Vivo Y33T: ‘వై’ సిరీస్‌లో వివో కొత్త ఫోన్‌.. ధర, ఫీచర్లివే

ఇంటర్నెట్‌ డెస్క్‌: వివో (Vivo) కంపెనీ వై సిరీస్‌లో కొత్త ఫోన్‌ను మార్కెట్లోకి విడుదల చేసింది. వివో వై33టీ (Vivo Y33T) పేరుతో ఈ మోడల్‌ను పరిచయం చేసింది. ఈ ఫోన్‌లో హై-రిజల్యూషన్ సెల్ఫీ కెమెరా సెన్సర్లు అమర్చినట్లు వివో చెబుతోంది. మరి ఈ ఫోన్‌ ధర, ఇతర ఫీచర్లతోపాటు, ఎప్పటి నుంచి అమ్మకాలు ప్రారంభం కానున్నాయనేది చూద్దాం.

ఈ ఫోన్‌ ఆండ్రాయిడ్ ఆధారిత ఫన్‌టచ్‌ ఓఎస్‌ 12 ఓఎస్‌తో పనిచేస్తుంది. 90 హెర్జ్‌ రిఫ్రెష్‌ రేటుతో 6.58 అంగుళాల ఫుల్‌హెచ్‌డీ+ డిస్‌ప్లే ఇస్తున్నారు. ఇందులో స్నాప్‌డ్రాగన్‌ 680 ప్రాసెసర్‌ ఉపయోగించారు. వై33టీలో మొత్తం నాలుగు కెమెరాలున్నాయి. వెనుక మూడు, ముందు ఒకటి ఇస్తున్నారు. వెనుకవైపు 50 ఎంపీ ప్రధాన కెమెరాతోపాటు రెండు 2 ఎంపీ కెమెరాలున్నాయి. ముందుభాగంలో 16 ఎంపీ సెల్ఫీ కెమెరా అమర్చారు. 5,000 ఎంఏహెచ్ బ్యాటరీ ఉంది. ఇది 18 వాట్‌ ఫాస్ట్‌ ఛార్జింగ్‌కు సపోర్ట్ చేస్తుంది.

వివో వై33టీ మోడల్‌ను 8 జీబీ ర్యామ్‌/128 జీబీ అంతర్గత స్టోరేజ్‌ వేరియంట్లో తీసుకొచ్చారు. దీని ధర రూ. 18,990. మిడ్‌ డే డ్రీమ్‌, మిర్రర్ బ్లాక్ రంగుల్లో లభిస్తుంది. అమెజాన్‌, ఫ్లిప్‌కార్ట్‌, వివో ఇండియా ఈ-స్టోర్‌, పేటీఎం, టాటా, బజాజ్‌ ఫిన్‌సర్వ్‌ ఆన్‌లైన్‌ స్టోర్లతోపాటు అన్ని ఆఫ్‌లైన్‌ స్టోర్ల నుంచి ఈ ఫోన్లను కొనుగోలు చేయొచ్చు.

► Read latest Technology News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.