Realme: 5 నిమిషాల్లో 50శాతం ఛార్జ్ అయ్యే ఫోన్.. సింగిల్ ఛార్జ్తో 17 గంటలు పనిచేసే బడ్స్
చైనా టెక్ దిగ్గజం రియల్మీ కొత్త ఉత్పత్తులతో యూజర్ల ముందుకు వచ్చింది. రియల్మీ జీటీ నియో 3, ప్యాడ్ మినీ, బడ్స్ క్యూ2ఎస్, స్మార్ట్ టీవీ ఎక్స్
ఇంటర్నెట్ డెస్క్: చైనా టెక్ దిగ్గజం రియల్మీ కొత్త ఉత్పత్తులతో యూజర్ల ముందుకు వచ్చింది. రియల్మీ జీటీ నియో 3 (Realme GT Neo 3), రియల్మీ ప్యాడ్ మినీ (Realme Pad Mini), బడ్స్ క్యూ2ఎస్ (Buds Q2s), రియల్మీ స్మార్ట్ టీవీ ఎక్స్ (Realme Smart TV X) వంటి కొత్త డివైజ్లను భారత మార్కెట్లో విడుదల చేసింది. మరి వీటి ప్రత్యేకతలు? ధరెంతో చూద్దాం..
రియల్మీ జీటీ నియో 3 స్పెసిఫికేషన్లు..(Realme GT Neo 3)
రియల్మీజీటీ సిరీస్లో మరో కొత్త మోడల్ను కంపెనీ ఆవిష్కరించింది. రియల్మీ జీటీ నియో 3 (Realme GT Neo 3) పేరుతో దీన్ని విడుదల చేసింది. ఈ ఫోన్లో మీడియాటెక్ డైమెన్సిటీ 8100 చిప్సెట్ను వాడారు. 120 హెర్జ్ రిఫ్రెష్రేట్తో 6.7 అంగుళాల ఫుల్ హెచ్డీ ప్లస్ డిస్ప్లేను ఇచ్చారు. రేసింగ్ స్ట్రెప్ డిజైన్లో మొబైల్ ఉంటుంది. 5నానో లేయర్ ఫిల్మ్స్ ఉంటాయి. వెనకవైపు మాటీ ఏజీ గ్లాస్ ఉండడంతో మొబైల్పై ఫింగర్ ప్రింట్స్ తక్కువగా పడతాయి. ఈ ఫోన్ 4500 బ్యాటరీ సామర్థ్యం ఉంటుంది. ఇది 150 వాట్ అల్ట్రాడార్ట్ ఛార్జింగ్కు సపోర్ట్ చేస్తుంది. దీంతో 5 నిమిషాల్లో 50 శాతం ఛార్జ్ అవుతుంది. కెమెరా విషయానికి వస్తే.. వెనుకవైపు 50మెగా పిక్సల్ ప్రధాన కెమెరా, ముందువైపు సెల్పీల కోసం 16ఎంపీ కెమెరాను అమర్చారు. 8 జీబీ+128 జీబీ వేరియంట్ ధర రూ.29,999గా, 8 జీబీ+256 జీబీ వేరియంట్ ధర రూ.31,999గా, 12 జీబీ+256 జీబీ వేరియంట్ ధరను రూ.35,999గా కంపెనీ నిర్ణయించింది. మే 4 నుంచి వివిధ స్టోర్లలో ఫోన్ విక్రయాలు ప్రారంభమవుతాయని కంపెనీ వెల్లడించింది.
రియల్మీ ప్యాడ్ మినీ (Realme Pad Mini) ఫీచర్లు...
రియల్మీ ప్యాడ్ మినీ (Realme Pad Mini) పేరుతో కొత్త ట్యాబ్ను కంపెనీ తీసుకొచ్చింది. 8.7 అంగుళాల ఎల్సీడీ డిస్ప్లేను ఇస్తున్నారు. యూనిసెక్ టీ616 ఆక్టా కోర్ ప్రాసెసర్ను ఉపయోగించారు. ట్యాబ్ వెనుకభాగంలో 8ఎంపీ కెమెరా, ముందుభాగంలో సెల్ఫీల కోసం 5ఎంపీ కెమెరాను అమర్చారు. బ్యాటరీ సామర్థ్యం 6,400 ఎంఏహెచ్గా ఉంటుంది. 18వాట్ ఫాస్ట్ ఛార్జింగ్కు సపోర్ట్ చేస్తుంది. ఇవేకాకుండా డ్యుయల్ బ్యాండ్ వైఫై సపోర్ట్, బ్లూటూత్ 5.0, టైప్ సీ యూఎస్బీ పోర్ట్, 3.5ఎంఎం హెడ్ఫోన్ జాక్, డ్యుయల్ స్పీకర్లను ఇచ్చారు. 3 జీబీ+32జీబీ వేరియంట్ ట్యాబ్ ధరను రూ.12,999గా, 4 జీబీ+ 64 జీబీ ధరను రూ.14,999గా కంపెనీ నిర్ణయించింది. మే 2 నుంచి అమ్మకాలు ప్రారంభమవుతాయని తెలిపింది. మే 2 నుంచి మే 9 వరకు కొనుగోలు చేసే వారికి ప్రత్యేక ఆఫర్ను కూడా ఇస్తున్నట్లు కంపెనీ ప్రకటించింది.
బడ్స్ క్యూ2ఎస్ (Realme Buds Q2s) ప్రత్యేకతలు..
వైర్లెస్ ఛార్జింగ్ సపోర్ట్తో రియల్మీ బడ్స్ క్యూ2ఎస్ (Realme Buds Q2s) ఎయిర్బడ్స్ను కంపెనీ విడుదల చేసింది. ఇందులో ఎన్విరాన్మెంట్ నాయిస్ క్యాన్సిలేషన్ (ఈఎన్సీ) ఫీచర్ ఉంది. దీంతో యూజర్స్ అద్భుతమైన కాలింగ్ క్వాలిటీ పొందుతారు. సింగిల్ ఛార్జ్తో 17 గంటలపాటు నాన్స్టాప్గా ఉపయోగించవచ్చు. 10 నిమిషాలు ఛార్జ్ చేస్తే 3 గంటలపాటు పాటలు వినే అవకాశం ఉంది. ఇందులో ఆర్ 1 చిప్ను వాడారు. టచ్ కంట్రోల్, ఓపెన్ అప్ ఆటో కనెక్షన్, డైనమిక్ బేస్ బూస్ట్ డ్రైవర్, మ్యూజిక్ కంట్రోలింగ్, ఫోన్ కాల్స్ ఆపరేటింగ్ సదుపాయం ఉంటుంది. వీటి ధరను రూ. 3,999గా కంపెనీ నిర్ణయించింది. మే 2 నుంచి అమ్మకాలు ప్రారంభమవుతాయి.
రియల్మీ స్మార్ట్ టీవీ ఎక్స్ (Realme Smart TV X)..
రియల్మీ కంపెనీ గృహోపకరణాల శ్రేణిలో మరో కొత్త ఉత్పత్తిని భారత మార్కెట్లోకి విడుదల చేసింది. ఫుల్ హెచ్డీ డిస్ప్లేతో రియల్మీ స్మార్ట్ టీవీ ఎక్స్(Realme Smart TV X) టీవీలను అందుబాటులోకి తీసుకొచ్చింది. ఇది 40, 43 అంగుళాల స్క్రీన్లో అందుబాటులో ఉంటాయి. ఇందులో మీడియాటెక్ చిప్ పవర్ఫుల్ క్వాడ్ కోర్ పిక్చర్ ప్రాసెసర్ను వాడారు. మెరుగైన వీడియో క్వాలిటీ కోసం క్రోమా బూస్ట్ పిక్చర్ ఇంజిన్ అమర్చారు.
1జీబీ ర్యామ్, 8జీబీ స్టోరేజ్తో పనిచేస్తుంది. బ్లూటూత్ 5.0, వైఫైతోపాటు హెచ్డీఎంఐ, రెండు యూఎస్బీ పోర్ట్స్, ఏవీ ఇన్పుట్, ల్యాన్ పోర్ట్, హెడ్ఫోన్ జాక్, డిజిటల్ ఆడియో అవుట్పుట్లు ఉన్నాయి. డాల్బీ అట్మాస్ సపోర్ట్తో క్వాడ్ స్టీరియో హెచ్డీ ఆడియో 24వాట్ స్పీకర్స్ ఇస్తున్నారు. కంపెనీ స్మార్ట్ టీవీ ధరను రూ.15,999గా నిర్ణయించింది. ప్రారంభ ధరలో కంపెనీ ప్రత్యేక ఆఫర్లను కూడా ప్రకటించింది. మే 4 నుంచి వివిధ రిటైల్, ఆన్లైన్ స్టోర్లలో విక్రయాలు జరుగుతాయని కంపెనీ వెల్లడించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు. -
ఫోన్ బ్యాటరీ ఎన్నిసార్లు ఛార్జ్ అవుతుంది?
స్మార్ట్ఫోన్ బ్యాటరీ పూర్తిగా.. అంటే 0 నుంచి 100% వరకు ఎన్నిసార్లు ఛార్జ్ అవుతుంది? ఎవరు లెక్కపెట్టొచ్చారని పెదవి విరవకండి. దీని గురించి తెలిస్తే బ్యాటరీ ఎక్కువ కాలం మన్నేలా కాపాడుకోవచ్చు మరి
తాజా వార్తలు (Latest News)
-
తెదేపా కార్యాలయం వద్ద టాస్క్ఫోర్స్ కదలికలు
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?