Android phone:కొత్త ఆండ్రాయిడ్ మొబైల్లో.. ఈ సెటప్స్ మరవద్దు!
కొన్ని ‘స్మార్ట్’ ఫీచర్లను ముందే సెటప్ చేస్తే మీ ఆండ్రాయిడ్ మొబైల్ను మరింత హ్యాండీగా వాడుకోవచ్చు. అవెంటంటే..
ఇంటర్నెట్ డెస్క్: కొత్త ఆండ్రాయిడ్ మొబైల్ తీసుకోగానే అందరూ ముందుగా చేసే పని మొబైల్ సెటప్. అయితే, రోజువారి వాడకానికి తగ్గట్టుగా మన మొబైల్ సెట్ చేయకుంటే.. ఆపై అసౌకర్యానికి గురికాక తప్పద్దు. అయితే, కొన్ని ‘స్మార్ట్’ ఫీచర్లను ముందే సెట్ చేస్తే మీ ఆండ్రాయిడ్ మొబైల్ను మరింత హ్యాండీగా వాడుకోవచ్చు. అవేంటో చూద్దామా..!
మొబైల్ డేటా యూసేజ్
ప్రస్తుత రోజుల్లో మొబైల్ డేటా ఎంత ముఖ్యమో ప్రత్యేకంగా చెప్పాల్సిన పనిలేదు. ఇంటర్నెట్లో బ్రౌజింగ్, అప్లోడ్, డౌన్లోడ్ ఏది చేయాలన్న కచ్చితంగా మొబైల్ డేటా ఉండాల్సిందే. డేటా వినియోగంపై అన్ని నెట్వర్క్లు ఆయా ప్లాన్లకు తగ్గట్టుగా పరిమితులు విధించాయి. దీనికి మించి ఎక్కువగా వాడాలంటే అనవసరపు ఖర్చుల వాత తప్పదు. అయితే, కొన్ని సందర్భాల్లో మనం పూర్తి డేటా వినియోగించకపోయినా.. దానంతటదే ఖర్చు అవుతుంది. అదెలా అంటారా?మనకు తెలియకుండానే కొన్ని యాప్లు బ్యాక్గ్రౌండ్లో డేటాను తెగ వాడేస్తుంటాయి. ఇలా యాప్లు బ్యాక్గ్రౌండ్లో డేటాను వాడకుండా పూర్తిగా నిలిపివేయవచ్చు. లేదంటే సంబంధిత యాప్లకు మాత్రమే బ్యాక్గ్రౌండ్ డేటా వినియోగానికి అనుమతించవచ్చు.
* ఇందుకు ముందుగా మొబైల్ సెట్టింగ్స్ (Settings) మెనూ సెర్చ్ బార్లో ‘మొబైల్ డేటా (mobile data)’ అని సెర్చ్ చేసి అందులో ‘డేటా సేవర్ (Data saver)’ ఆన్ చేసుకోండి. శాంసంగ్ వంటి ఆండ్రాయిడ్ మొబైళ్లలో ‘అల్ట్రా డేటా సేవర్ (Ultra data saver)’ మోడ్ ఆన్ చేస్తే బ్యాక్గ్రౌండ్ డేటాను పూర్తిగా నిలిపివేయవచ్చు.
* ఆపై మీరు ఏ యాప్లకు అయితే బ్యాక్గ్రౌండ్ డేటా వినియోగానికి అనుమతి ఇవ్వాలనుకుంటున్నారో.. వాటికి ప్రత్యేకంగా అనుమతి ఇవ్వండి. అయితే, ఆయా ఆండ్రాయిడ్ మొబైళ్లలో ఈ సెట్టింగ్స్ కాస్త భిన్నంగా ఉండవచ్చు.
* మరోవైపు సెట్టింగ్స్లోనే ‘మొబైల్ డేటా యూసేజ్ (Mobile data usage)’ క్లిక్ చేసి.. అందులో ఏ యాప్ ఎక్కువ డేటా వినియోగిస్తుందో తెలుసుకొని నియంత్రించండి. ఇలా చేయడం ద్వారా మీ మొబైల్ బ్యాటరీని మెరుగు పరుచుకోవచ్చు. మరోవైపు గూగుల్ ప్లేస్టోర్లో మొబైల్ డేటా యూసేజ్కు సంబంధించి పలు యాప్లు అందుబాటులో ఉన్నాయి.
బ్లోట్వేర్
బ్లోట్వేర్ (డీఫాల్ట్గా వచ్చే యాప్స్) మెమొరీని ఎక్కువగా ఆక్రమించేస్తుంది. అంతేకాకుండా మిగతా యాప్లు, బ్యాటరీని సామర్థ్యాన్ని దెబ్బతీస్తుంది. యాడ్స్ డిస్ప్లే చేస్తూ, డివైజ్ను (Device) ట్రాక్ చేస్తూ మన కాంటాక్ట్స్ లిస్ట్ను దొంగలిస్తూ ఉంటుంది. ఇటువంటి యాప్లను తొలగించడమే మంచిదని టెక్ నిపుణులు సూచిస్తున్నారు. స్పాన్సర్షిప్ కారణంగా కొత్త మొబైల్లో ఇటువంటి యాప్లు ఆటోమెటిక్గా ఇన్స్టాల్ చేసి రావడం వల్ల వీటిని గుర్తించడం కొద్దిగా కష్టమే. అయితే, సెట్టింగ్స్లో ‘యాప్స్ లేదా యాప్ మేనేజ్మెంట్ సెట్టింగ్స్ (Apps & notifications or App management)’ మొత్తం యాప్ల జాబితా ఒకసారి చూడండి. ఇందులో మీరు ఇన్స్టాల్ చేయని, అనుమానం కలిగించే యాప్లు ఏవైనా ఉంటే అన్ఇన్స్టాల్ చేయండి. కుదరని పక్షంలో డేటా యాక్సెస్ ఆఫ్ చేసేయండి.
హోమ్ స్క్రీన్
కొత్త మొబైల్ తీసుకున్నా, లేదా ఉన్న మొబైల్లో హోమ్ స్క్రీన్పై ఉన్న అనవసరమైన చెత్త కొన్ని సందర్భాల్లో చిరాకు తప్పిస్తుంది. అయితే, మన వాడకానికి అనువుగా హోమ్ స్క్రీన్పై విడ్జెట్లను ఏర్పాటు చేసుకోవడం అతి సులువు. తద్వారా హోమ్ స్క్రీన్ చూడటానికి అందంగా కూడా కనిపిస్తుంది. ఇందుకు హోమ్ స్క్రీన్ను ఎక్కువసేపు నొక్కి పట్టి.. కావాల్సిన యాప్లను యాడ్ చేసుకోవడమే. మిగిలిన వాటిని తొలగించడమే.
ఇవి కూడా..
మరోవైపు ఆండ్రాయిడ్ మొబైళ్లలో ‘గూగుల్ అసిస్టెంట్ (Google Assistant)’ యూజర్లకు అపరిమితమైన సేవలను అందిస్తుంది. యాప్ వాయిస్ కమాండ్లు, వాయిస్ సెర్చ్కు గూగుల్ అసిస్టెండ్ ముందు వరుసలో ఉంటుంది. అయితే, కొత్త మొబైల్ సెటప్లో గూగుల్ అసిస్టెంట్ని కాన్ఫిగర్ను దాటవేయకపోవడమే మంచిది. అలాగే ఫొటోలు, వీడియోల బ్యాకప్ చేయడానికి ‘గూగుల్ ఫొటోలు (Google Photos)’ యాప్కు ముందే అనుమతి ఇచ్చేయండి. ఈ యాప్ అన్ని మొబైళ్లలో దాదాపు ముందే ఇన్స్టాల్ చేసి ఉంటుంది. లేదంటే ప్లేస్టోర్కు వెళ్లి డౌన్లోడ్ చేసుకొని ఇన్స్టాల్ చేయండి. మరోవైపు ఆండ్రాయిడ్ మొబైళ్లలో ఇవేకాకుండా పలు రకాల ఫీచర్లు అందుబాటులో ఉన్నాయన్న సంగతి విధితమే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.