New Samrtphones Launch: రేపు మోటో..ఎల్లుండి వన్‌ప్లస్‌!

ఇంటర్నెట్‌డెస్క్‌: వన్‌ప్లస్‌, మోటోరోలా కంపెనీలు కొత్త మోడల్‌ ఫోన్లను భారత మార్కెట్లోకి విడుదల చేయనున్నాయి. అక్టోబరు 12న మోటోరోలా ఈ40 మోడల్‌ను తీసుకొస్తుండగా, అక్టోబరు 13న వన్‌ప్లస్‌ 9ఆర్‌టీ మోడల్‌ను పరిచయం చేయనుంది. మరి ఈ మోడల్స్‌లో ఎలాంటి ఫీచర్లు ఉన్నాయి?.. వాటి ధరెంత? వంటి వివరాలు తెలుసుకుందాం. 

మోటో ఈ40

మోటోరోలా ఇప్పటికే అంతర్జాతీయ మార్కెట్లో ఈ మోడల్‌ను విడుదల చేసింది. ఇందులో హెచ్‌+ రిజల్యూషన్‌తో ఎల్‌సీడీ స్క్రీన్‌ ఇస్తున్నారు. యూనిసాక్‌ టీ700 ఆక్టాకోర్ ప్రాసెసర్‌ ఉపయోగించారట. 5,000 ఎంఏహెచ్‌ బ్యాటరీ ఉంటుదని సమాచారం. ఆండ్రాయిడ్ 11 ఓఎస్‌తో పనిచేస్తుంది. ఈ ఫోన్‌కి ఐపీ52 వాటర్‌ రెసిస్టెంట్ రేటింగ్‌ కూడా ఉంది. పింక్‌ క్లే, కార్బన్‌ గ్రే రంగుల్లో ఈ ఫోన్‌ని తీసుకొస్తున్నారట. ఈ ఫోన్‌లో 48 ఎంపీ ప్రైమరీ కెమెరా ఇస్తున్నారని తెలుస్తోంది. అలానే ఫేస్‌ అన్‌లాకింగ్ ఫీచర్‌ కూడా ఉంటుందని సమాచారం. 4 జీబీ ర్యామ్‌/64 జీబీ వేరియంట్లో ఈ ఫోన్‌ను తీసుకొస్తున్నారట. 

వన్‌ప్లస్‌ 9ఆర్‌టీ

ఈ ఫోన్‌లో స్నాప్‌డ్రాగన్‌ 888 ప్రాసెసర్ ఉపయోగించారట. 4,500 ఎంఏహెచ్ బ్యాటరీ ఇస్తున్నారని సమాచారం. అలానే ఈ ఫోన్ 65 వాట్ వ్రాప్‌ ఛార్జ్ ఫాస్ట్ ఛార్జింగ్‌కు సపోర్ట్ చేస్తుందట. ఇందులో వెనుకవైపు 50 ఎంపీ ప్రైమరీ కెమెరా ఉంటుందని తెలుస్తోంది. 600 హెర్జ్‌ టచ్‌ శాప్లింగ్ రేట్‌, 120 హెర్జ్‌ రిఫ్రెష్‌ రేట్‌తో 6.5-అంగుళాల అమోలెడ్‌ డిస్‌ప్లే ఇస్తున్నారట. ఫోన్‌ వేడెక్కుండా ఐదు పొరల కూలింగ్ సిస్టమ్‌ అమర్చినట్లు టెక్ వర్గాలు తెలిపాయి. 8 జీబీ ర్యామ్‌/128 జీబీ మెమొరీ, 8 జీబీ/ 256 జీబీ, 12 జీబీ/256 జీబీ వేరియంట్లో ఈ ఫోన్‌ను విడుదల చేస్తారని సమాచారం. దీని ప్రారంభ ధర రూ. 39,000 ఉంటుందని మార్కెట్‌ వర్గాల అంచనా.