Year Ender 2021: వికీపీడియాలోఈసారి ఎక్కువ వ్యూస్ వీటికే..!
2021లో అత్యధిక వ్యూస్ లభించిన టాప్ 10 ‘వికీపీడియా’ పేజీల జాబితా మీ కోసం..
ఇంటర్నెట్లో ఏదైన సమాచారం తెలుసుకోవాలంటే.. అందరికీ ముందుగా గుర్తొచ్చేది ‘వికీపీడియానే (Wikipedia)’. వికీపీడియా పేజీని ఏ వ్యక్తి అయినా, ఎక్కడి నుంచైనా ఎడిట్ చేయవచ్చు. తప్పులు ఉంటే సరిచేయవచ్చు. అందువల్లే కచ్చితమైన సమాచార వ్యాప్తిలో వికీపీడియా ప్రపంచ అతిపెద్ద కమ్యూనిటీ వ్యవస్థగా నిలిచింది. మరి సమాచార టెక్ భాండాగారంగా ప్రసిద్ధి చెందిన ఈ ‘వికీపీడియా’లో.. ఈ ఏడాది (2021) వీక్షకులు అత్యధికంగా చదివిన టాప్ 10 పేజీలెంటో తెలుసా?
అగ్రస్థానంలో ‘డెత్స్ ఇన్ 2021’
‘డెత్స్ ఇన్ 2021 (Deaths in 2021)’ వికీపీడియా పేజీని ఈ ఏడాది అత్యధికంగా 4.27 కోట్ల (4,27,48,490) మంది చదివారు. ప్రపంచవాప్తంగా 2021లో మరణించిన ప్రముఖల జాబితా (ఇంగ్లాండ్ ప్రిన్స్ ఫిలిప్ నుంచి హాలీవుడ్ నటి జెస్సికా వాల్టర్ వరకు) ఇందులో ఉంది.
సెకండ్ మోస్ట్ రీడ్లో రాణి ఎలిజబెత్-2
బ్రిటన్ చరిత్రలోనే అత్యధిక కాలం రాణి హోదాలో కొనసాగుతున్న ఎలిజబెత్-2 (95) పేజీ ఈ ఏడాది టాప్ సెకండ్ మోస్ట్ రీడ్లో నిలిచింది. 2021లో రాణి ఎలిజబెత్-2 (Elizabeth II) సంబంధిత ఆర్టికల్ను 2021లో 2.52 కోట్ల (2,52,90,406) మంది వీక్షించారు. అయితే, రాణి ఎలిజబెత్-2 పేజీని అత్యధిక ఇంత మంది చదవడానికి ఓ సంచలన కారణం ఉంది. అదెంటంటే.. రాణి ఎలిజబెత్-2 మరణించిన అనంతరం చేపట్టేబోయే పలు కార్యకమ్రాలు పత్రాలు ఈ ఏడాది లీకయ్యాయి. ఇందుకు సంబంధించిన వార్తల కథనాలను ప్రపంచ వ్యాప్తంగా అన్ని పత్రికలు ప్రధానాంశాలుగా ప్రచురించాయి.
ఎలాన్కు సరిలేరెవరు..!
స్పేస్ఎక్స్, టెస్లా కార్ల సంస్థ వ్యవస్థాపకుడు ఎలాన్ మస్క్ (Elon Musk) ఈ ఏడాది ప్రతివారం ఏదో ఒకవిధంగా వార్తల్లో నిలిచారు. ట్విటర్లో అతని టెక్స్ట్, క్రిప్టోకరెన్సీని అంగీకరించడం, SpaceX విజయాలు, టెస్లా కార్లు, టైమ్ మేగజీన్ ఎలాన్ను ఈ ఏటి మేటి వ్యక్తిగా (పర్సన్ ఆఫ్ ద ఇయర్-2021గా) ప్రకటించడం వంటివి 2021లో ప్రధాన వార్తలే. సంపద విషయంలో ప్రపంచ కుబేరుడైన అమెజాన్ వ్యవస్థాపకుడు జెఫ్ బెజోస్ను మస్క్ ఇటీవలే అధిగమించారు కూడా. ఇలాంటి ప్రధానమైన వార్తల నేపథ్యంలో ఎలాన్ మస్క్ వికీపీడీయాకు 2.41 కోట్ల వ్యూస్ లభించాయి.
‘స్క్విడ్ గేమ్’ వ్యూస్ @ 2.18 కోట్లు
ప్రస్తుతం ఏ దేశంలో చూసిన ‘స్క్విడ్ గేమ్ (Squid Game)’ వెబ్ సిరీస్ గురించే చర్చ. సెప్టెంబర్ 17న ప్రేక్షకుల ముందుకొచ్చిన ఈ వెబ్సిరీస్ విడుదలైన 90 దేశాల్లో నెం.1గా కొనసాగుతుంది. నెట్ఫ్లిక్స్లో విడుదలై తక్కువ సమయంలో ఎక్కువమంది చూసిన వెబ్సిరీస్గా నిలిచింది. ఈ ఘనతతో పాటే 2.18 కోట్ల వీక్షణలతో వికీపీడియాలో ‘స్క్విడ్ గేమ్’ నాలుగో స్థానంలో నిలిచింది.
రికార్టు గోల్స్తో ఐదోస్థానంలో..
ఉర్రూతలూగించే ఫుడ్బాల్ ప్లేయర్ క్రిస్టియానో రొనాల్డొ (Cristiano Ronaldo) వికీపీడియా పేజీకి ఎప్పటిలాగే ఈసారీ ఆదరణ లభించింది. 1.87 కోట్ల వ్యూస్తో రొనాల్డొ వికీపీడియా పేజీ ఈ ఏడాది ఐదో స్థానంలో నిలిచింది. ఈ మధ్యే అంతర్జాతీయ ఫుట్బాల్లో అత్యధిక గోల్స్ (111) సాధించిన ఏకైక ఆటగాడిగా క్రిస్టియానో రొనాల్డొ చరిత్ర సృష్టించిన సంగతి తెలిసిందే. ఐర్లాండ్తో జరిగిన ప్రపంచకప్ అర్హత మ్యాచులో ఈ పోర్చుగల్ స్టార్ రెండు గోల్స్ కొట్టి ఈ ఘనత సాధించాడు.
ప్రిన్స్ ఫిలిప్
బ్రిటన్ రాణి ఎలిజబెత్-2 భర్త ప్రిన్స్ ఫిలిప్ (99) ఈ ఏడాది ఏప్రిల్ 9న కన్నుమూసిన విషయం విధితమే. గుండె సంబంధిత ఆపరేషన్ తర్వాత కోలుకుని ప్యాలెస్కు చేరుకున్న ఆయన తుదిశ్వాస విడిచినట్లు బకింగ్హామ్ ప్యాలెస్ ప్రకటించింది. ఈ నేపథ్యంలో ప్రిన్స్ ఫిలిప్ (Prince Philip) వికీపీడియాను 1.81 కోట్ల మంది చదివారు. గ్రీకు రాకుమారుడైన ఫిలిప్ 1947లో ఎలిజెబెత్ను వివాహం చేసుకుని బ్రిటన్ రాజ్యానికి వచ్చారు. అప్పటి నుంచి రాణి వెన్నంటి ఉంటూ పాలనపరంగా అన్నివిధాలా సహాయ సహకారాలు అందించారు.
తగ్గేదేలే..!
ప్రపంచ వ్యాప్తంగా ఫుట్బాల్ ఆటకు ఉన్న అభిమానుల సంఖ్య గురించి ప్రత్యేకంగా చెప్పక్కర్లేదు. ఏటా ఫుట్బాల్కు ఆదరణ అంతకంతకు పెరుగుతుందే తప్ప.. తగ్గడం లేదు. ఈసారి 16వ యూరోపియన్ ఛాంపియన్షిప్ ఫుట్బాల్ టోర్నీ (UEFA Euro 2020)లో ఇటలీ ఛాంపియన్గా నిలిచింది. ఇంగ్లాండ్పై 3-2 తేడాతో 1968 తర్వాత ఇటలీ యూరోకప్ను మరోసారి ముద్దాడింది. ఈ నేపథ్యంలో యూరోపియన్ ఛాంపియన్షిప్ ఫుట్బాల్ టోర్నీ పేజీని ఈ ఏడాదిని 1.74 కోట్ల మంది వీక్షించారు.
అమెరికా @ 8, 9, 10
ప్రపంచ అతిపెద్ద ఆర్థిక వ్యవస్థ అమెరికా (United States) ఈ ఏడాది తరచూ వార్తల్లో నిలిచింది. 2021లో అమెరికాలో చాలా మార్పులు జరిగాయి. నూతన అధ్యక్షుడిగా జో బైడన్ ఎన్నిక నుంచి యూఎస్ కాపిటల్ ముట్టడి, తిరుగుబాటు దారులపై కాల్పులు, అఫ్గాన్లో యూఎస్ బలగాల ఉపసంహరణ వంటి పెద్దన్న నిర్ణయాలతో అమెరికా వికీపీడియా పేజీని 1.71 కోట్ల మంది చదివారు. దీంతో ఈ ఏడాది టాప్ 10 వికీపీడీయా పేజీల్లో అమెరికా 8 స్థానంలో నిలిచింది. మరోవైపు 46వ అమెరికా అధ్యక్షుడిగా ఎన్నికైన జో బైడన్ (Joe Biden) వికీపీడియా 1.68 కోట్ల వ్యూస్తో 9వ స్థానంలో, మాజీ అధ్యక్షుడు డొనాల్డ్ డ్రంప్ (Donald Trump) పేజీ 1,.63 కోట్ల వ్యూస్తో పదో స్థానంలో నిలవడం విశేషం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్.