Home Security Camera: ఇంటి భద్రత కోసం సెక్యూరిటీ కెమెరాలు కావాలా..? వీటిపై ఓ లుక్కేయండి
ఇంటి భద్రత విషయంలో మన వంతు జాగ్రత్తగా సీసీ కెమెరాల ఏర్పాటు ఎంతో ముఖ్యం. వాటితో ఎక్కడి నుంచైనా ఇంట్లో ఏం జరుగుతుందనేది మానిటర్ చేయవచ్చు. మీరు అందుబాటు ధరలో మంచి వైఫై సెక్యూరిటీ కెమెరా కోసం వెతుకుతున్నట్లయితే ఈ జాబితాపై ఓ లుక్కేయండి...
ఇంటర్నెట్డెస్క్: ఎంతో ముచ్చటపడి నిర్మించుకున్న ఇల్లు.. ఇష్టపడి కొనుగోలు చేసి సామగ్రి. వీటిని వదిలి కొద్ది రోజులు ఎక్కడికైనా వెళ్లాలంటే మనసులో ఎక్కడో భయం. వెళ్లిన చోట స్థిమితంగా ఉండలేం. ఇల్లు ఎలా ఉంది? ఇంట్లో వస్తువులు పాడయిపోతాయేమోననే ఆందోళన. మరోవైపు దొంగల భయం. అందుకే ఇంటి భద్రత విషయంలో మన వంతు జాగ్రత్తగా సీసీ కెమెరాలు ఏర్పాటు చేసుకోవడం ఎంతో ముఖ్యం. దాంతో ఎక్కడి నుంచైనా మన ఇంటి ఆవరణలో ఏం జరుగుతుందనేది మానిటర్ చేయొచ్చు. కేవలం ఇంటి అవసరాల కోసమే కాదు.. షాపులు, పరిశ్రమలు ఇతరత్రా అవసరాల కోసం సెక్యూరిటీ కెమెరాలను ఏర్పాటు చేసుకోవచ్చు.
సాధారణ సెక్యూరిటీ కెమెరాలకు వైర్ కనెక్షన్తోపాటు, డేటా స్టోరేజ్ కోసం పీసీ ఉండి తీరాలి. అంతేకాకుండా అది ఖర్చుతో కూడిన వ్యవహారం. అదే వైఫై సెక్యూరిటీ కెమెరాలయితే రికార్డ్ చేసిన మొత్తం డేటా క్లౌడ్లో స్టోర్ చేస్తుంది. అలానే దాన్ని మీ మొబైల్ నుంచే ఆపరేట్ చేయొచ్చు. ఒకవేళ మీరు అందుబాటు ధరలో మంచి వైఫై సెక్యూరిటీ కెమెరా కోసం చూస్తున్నట్లయితే ఈ జాబితాపై ఓ లుక్కేయండి..
రియల్మీ స్మార్ట్ కామ్ 360 (Realme Smart Cam 360)
ఏఐ మోషన్ డిటెక్షన్, ఆడియో కమ్యూనికేషన్, తక్కువ కాంతిలో కూడా కలర్ విజన్, ఇన్ఫ్రారెడ్ నైట్ విజన్, 3డీ నాయిస్ క్యాన్సిలేషన్ వంటి ఫీచర్లు రియల్మీ స్మార్ట్ కామ్ 360 సొంతం. 1080 పిక్సెల్ రిజల్యూషన్తో 360 డిగ్రీ పనోరమిక్ వ్యూతో ఇది వీడియో రికార్డు చేస్తుంది. అలెక్సా, గూగుల్ వాయిస్ అసిస్టెంట్లను సపోర్ట్ చేస్తుంది. 128 జీబీ మెమొరీ కార్డ్తో 14 రోజులపాటు నిరంతరాయంగా వీడియో రికార్డు చేయొచ్చు. దీని ధర ₹ 2,999.
జీబ్రానిక్స్ జెబ్ స్మార్ట్ కామ్ 101 (Zebronics Zeb Smart Cam 101)
జీబ్రానిక్స్ జెబ్ స్మార్ట్ కామ్తో కెమెరా అమర్చిన ప్రదేశంలోని వారితో సంభాషించవచ్చు. ఇందులో స్మార్ట్ ట్రాకింగ్, సౌండ్ డిటెక్షన్ సాంకేతికతతోపాటు వ్యక్తులను గుర్తించేందుకు ఫేస్ డిటెక్షన్ టెక్నాలజీ కూడా ఉంది. ఇది ఆండ్రాయిడ్, ఐఓఎస్లను సపోర్ట్ చేస్తుంది. నైట్ విజన్ ఉంది. ఈ కెమెరాను ఒకేసారి వేర్వేరు డివైజ్లకు కనెక్ట్ చేసుకోవచ్చు. దీని ధర ₹ 3,599.
షావోమి 360 హోమ్ సెక్యూరిటీ కెమెరా (Xiaomi 360 Home Security Camera)
ఫుల్హెచ్డీ వీడియో క్వాలిటీ, 1920x1080 పిక్సెల్ రిజల్యూషన్తో 360-డిగ్రీ హారిజెంటల్, 108-డిగ్రీ వర్టికల్ వ్యూని షావోమి 360 హోమ్ సెక్యూరిటీ కెమెరా అందిస్తుంది. నైట్ విజన్ కోసం ఇందులో 940 ఎన్ఎమ్ ఇన్ఫ్రారెడ్ ఎల్ఈడీలు ఇస్తున్నారు. ఏఐ హ్యూమన్ డిటెక్షన్ సాంకేతికతతో కచ్చితత్వంతో కూడిన కదలికలను చూపిస్తుంది. షావోమి కెమెరా వ్యూయర్ యాప్ ద్వారా కెమెరాను కంట్రోల్ చేయడంతోపాటు, లైవ్ వీడియోల నుంచి స్క్రీన్షాట్ తీసుకోవచ్చు. ఆడియో కమ్యూనికేషన్ ఫీచర్ కూడా ఉంది. అలెక్సా, గూగుల్ వాయిస్ అసిస్టెంట్లను సపోర్ట్ చేస్తుంది. దీని ధర ₹ 3,199.
టీపీ లింక్ టాపో సీ200 వీ3 (TP-Link Tapo C200 V3 )
ఈ కెమెరా కూడా 1080 పిక్సెల్ రిజల్యూషన్, 114 డిగ్రీ ఫీల్డ్ వ్యూతో హెచ్డీ వీడియోలను రికార్డు చేస్తుంది. మోషన్ డిటెక్షన్ ఫీచర్ ద్వారా మనుషుల కదలికలను యూజర్కు తెలియజేస్తుంది. నైట్ విజన్ ఫీచర్ ఉంది. ఆడియో కమ్యూనికేషన్ కోసం ఇందులో బిల్ట్-ఇన్ మైక్రోఫోన్, స్పీకర్ ఉన్నాయి. అలెక్సా, గూగుల్ వాయిస్ అసిస్టెంట్లను సపోర్ట్ చేస్తుంది. ఈ కెమెరా ధర ₹ 2,499.
అమెజాన్ బ్లింక్ (Amazon Blink)
ఇంటి బయట, లోపలి సెక్యూరిటీ కోసం బ్లింక్ ఇండోర్, బ్లింక్ అవుట్డోర్ పేరుతో రెండు కెమెరాలను అమెజాన్ అందిస్తోంది. వీటిని ఎంతో సులభంగా ఇంటి ఆవరణలో ఏర్పాటు చేసుకోవచ్చు. అవుట్డోర్ కెమెరా ఇంటి బయట భద్రత కోసం కాగా, ఇండోర్ కెమెరా ఇంటి లోపలి భద్రత కోసం. అవుట్డోర్ కెమెరాలో వాటర్ రెసిస్టెంట్ ఫీచర్ ఉంది. వీటిని మనకు నచ్చిన ప్రదేశంలో ఏర్పాటు చేసి మొబైల్ ఫోన్ నుంచి మానిటర్ చేయవచ్చు. అలాగే మనకు కావాల్సిన చోటకి వీటిని సులభంగా మార్చుకోవచ్చు. ఇండోర్ కెమెరాలో యాక్టివ్ జోన్, ప్రైవసీ జోన్ అని రెండు ఆప్షన్స్ ఉంటాయి. వాటి సాయంతో కెమెరా పరిధిలోని కొంత ప్రాంత్రాన్ని బ్లర్ చేయవచ్చు. అంతేకాకుండా బ్లింక్ యాప్ ద్వారా ఇంట్లో ఉన్న వారిని చూస్తూ వారితో మాట్లాడొచ్చు. అవుట్డోర్ కెమెరాలో కూడా ఈ సదుపాయం ఉంది. రెండు కెమెరాలకు అలెక్సా ఫీచర్ ఉంది. ప్రస్తుతం భారతీయ మార్కెట్లో బ్లింక్ ఇండోర్ మాత్రమే అందుబాటులో ఉంది. దీని ధర ₹11,463.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు. -
ఫోన్ బ్యాటరీ ఎన్నిసార్లు ఛార్జ్ అవుతుంది?
స్మార్ట్ఫోన్ బ్యాటరీ పూర్తిగా.. అంటే 0 నుంచి 100% వరకు ఎన్నిసార్లు ఛార్జ్ అవుతుంది? ఎవరు లెక్కపెట్టొచ్చారని పెదవి విరవకండి. దీని గురించి తెలిస్తే బ్యాటరీ ఎక్కువ కాలం మన్నేలా కాపాడుకోవచ్చు మరి
తాజా వార్తలు (Latest News)
-
హైదరాబాద్లో పలుచోట్ల ఉరుములు, మెరుపులతో కూడిన వర్షం
-
సిద్ధమంటూ వచ్చి.. నరకం చూపించి
-
2026లో ఇండిగో ఎయిర్ట్యాక్సీలు.. ప్రయాణ సమయం ఎంతో ఆదా
-
రాజీనామా చేయకుంటే ఊరుకోం.. వాలంటీర్లపై వైకాపా నాయకుల ఒత్తిడి
-
శరద్ పవార్ వైపు దూసుకొచ్చిన మైక్రోఫోన్!
-
నిషేధమెక్కడ.. ‘నిషా’దమే.. రక్త మాంసాలతో జగన్ వ్యాపారం