మోడల్స్‌లో ఆక్టాకోర్ మీడియాటెక్‌ హీలియో పీ22 ప్రాసెసర్‌ను ఉపయోగించారు. 6.52-అంగుళాల హెచ్‌డీ+ ఫుల్‌ విజన్‌ డిస్‌ప్లే ఇస్తున్నారు. ఆండ్రాయిడ్ 10 ఓఎస్‌తో పనిచేస్తాయి. వీటిలో నాలుగు కెమెరాలు ఉన్నాయి. వెనక మూడు.. ముందు ఒక కెమెరా ఇస్తున్నారు. వెనక వైపు 13 ఎంపీ ప్రైమరీ కెమెరాతో పాటు 2 ఎంపీ డెప్త్‌ కెమెరా, 5 ఎంపీ సూపర్‌ వైడ్-యాంగిల్ కెమెరా ఉన్నాయి. ముందు భాగంలో 8 ఎంపీ సెల్ఫీ కెమెరా అమర్చారు. 4,000 ఎంఏహెచ్‌ బ్యాటరీ ఉంది. ఎల్జీ డబ్ల్యూ31 మోడల్‌ 4జీబీ ర్యామ్‌/64జీబీ అంగర్గత మెమరీ వేరియంట్‌లో, డబ్ల్యూ31+ మోడల్‌ 4జీబీ ర్యామ్‌/128జీబీ ఇంటర్నల్ స్టోరేజి వేరియంట్‌లో తీసుకొచ్చారు. ఇక ధర విషయానికొస్తే ఎల్జీ డబ్ల్యూ11 మోడల్‌ ధర రూ. 9,490, డబ్ల్యూ31 ధర రూ. 10,990 కాగా డబ్ల్యూ31+ ధర రూ. 11,990గా కంపెనీ నిర్ణయించింది. మూడు మోడల్స్‌ మిడ్‌నైట్ బ్లూ రంగులో లభిస్తాయి. వచ్చే నెల నుంచి ఈ ఫోన్ల అమ్మకాలు ప్రారంభంకానున్నాయి.