డిజిటల్ మానవా స్వాగతం!
సినిమాలు, సీరియళ్ల వంటి కాల్పనిక ప్రపంచాల్లో సృజనాత్మకత సృష్టిస్తున్న మాయాజాలం అంతా ఇంతా కాదు. నిజం మనుషులకు, బొమ్మలకు మధ్య హద్దులు చెరిపేస్తున్న వైనం గురించి ఎంత చెప్పినా తక్కువే. మరి బొమ్మలు మనుషుల్లా ఆలోచించగలిగితే? భావోద్వేగాలను ప్రదర్శించగలిగితే? అదీ పరిస్థితులను అర్థం చేసుకుంటూ అచ్చం మనలాగే మనతోనే ‘ముఖాముఖి’ సంభాషిస్తే? ‘డిజిటల్ హ్యూమన్స్’ అలాంటి లోకాన్నే ఇలకు దింపుతున్నారు.
సినిమాలు, సీరియళ్ల వంటి కాల్పనిక ప్రపంచాల్లో సృజనాత్మకత సృష్టిస్తున్న మాయాజాలం అంతా ఇంతా కాదు. నిజం మనుషులకు, బొమ్మలకు మధ్య హద్దులు చెరిపేస్తున్న వైనం గురించి ఎంత చెప్పినా తక్కువే. మరి బొమ్మలు మనుషుల్లా ఆలోచించగలిగితే? భావోద్వేగాలను ప్రదర్శించగలిగితే? అదీ పరిస్థితులను అర్థం చేసుకుంటూ అచ్చం మనలాగే మనతోనే ‘ముఖాముఖి’ సంభాషిస్తే? ‘డిజిటల్ హ్యూమన్స్’ అలాంటి లోకాన్నే ఇలకు దింపుతున్నారు.
ఛాట్బోట్ల గురించి తెలిసిందే కదా. కంపెనీల వెబ్సైట్లోకి వెళ్లినప్పుడు మనతో ఛాట్ చేస్తూ సందేహాలు నివృత్తి చేస్తుంటాయి. మరి మన ప్రశ్నలను టెక్స్ట్ ద్వారా కాకుండా మాటలతోనే చెబితే? అవతల నుంచి ఎవరైనా వీడియో ద్వారా వెంటనే సమాధానం చెబితే ఎంత బాగుంటుందో కదా. డిజిటల్ హ్యూమన్స్ అంటే ‘డిజిటల్ మనుషులు’ చేసే పని ఇదే. వీళ్లు మన కళ్లలోకి కళ్లు పెట్టి చూస్తారు. మనం చెప్పేది వింటారు. పదాలను అర్థం చేసుకుంటారు. అనంతరం తమ గొంతును సవరించుకొని, హావభావాలను ప్రదర్శిస్తూ అచ్చం మనుషుల మాదిరిగానే మాట్లాడతారు. ఆకట్టుకునే సంభాషణల్లో పదాల పాత్ర 7 శాతమే. మాట తీరు (గాంభీర్యం, మృదుత్వం వంటివి), శరీర హావభావాల పాత్రే ఎక్కువ. వీటిని డిజిటల్ అవతారాలు చక్కగా ప్రదర్శిస్తాయి. మనలాంటి హావభావాలు ప్రదర్శిస్తూ మనలాగే మాట్లాడటం వీటి ప్రత్యేకత. అంతా కృత్రిమ మేధ గొప్పతనం. దీని సాయంతో ఇవి మనలాగే అవసరాన్ని బట్టి స్వరాన్ని మార్చుకుంటాయి. కనుబొమలు పైకి ఎగరేస్తాయి. తలను తిప్పుతాయి. నవ్వుతాయి. అవసరమైన సమాచారాన్ని అందిస్తాయి. మన ముఖ కవళికలను పోలినట్టుగానే 3డీ పద్ధతిలో తీర్చిదిద్దటం వల్ల అచ్చం మనుషుల్లాగే కనిపిస్తాయి. మాటలను పసిగట్టే పరిజ్ఞానం మూలంగా మనం మాట్లాడే మాటలను అర్థం చేసుకుంటాయి. భాషను విడమర్చే సామర్థ్యం జోడించటం వల్ల ప్రతిస్పందిస్తాయి. తిరిగి సమాధానం చెబుతాయి. అంతేనా? మాట్లాడటానికి ముందు ఆయా అంశాలను బట్టి ముఖంలో కవళికలను ప్రదర్శిస్తాయి.
దినదినాభివృద్దిగా..
డిజిటల్ హ్యూమన్ రంగం ఇటీవలి కాలంలో శరవేగంగా పుంజుకుంటోంది. స్టుడియో పరికరాలేవీ లేకపోయినా, పెద్దగా ఖర్చు పెట్టకుండానే డిజిటల్ రూపాలను సృష్టించుకునే సాఫ్ట్వేర్ పుట్టుకురావటం దీనికి మరింత ఊపునిస్తోంది. నిజానికి డిజిటల్ మనుషుల ఆలోచన హాలీవుడ్ నుంచే పుట్టుకొచ్చిందని చెప్పుకోవచ్చు. అవతార్ వంటి సినిమాల్లో ఉపయోగించిన సాంకేతిక పరిజ్ఞానం కొత్త ద్వారాలు తెరిచింది. 3డీ మోడలింగ్, యానిమేషన్ పరిజ్ఞానాలు నిజం నటులను డిజిటల్ పాత్రలుగా మార్చటానికి అవకాశాన్ని కల్పించాయి. అనంతరం వీడియోగేమ్ స్టుడియోలూ దీన్ని విజయవంతగానూ ఉపయోగించుకున్నాయి.
పలు రంగాల్లో..
కంప్యూటర్ను ‘సజీవంగా’ మార్చే దిశగా డిజిటల్ మనుషులు పెద్ద పాత్రనే పోషిస్తున్నారు. ప్రస్తుతం డిజిటల్ మనుషులు బ్రాండ్ అంబాసిడర్లుగా, డిజిటల్ ప్రభావశీలురుగా, కస్టమర్ సపోర్టు ప్రతినిధులుగా, ఆరోగ్య సలహాదారులుగా.. ఇలా ఎన్నో రకాలుగా ఉపయోగపడుతున్నారు. ప్రత్యేకమైన రూపం, వ్యక్తిత్వాలను మేళవించి అత్యంత సానుకూలంగా వినియోగదారులపై ఎక్కువకాలం ప్రభావం చూపేలా టెక్నాలజీ సంస్థలు వీరిని తీర్చిదిద్దుతున్నాయి. యునీక్ సంస్థ ఆయా కంపెనీల అవసరాలను తీర్చటానికి ప్రత్యేకంగా డిజిటల్ మనుషులను రూపొందిస్తోంది. ఓబీఈఎన్ సంస్థ డిజిటల్ అవతారాలైతే సెలబ్రిటీల వంటి వారికి ప్రతీకలనూ సృష్టిస్తోంది. సోల్ మిషన్స్ ఏకంగా డిజిటల్ బ్రెయిన్ పరిజ్ఞానంతో డిజిటల్ మనుషులు భావోద్వేగాలు ప్రదర్శించేలా చేయగలుగుతోంది. అమీలియా సంస్థ ఇలాంటి పరిజ్ఞానంతోనే డిజిటల్ ఉద్యోగులనూ తయారుచేస్తోంది. ఈ పరిజ్ఞానం ప్రశ్నలకు జవాబులు ఇవ్వటమే కాదు.. మరింత ఎక్కువ సమాచారం ఇవ్వటాన్నీ నేర్చుకుంటుంది. ఆయా వ్యక్తులకు అనుగుణంగా స్పందించటమూ అలవరచుకుంటుంది. కాల్పనిక సహాయకులను సృష్టించుకోవటానికీ ఇప్పుడు ఎన్నో సంస్థలు సేవలను అందిస్తున్నాయి కూడా.
ఎలా సృష్టిస్తారు?
డిజిటల్ మనుషులను సృష్టించటంలో మూడు దశలు కీలక పాత్ర పోషిస్తాయి. 1. మోడల్ క్రియేషన్. 2. మోషన్ కాప్చర్. 3. ప్రత్యక్ష గ్రాఫిక్స్. ముందుగా హై రెజల్యూషన్ కెమెరాలు, లైటింగ్ సాయంతో మనిషి ముఖం (కావాలనుకుంటే శరీరం) 3డీ నమూనాను సృష్టిస్తారు (మోడల్ క్రియేషన్). అనంతరం మోషన్ కాప్చర్ పరిజ్ఞానంతో కదలికలను జోడిస్తారు. చివరికి రియల్టైమ్ గ్రాఫిక్స్తో కదలికలు, హావభావాలు సజీవంగా ఉండేలా తీర్చిదిద్దుతారు. వీటి మూలంగానే చాలామందికివి బొమ్మలను చెప్పినా నమ్మబుద్ధి కాదు.
కొన్ని ఉదాహరణలు ఇవీ..
డిజిటల్ మాధ్యమంలోనూ ఆరోగ్యబీమా విషయంలో మానవీయ కోణం అవసరం. సానుభూతితో అర్థం చేసుకుంటూ అవసరాలకు తగిన సమాచారాన్ని ఇవ్వాలనే ప్రజలు కోరుకుంటారు. అదీ సరళమైన భాషలో వివరణ ఉండాలని భావిస్తుంటారు. అందుకే న్యూజిలాండ్లోని సదరన్ క్రాస్ హెల్త్ సొసైటీ భిన్నంగా ఆలోచించింది. చాలామందికి ఆరోగ్యపరమైన అంశాలపై అవగాహన తక్కువగా ఉన్న విషయాన్ని గుర్తించి.. సందేహాలు నివృత్తి చేయటానికి, అవసరమైన సమాచారాన్ని అందించటానికి ఏఐమీ అనే డిజిటల్ అవతారాన్ని రూపొందించింది. దీని ముఖం, మాట తీరు స్థానిక ప్రజల ఆకారాన్ని పోలినట్టుగానే ఉంటుంది. ఇది ‘ముఖాముఖి’ సంభాషణతో ఆరోగ్యబీమా గురించి తేలికగా వివరిస్తుంది. ఎలాంటి నేపథ్యం నుంచి వచ్చినవారికైనా ప్రశ్నలకు జవాబులిస్తుంది. చాలామందికి డిజిటల్ మనిషి అనే అనుమానమైనా రాదు.
ఈ అవతారం పేరు నోలా. వినియోగదార్లకు ఆహ్వానం పలుకుతుంది. నవ్వుతూ, మృదువుగా మాట్లాడుతుంది. టెలివిజన్లయినా, బ్రాండెండ్ హెడ్ఫోన్లయినా.. ఏమేం కొనాలని అనుకుంటున్నారో ఆరా తీస్తుంది. వాటి గురించి సవివరంగా వివరిస్తుంది. స్టోర్లో ఏ ఉద్యోగి దగ్గరికి వెళ్లాలో కూడా నిర్ణయిస్తుంది. వినియోగదారులు ఇష్టపడితే వారి పేరు తెలుసుకొని, ఉద్యోగి ఫోన్కు సమాచారం ఇస్తుంది. ఇలా రోజూ ఎంతోమందికి సేవలందిస్తుంది.
కాలం అమూల్యం. అందుకే యూబీఎస్ ముఖ్య ఆర్థికవేత్త డేనియల్ కాల్ట్ విభిన్నంగా ఆలోచించారు. తన రూపంతోనే డిజిటల్ మానవుడిని సృష్టించుకున్నారు. కృత్రిమ మేధతో పనిచేసే దీని సాయంతో క్లయింట్లతో మాట్లాడుతుంటారు. అంటే డిజిటల్ రూపంలో క్లయింట్ల సమస్యలను పరిష్కరిస్తూనే నిజరూపంలో తన పనులు చేసుకుంటారన్నమాట. ఇది మామూలు యూబీఎస్ చాట్బోట్ కాదు. డేనియల్ కాల్ట్తో ప్రత్యక్షంగా మాట్లాడుతున్నామన్న అనుభూతి కలిగిస్తుంది.
ఆల్బర్ ఐన్స్టీన్తో మాట్లాడాలని ఉందా? అయితే నేరుగా మాట్లాడండి. మీ సందేహాలు తీర్చుకోండి. ఆయన మరణించారు కదా, అదెలా సాధ్యమంటారా? నిజం ఐన్స్టీన్ను కలుసుకోలేకపోవచ్చు గానీ డిజిటల్ ఐన్స్టీన్తో సంభాషించటం సాధ్యమే. ఆల్బర్ ఐన్స్టీన్ నోబెల్ బహుమతిని అందుకొని వందేళ్లు పూర్తయిన సందర్భంగా ఆయన డిజిటల్ రూపాన్ని సృష్టించారు మరి. ఆయన వ్యక్తిత్వం, విజ్ఞానం అన్నింటినీ కలబోసి కృత్రిమ మేధ సాయంతో మాట్లాడేలా చేశారు. ఈ అవతారంతో రోజూ క్విజ్లో పాల్గొనొచ్చు. ఐన్స్టీన్ జీవితం, కృషి గురించి ఏదైనా అడిగి తెలుసుకోవచ్చు. ఐన్స్టీన్ మనల్ని చూస్తూ, మనతో నిజంగానే మాట్లాడుతున్న అనుభూతి కలుగుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
నాచులో నత్రజని ఫ్యాక్టరీ
ప్రకృతిలో బ్యాక్టీరియా, ప్రాణులు ఒకదాని మీద మరోటి ఆధారపడటం (సింబయోటిక్) మామూలే. కానీ ఆ బ్యాక్టీరియా ప్రాణిలో భాగంగా మారితే? శక్తినందించే వనరుగా పరిణమిస్తే? అలాంటి విషయాన్నే శాస్త్రవేత్తలు గుర్తించారు. -
లిథియం బ్యాటరీ పేలకుండా..
ఇప్పుడు లిథియం-అయాన్ బ్యాటరీలు లేని డిజిటల్ పరికరాలను ఊహించుకోలేం. సెల్ఫోన్ల దగ్గరి నుంచి స్మార్ట్వాచ్ల వరకూ అన్నింటికీ ఇవే ఆధారం. ఐప్యాడ్, మ్యాక్, ఎలక్ట్రిక్ టూత్బ్రష్, ట్రిమ్మర్ వంటివీ వీటితోనే పనిచేస్తాయి. -
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అణువు మందం బంగారు పొర
బంగారాన్ని పొరలుగా మలచటం తెలుసు. కానీ అతి పలుచటి.. ఆ మాటకొస్తే కేవలం అణువు మందం పొరగా మలచటం చాలా కష్టం. ఇందుకోసం శాస్త్రవేత్తలు చాలాకాలంగా ప్రయత్నిస్తున్నారు. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
నక్షత్రాలూ సంచరిస్తాయి!
నక్షత్ర మండలంలో కోట్లాది నక్షత్రాలుంటాయి. సాధారణంగా ఇవి తమ నక్షత్ర మండలానికే పరిమితమవుతాయి. కానీ కొన్ని మాత్రం నక్షత్ర మండలాల మధ్య తిరుగుతుంటాయి. తమ నక్షత్ర మండలం గురుత్వాకర్షణకు కట్టుబడి ఉండవు. -
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు.
తాజా వార్తలు (Latest News)
-
విద్యార్థుల చిరునవ్వుల కోసం ఓ టీచర్ ఫన్నీ యాక్ట్.. వీడియో వైరల్
-
(ADVT) జేఈఈ మెయిన్ ఓపెన్ కేటగిరీలో ఆలిండియా 1st ర్యాంక్ నారాయణదే
-
రోజుకు 10వేల పౌండ్లు ఇవ్వమని కోరా: వీరేంద్ర సెహ్వాగ్
-
బాలీవుడ్ హీరోతో సినిమా.. దర్శకుడు వంశీ పైడిపల్లి ఏమన్నారంటే?
-
బ్యాంకింగ్ స్టాక్స్లో కొనుగోళ్ల మద్దతు.. రాణించిన సూచీలు
-
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!