ఆరోగ్య సేతు’ డౌన్‌లోడ్‌ల సంఖ్య తెలుసా!

ఆరు కోట్లు దాటినట్లు కేంద్ర మంత్రి వెల్లడి

న్యూదిల్లీ: కరోనా ముప్పుపై ప్రజలను అప్రమత్తం చేసేందుకు కేంద్ర ప్రభుత్వం ‘ఆరోగ్య సేతు’ యాప్‌ను ప్రవేశపెట్టిన విషయం తెలిసిందే. ఇప్పటివరకు దేశవ్యాప్తంగా ఆరు కోట్లకు పైగా ప్రజలు ఈ యాప్‌ను డౌన్‌లోడ్‌ చేసుకున్నారు. ఈ విషయాన్ని కేంద్ర మంత్రి రవిశంకర్‌ ప్రసాద్‌ శనివారం ట్విటర్‌ వేదికన వెల్లడించారు. ప్రధాని నరేంద్ర మోదీ నాయకత్వంలో దేశవాసులంతా నిబద్ధతగా కరోనాపై పోరాడుతున్నారనే విషయాన్ని ఈ సంఖ్య స్పష్టం చేస్తోందన్నారు. మహమ్మారి కట్టడిలో భారత్‌ ఇతర దేశాలకు మార్గదర్శకంగా నిలుస్తోందని పేర్కొన్నారు. మరోవైపు భారత్‌లో అత్యంత వేగంగా 5 కోట్ల డౌన్‌లోడ్‌లు పూర్తి చేరుకున్న యాప్‌గా ఆరోగ్యసేతు రికార్డు సృష్టించినట్లు నీతిఆయోగ్‌ ఇటీవలే వెల్లడించింది. కరోనా పాజిటివ్‌ వ్యక్తులకు దగ్గరగా వెళ్లినప్పుడు బ్లూటూత్‌, లోకేషన్‌ ట్రాకింగ్‌ ఆధారంగా ఈ యాప్‌ మనల్ని అప్రమత్తం చేస్తుంది.