Smartphones: పండగ ఆఫర్లు ఓ వైపు.. కొత్త ఫోన్ల లాంచ్ మరోవైపు..అక్టోబరు నెలంతా సందడే సందడి!
అక్టోబరులో కొత్తగా విడుదయ్యే మోడల్స్ జాబితా సిద్ధం. మరింకెందుకు ఆలస్యం.. దానిపై మీరూ ఓ లుక్కేయండి...
ఇంటర్నెట్ డెస్క్: కొత్త ఫోన్ కొనాలనుకునే వారికి అక్టోబరు నెలలో ఎన్నో ఆప్షన్లు. ఈ-కామర్స్ సంస్థల పండగ ఆఫర్లు ఓ వైపు.. ప్రత్యేక ఆఫర్ల పేరుతో మొబైల్ కంపెనీల ఆఫర్లు మరోవైపు. వీటికి తోడు మొబైల్ కంపెనీలు కొత్తగా విడుదల చేసే మోడల్స్ ఉండనే ఉన్నాయి. పండగ ఆఫర్ల గురించి ఇప్పటికే ఈ-కామర్స్, మొబైల్ కంపెనీలు విస్తృత ప్రచారం నిర్వహించాయి. మరి, అక్టోబరులో కొత్తగా విడుదయ్యే మోడల్స్ మాటేంటి? ఇదిగో జాబితా.. మరింకెందుకు ఆలస్యం.. దానిపై మీరూ ఓ లుక్కేయండి...
పిక్సెల్ 7 సిరీస్ (Pixel 7 Series)
గూగుల్ కంపెనీ పిక్సెల్ 7 సిరీస్తో భారత మార్కెట్లోకి రీఎంట్రీ ఇవ్వాలని భావిస్తోంది. పిక్సెల్ 7, పిక్సెల్ 7 ప్రో పేరుతో రెండు మోడల్స్ను అక్టోబరు 6న ప్రపంచవ్యాప్తంగా విడుదల చేస్తోంది. ఈ ఫోన్ల అమ్మకాలు ఫ్లిప్కార్ట్ ద్వారా ప్రారంభంకానున్నాయి. వీటి ధర ₹ 55 వేల నుంచి ప్రారంభమవుతుందని మార్కెట్ వర్గాల అంచనా. పిక్సెల్ 7 సిరీస్ ఫీచర్ల వివరాలివే.
మోటో ఎడ్జ్ 30 నియో (Moto Edge 30 Neo)
గత కొద్ది నెలలుగా షావోమి, ఒప్పో తరహాలో మోటోరోలా కూడా వరుసగా కొత్త మోడల్స్ను విడుదల చేస్తోంది. అక్టోబరు నెలలో కూడా మోటో ఎడ్జ్ 30 నియో మోడల్ను విడుదల చేయనుంది. 120 హెర్జ్ రిఫ్రెష్ రేట్తో 6.28 అంగుళాల ఫుల్హెచ్డీ+ పీఓఎల్ఈడీ డిస్స్లే ఉంటుందని సమాచారం. స్నాప్డ్రాగన్ 695 ప్రాసెసర్ను ఉపయోగించినట్లు తెలుస్తోంది. వెనుక 64 ఎంపీ, 13 ఎంపీ కెమెరాలు, ముందు 32 ఎంపీ సెల్ఫీ కెమెరా ఇస్తున్నారట. 4,020 ఎంఏహెచ్ బ్యాటరీ 68 వాట్, 5వాట్ వైర్లెస్ ఛార్జింగ్కు సపోర్ట్ చేస్తుంది. ఈ ఫోన్ ధర ₹ 20 వేలలో ఉండొచ్చని మార్కెట్ వర్గాల అంచనా.
వన్ప్లస్ నార్డ్ 3 (OnePlus Nord 3)
నార్డ్ సిరీస్లో వన్ప్లస్ కంపెనీ మరో కొత్త ఫోన్ను తీసుకొస్తుంది. వన్ప్లస్ నార్డ్ 3 పేరుతో విడుదల చేయనున్న ఈ ఫోన్లో మీడియాటెక్ డైమెన్సిటీ 8100 ప్రాసెసర్ను ఉపయోగించారట. వెనుక 50 ఎంపీ కెమెరాతోపాటు 8 ఎంపీ, 2 ఎంపీ కెమెరాలు ఇస్తున్నట్లు సమాచారం. 4,500 ఎంఏహెచ్ బ్యాటరీ, 80 వాట్ ఛార్జింగ్కు సపోర్ట్ చేస్తుందట. 120 హెర్జ్ రిఫ్రెష్ రేట్తో 6.78 అంగుళాల ఫుల్హెచ్డీ+ అమోలెడ్ డిస్ప్లే ఇస్తున్నారట. వన్ప్లస్ నార్డ్ 3 ధర ₹ 30 వేల నుంచి ₹ 35 వేల మధ్య ఉంటుందని టెక్ వర్గాలు భావిస్తున్నాయి. అక్టోబరు చివరి వారంలో విడుదలవుతుందని అంచనా.
షావోమి 12టీ సిరీస్ (Xiaomi 12T Series)
120 హెర్జ్ రిఫ్రెష్ రేట్తో 6.67 అంగుళాల 2k అమోలెడ్ డిస్ప్లే ఇస్తున్నారట.రెండు వేరియంట్లో ఈ ఫోన్ను విడుదల కానుంది. ఒక వేరియంట్లో 4,500 ఎంఏహెచ్ బ్యాటరీ 120 వాట్ ఫాస్ట్ ఛార్జింగ్, వెనుకవైపు 200 ఎంపీ ప్రధాన కెమెరా, స్నాప్డ్రాగన్ 8+ జెన్ 1 ప్రాసెసర్ను ఉపయోగించినట్లు సమాచారం. మరో మోడల్లో 5,000 ఎంఏహెచ్ 67వాట్ ఛార్జింగ్ సపోర్ట్, 108 ఎంపీ ప్రైమరీ కెమెరా, మీడియాటెక్ డైమెన్సిటీ 8100 ప్రాసెసర్ ఫీచర్లు ఇస్తున్నట్లు తెలుస్తోంది. షావోమి ఫ్లాగ్షిప్ సెగ్మెంట్లో ఈ సిరీస్ మోడల్స్ను తీసుకొస్తుంది. వీటి ధర ₹ 50 వేల నుంచి ₹ 60 వేల మధ్య ఉంటుందని సమాచారం.
షావోమి 12 లైట్ (Xiaomi 12 Lite)
అక్టోబరు రెండు లేదా మూడో వారంలో ఈ ఫోన్ విడుదలకానుంది. ఇందులో 120 హెర్జ్ రిఫ్రెష్ రేట్తో 6.55 అంగుళాల అమోలెడ్ డిస్ప్లే ఇస్తున్నారు. స్నాప్డ్రాగన్ 778జీ ప్రాసెసర్ను ఉపయోగించారు. 4,300 ఎంఏహెచ్ బ్యాటరీ, 67 వాట్ ఛార్జింగ్కు సపోర్ట్ చేస్తుంది. ఈ ఫోన్లో వెనుక 108 ఎంపీ, 8 ఎంపీ, 2 ఎంపీ కెమెరాలు ఇస్తున్నారట. ధర ₹ 30 వేలలోపలే ఉంటుందని అంచనా.
ఐకూ నియో 7 (iQoo Neo 7)
ఈ ఫోన్లో మీడియాటెక్ డైమెన్సిటీ 9000+ ప్రాసెసర్ ఉపయోగించారు. 120హెర్జ్ రిఫ్రెష్ రేట్తో ఫుల్హెచ్డీ+ డిస్ప్లే ఇస్తున్నారు. 120 వాట్ ఛార్జింగ్కు సపోర్ట్ చేస్తుంది. ఇతర ఫీచర్ల గురించిన పూర్తి వివరాలు తెలియాల్సివుంది.
రియల్మీ 10 సిరీస్ (Realme 10 Series)
రియల్మీ కంపెనీ 10 సిరీస్లో వేర్వేరు వేరియంట్లను విడుదల చేయనుంది. ఈ సిరీస్లో తొలి ఫోన్ను అక్టోబరులో తీసుకురానుంది. తర్వాత 10 ప్రో, 10 5జీ, 10 అల్ట్రా, 10+ వేరియంట్లను పరిచయం చేస్తుందని టెక్ వర్గాలు భావిస్తున్నాయి. ఈ ఫోన్ ఫీచర్లకు సంబంధించి పూర్తి వివరాలు తెలియాల్సివుంది. దీనితోపాటు అక్టోబరులో రియల్మీ జీటీ సిరీస్లో మరో కొత్త మోడల్ను తీసుకొస్తుంది. ఇది కంపెనీ నుంచి జీటీ సిరీస్లో వస్తోన్న నాలుగో మోడల్. రియల్మీ జీటీ నియో 4 (Realme GT Neo 4) పేరుతో తీసుకొస్తున్న ఈ ఫోన్లో స్నాప్డ్రాగన్ 8+ జెన్ 1 ప్రాసెసర్ను ఉపయోగించారు. 1.5k అమోలెడ్ డిస్ప్లే ఇస్తున్నారు. 100 వాట్ ఛార్జింగ్కు సపోర్ట్ చేస్తుంది.
వివో వి25ఈ (Vivo V25E)
ఈ ఫోన్లో 90 హెర్జ్ రిఫ్రెష్ రేట్తో 6.44 అంగుళాల ఫుల్హెచ్డీ+ డిస్ప్లే ఇస్తున్నారు. మీడియాటెక్ హీలియో జీ99 ప్రాసెసర్ ఉపయోగించారు. వెనుకవైపు 50 ఎంపీ ప్రైమరీ కెమెరా ఉంది. 5,000 ఎంఏహెచ్ బ్యాటరీ, 44 వాట్ ఛార్జింగ్కు సపోర్ట్ చేస్తుంది. ధర ₹ 20 వేలలోపలే ఉంటుందని అంచనా.
పోకో ఎమ్5ఎస్ (Poco M5s)
ఎమ్ సిరీస్లో పోకో నుంచి వస్తోన్న ఆరో మోడల్. ఇందులో 6.43 అంగుళాల ఫుల్హెచ్డీ+ అమోలెడ్ డిస్ప్లే ఇస్తున్నారట. మీడియాటెక్ హీలియో జీ95 ప్రాసెసర్ ఉపయోగించినట్లు తెలుస్తోంది. 64 ఎంపీ ప్రైమరీ కెమెరా, 5,000 ఎంఏహెచ్ బ్యాటరీ, 33 వాట్ ఫాస్ట్ ఛార్జింగ్ సపోర్ట్ వంటి ఫీచర్లు ఉంటాయని సమాచారం. ధర ₹ 15 వేల లోగా ఉంటుందని టెక్ వర్గాలు తెలిపాయి.
ఒప్పో ఏ సిరీస్ (Oppo A Series)
బడ్జెట్ రేంజ్లో ఒప్పో కంపెనీ ఏ సిరీస్లో రెండు ఫోన్లను తీసుకురానుంది. ఒప్పో ఏ17 (Oppo A17), ఒప్పో ఏ77ఎస్ (Oppo A77s). ఈ రెండు ఫోన్లలో మీడియాటెక్ హీలియో జీ35 ప్రాసెసర్ను ఉపయోగించారని సమాచారం. ఏ17లో ఐపీఎస్ ఎల్సీడీ డిస్ప్లే, ఏ77ఎస్లో 6.5 అంగుళాల హెచ్డీ+ డిస్ప్లే ఇస్తున్నారట. రెండింటిలో వెనుకవైపు 50 ఎంపీ కెమెరా అమర్చినట్లు సమాచారం. 5,000 ఎంఏహెచ్ బ్యాటరీ, 33 వాట్ ఛార్జింగ్కు సపోర్ట్ చేస్తుందట. వీటి ధర ₹ 9 వేల నుంచి ₹ 10 వేల మధ్య ఉంటుందని అంచనా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు.
తాజా వార్తలు (Latest News)
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
భారాస అధినేత కేసీఆర్ కాన్వాయ్లో ప్రమాదం
-
మూడోసారి అంతరిక్షంలోకి.. సిద్ధమవుతోన్న సునీతా విలియమ్స్
-
Sunetra Pawar: ఎన్నికల వేళ.. రూ.25 వేల కోట్ల స్కామ్ కేసులో సునేత్ర పవార్కు క్లీన్ చిట్
-
గగనతలంలో ‘అమ్మ’కు సర్ప్రైజ్.. బుడతడి ఐడియా అదుర్స్
-
అవనిగడ్డలో వైకాపా ర్యాలీ.. బాణసంచా పడి తెదేపా కార్యకర్త ఇల్లు దగ్ధం