CES 2022: ప్రపంచ టెక్ సదస్సులో.. అలరించేవి ఇవేనా..?
ప్రపంచ అతిపెద్ద టెక్ సదస్సు-2022కు సర్వం సిద్ధమైంది. ఈ నేపథ్యంలో సీఈఎస్-2022లో..
ఎప్పటిలాగే ప్రపంచ అతిపెద్ద టెక్ సదస్సు-2022 (Consumer Electronics Show, CES-2022)కు సర్వం సిద్ధమైంది. టెక్నాలజీ ప్రపంచం దూసుకెళ్తోన్న వేళ.. భవిష్యత్తులో రాబోయే మరిన్ని గ్యాడ్జెట్లు, ఆవిష్కరణ ఆలోచనల పరిచయానికి ఈ సదస్సు వేదిక కానుంది. అమెరికా నెవడాలోని వెంచెస్టర్ లాస్ వెగాస్ కన్వెన్షన్ సెంటర్లో జనవరి 5 నుంచి 8 వరకు.. ఈ ‘వరల్డ్ బిగెస్ట్ టెక్నాలజీ ట్రెండ్ షో’ జరగనుంది. దీనిలో భాగంగా పలు దిగ్గజ కంపెనీలు వాటి తాజా ఉత్పత్తులు, త్వరలో తీసుకురాబోయే గ్యాడ్జెట్ల ప్రొటొటైప్లు పంచుకోనున్నాయి. ఈ నేపథ్యంలో సీఈఎస్-2022 వేడుకలో కంపెనీల నుంచి ఏం ఆశించవచ్చో చూద్దాం..!
సరికొత్త గ్రాఫిక్స్ టెక్నాలజీ
కంప్యూటర్ యుగంలో సరికొత్త గ్రాఫిక్స్ కార్డులకు సంబంధించి ఇంటెల్ (Intel) కంపెనీ ‘ఆర్క్ ఆల్కెమిస్ట్ (Arc Alchemist)’ గ్రాఫిక్స్ కార్డుపై సీఈఎస్-2022లో ప్రకటన చేసే అవకాశం ఉంది. అలాగే NVIDIA ‘RTX 3090 Ti’ గ్రాఫిక్స్ను పరిచయం చేయనున్నట్లు వార్తలు వస్తున్నాయి. మరోవైపు భవిష్యత్తు సాంకేతికను దృష్టిలో పెట్టుకొని మీడియాటెక్ (MediaTek) Wi-Fi 7 సాంకేతికను ప్రదర్శించనున్నట్లు సమాచారం.
ల్యాప్టాప్లు, మొబైళ్లు
సీఈఎస్-2022లో ఈసారి కూడా ఏసర్ (Acer), డెల్ (Dell), రేజర్ (Razer) కంపెనీల నుంచి మరిన్ని కొత్త ల్యాప్టాప్లు పరిచయం కావచ్చు. మినీ ఎల్ఈడీ డిస్ప్లేలు, డీడీఆర్5 (DDR5) ర్యామ్ వంటి అధునాతన టెక్నాలజీలు ఈ కొత్త ల్యాప్టాప్లలో భాగమే. మరోవైపు స్మార్ట్ మొబైల్స్లో శాంసంగ్ నుంచి గెలాక్సీ ఎస్21 ఎఫ్ఈ (Galaxy S21 FE)తో పాటు ఏ సిరీస్ కొత్త మోడల్లు, ఆసుస్ నుంచి ఆర్ఓజీ గేమింగ్ టాబ్లెట్ను ఆ కంపెనీ ప్రతినిధులు ఈ వేడుకలో లాంచ్ చేయవచ్చు. వీటితో పాటే పలు మొబైల్ కంపెనీలు వాటి ఉత్పత్తులను పరిచయం చేసే అవకాశం ఉంది.
టీవీలు, గృహోపకరణాలు
టీవీల్లో OLED ప్యానెల్ టెక్నాలజీకి సంబంధించి దిగ్గజ కంపెనీ ఎల్జీ (LG) నెక్స్ట్ జనరేషన్ ‘OLED EX’ను ప్రదర్శించనుంది. ప్రస్తుతం OLED ప్యానెల్ టీవీల్లో కంటే ఇది 30 శాతం అధిక బ్రైట్నెస్తో పనిచేస్తుందని ఎల్జీ ఇప్పటికే ప్రకటించింది. వీటితో పాటే ఎల్జీ నుంచి కొత్తతరం స్క్రీన్లు, టీసీఎల్ (TCL) నుంచి 6 సిరీస్ మినీ ఎల్ఈడీ టీవీలు ఆశించవచ్చు. మరోవైపు హై-ఎండ్ OLED టీవీలకు దీటుగా శాంసంగ్ (Samsung) కొత్త డిస్ప్లే టెక్నాలజీ ‘క్వాంటం డాట్ OLED (QD-OLED)’ను తీసుకురావాలని యోచిస్తున్నట్లు సమాచారం. ఇవేకాకుండా సోనీ (Sony) తన కొత్త టీవీని ఈ వేడుకల్లో ఆవిష్కరించే అవకాశం ఉంది. మరోవైపు గృహోపకరణాలకు సంబంధించి సీఈఎస్-2022లో అత్యాధునిక వాక్యూమ్ క్లీనర్లు, కమర్షియల్ రోబోట్లను పలు కంపెనీలు పరిచయం చేయనున్నాయి.
పక్కాగా ఏర్పాట్లు..
కరోనా వ్యాప్తిని దృష్టిలో పెట్టుకొని సీఈఎస్-2022 ఈవెంట్ను వాయిదా వేయాలని కొన్ని వారాల కింద అమెజాన్, గూగుల్, ఇంటర్, మైక్రోసాఫ్ట్ వంటి కంపెనీలు కోరాయి. అయితే వాయిదా, వర్చువల్ సదస్సుకు బదులుగా సీఈఎస్-2022ను కన్స్యూమర్ టెక్నాలజీ అసోసియేషన్ పక్కాగా ప్లాన్ చేసింది. ఎంపిక చేసిన పరిమిత కంపెనీ ప్రతినిధులను మాత్రమే ఈవెంట్కు ఆహ్వానించింది. కంపెనీల ప్రతినిధుల ఒకవేళ వ్యక్తిగతంగా హాజరుకాకుంటే ఆన్లైన్ ద్వారా వారి గ్యాడ్జెట్లను పరిచయం చేసుకోవచ్చని తెలిపింది. అలాగే సదస్సులోని పలు ముఖ్యమైన కార్యక్రమాలను లైవ్లో వీక్షించేందుకు సీఈఎస్-2022 వెబ్సైట్ను చూడవచ్చని గ్యాడ్జెట్ ప్రియులకు సూచించింది.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది. -
గాజు బిందువు ఇంద్రజాలం
ఎప్పుడైనా గాజు కన్నీటి చుక్కల గురించి విన్నారా? అవి స్టీలు కన్నా దృఢంగా ఉంటే? బుల్లెట్ దెబ్బనైనా తట్టుకుంటే? సైన్స్ సూత్రాలనూ ధిక్కరిస్తే? అంత విచిత్రమైన గాజు బిందువు లేంటని అనుకుంటున్నారా? అవే ప్రిన్స్ రూపర్ట్స్ డ్రాప్స్. -
వృక్షో రక్షతి రక్షితః
జీవ పరిణామ సిద్ధాంతాన్ని ప్రతిపాదించిన ఛార్లెస్ డార్విన్ అప్పుడెప్పుడో కన్న కల ఎట్టకేలకు సాకారమైంది. ప్రపంచంలో మనకు తెలిసిన అన్ని మొక్కల జాబితాను రూపొందించాలనే ఆయన ఆశయాన్ని రాయల్ బొటానిక్ గార్డెన్స్ ఇటీవల సాకారం చేసింది. -
వాతావరణతరంగ శోధన
భూమి, అంతరిక్ష వాతావరణం మధ్య జరిగే చర్యల మీద అధ్యయనం చేయటం దీని ఉద్దేశం. -
ఏఐయ్యారే!
సాంకేతిక రంగంలో కృత్రిమ మేధ (ఏఐ) సృష్టిస్తున్న సంచలనం అంతా ఇంతా కాదు. ఛాట్జీపీటి సమస్త సమాచార సారాంశాన్ని చిటికెలో ముందుంచుతోంది. -
వర్షం కృత్రిమం
ఉక్కపోస్తే ఫ్యాన్ వేసుకుంటాం. చుట్టుపక్కల గాలిని మనవైపు తిప్పుకొంటాం. ఇంట్లో ఉష్ణోగ్రత పెరిగితే ఏసీ వేసుకుంటాం. వేడి గాలిని చల్లబరచి హాయిని అనుభవిస్తాం -
Phone Hacking: ఫోన్ హ్యాక్ అయ్యిందా?
ప్రభుత్వ ప్రాయోజిత అటాకర్లు ఐఫోన్ల మీద దాడి చేసే అవకాశముందని ఇటీవల యాపిల్ సంస్థ ప్రముఖ ప్రతిపక్ష నేతలు, పాత్రికేయులను హెచ్చరించటం తీవ్ర కలకలం సృష్టించింది. ఒక్క మనదేశానికి చెందినవారికే కాదు.. 150 దేశాల్లోకి వ్యక్తులకూ ఈ నోటిఫికేషన్లు అందాయి. దీనిపై కేంద్ర ప్రభుత్వం యాపిల్కు నోటీసులు జారీ చేసి, వివరణ కోరింది.
తాజా వార్తలు (Latest News)
-
ఎన్నికల మేనిఫెస్టోను ఏప్రిల్ 6న విడుదల చేయనున్న కాంగ్రెస్
-
బెంగళూరు కేఫ్ పేలుడు ఘటన.. కీలక కుట్రదారు అరెస్ట్!
-
వరంగల్ జకోటియ షాపింగ్ కాంప్లెక్స్లో భారీ అగ్ని ప్రమాదం
-
కేజ్రీవాల్పై వ్యాఖ్యలు.. మరోసారి అమెరికాకు భారత్ కౌంటర్
-
ఆ మాజీ సీఎం తనయుడి ఆస్తి ₹700 కోట్లు.. సొంత వాహనం లేదు!
-
రిటైల్ బ్రాండ్ల చూపు.. ఆలయ నగరాల వైపు