వాట్సప్‌లో ఆడియో ఛాట్స్‌

వాట్సప్‌ కొత్తగా ఆడియో ఛాట్స్‌ ఫీచర్‌ను ప్రవేశపెట్టనుంది. మున్ముందు అప్‌డేట్‌తో ఇది ఆండ్రాయిడ్‌ ఫోన్లకు అందుబాటులోకి రానుంది. దీని ద్వారా ఆడియో ఛాట్స్‌ను కొనసాగించొచ్చు. అవతలివారు మాట్లాడటం ఆపినట్టు తెలియటానికి ఎర్ర బటన్‌ కూడా కనిపిస్తుంది. తరంగాల మాదిరి గుర్తుతో ఇది ఛాట్‌ హెడర్‌లో కనిపించనుంది.

* వాట్సప్‌లో గ్రూపులకు రోజురోజుకీ ఆదరణ పెరుగుతోంది. నిత్య జీవితంలో ఇవి ముఖ్యమైన భాగంగానూ మారిపోయాయి. దీంతో అడ్మిన్ల పర్యవేక్షణ కీలకంగా మారింది. దీన్ని దృష్టిలో పెట్టుకునే అడ్మిన్ల కోసం ప్రత్యేకంగా కొత్త ఫీచర్‌ను జోడించింది. దీని ద్వారా ఎవరినైనా గ్రూపులో చేర్చుకోవాలా? వద్దా? అనేది అడ్మిన్లు నిర్ణయించుకోవటానికి వీలవుతుంది.

* మొబైల్‌ వర్షన్‌లో మాదిరిగా త్వరగా లోడ్‌ కావటానికి విండోస్‌ కోసం కొత్త ఇంటర్ఫేస్‌నూ పరిచయం చేసింది.