Motorola Edge 30: ఎడ్జ్‌ సిరీస్‌లో మోటో కొత్త 5జీ ఫోన్‌

ఇంటర్నెట్‌డెస్క్‌: మోటోరోలా కంపెనీ ఫ్లాగ్‌షిప్‌ శ్రేణిలో మరో కొత్త 5జీ ఫోన్‌ను భారత మార్కెట్లోకి విడుదల చేసింది. మోటోరోలా ఎడ్జ్‌ 30 పేరుతో ఈ ఫోన్‌ను పరిచయం చేసింది. ఎడ్జ్‌ 30 సిరీస్‌లో మోటోరోలా నుంచి వస్తోన్న రెండో మోడల్. మరి, మోటోరోలా తాజాగా తీసుకొచ్చిన ఎడ్జ్‌ 30 మోడల్‌ ధరెంత? ఎలాంటి ఫీచర్లున్నాయి? ఎప్పటి నుంచి అమ్మకాలు ప్రారంభమవుతానేది తెలుసుకుందాం..

మోటోరోలా ఎడ్జ్‌ 30

ఈ ఫోన్ ఆండ్రాయిడ్ 12 ఆధారిత మైయూఎక్స్‌ ఓఎస్‌తో పనిచేస్తుంది. 144 హెర్జ్‌ రిఫ్రెష్‌ రేట్‌తో 6.7-అంగుళాల ఫుల్‌హెచ్‌డీ+ పీఓఎల్‌ఈడీ డిస్‌ప్లే ఇస్తున్నారు. స్నాప్‌డ్రాగన్‌ 778జీ+ ప్రాసెసర్‌తో పనిచేస్తుంది. ఎడ్జ్‌ 30లో నాలుగు కెమెరాలు ఉన్నాయి. వెనుక మూడు, ముందు ఒక కెమెరా ఉన్నాయి. వెనుకవైపు రెండు 50 ఎంపీ కెమెరాలతోపాటు 2 ఎంపీ కెమెరా ఇస్తున్నారు. సెల్ఫీ, వీడియో కాలింగ్‌ కోసం ముందు భాగంలో 32 ఎంపీ కెమెరా అమర్చారు. 4,020 ఎమ్‌ఏహెచ్‌ బ్యాటరీ ఉంది. ఇది 33 వాట్ టర్బోపవర్‌ ఛార్జింగ్‌కు సపోర్ట్ చేస్తుంది. మోటోరోలా ఎడ్జ్‌ 30 రెండు వేరియంట్లలో తీసుకొచ్చారు. 6 జీబీ ర్యామ్‌/128 జీబీ స్టోరేజ్‌ వేరియంట్ ధర ₹ 27,999. 8 జీబీ/128 జీబీ ధర ₹ 29,999. మే 19 నుంచి ఫ్లిప్‌కార్ట్‌లో అమ్మకాలు ప్రారంభంకానున్నాయి.

► Read latest Technology News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.