ఎంపీని మోసం చేసేందుకు యత్నించిన నిందితుల అరెస్టు

అభిషేక్‌, బాలాజీ

తిరుపతి: తిరుపతి ఎంపీ డాక్టర్‌ గురుమూర్తికి ఫోన్‌ చేసి రాయితీ రుణాల యూనిట్లు మంజూరు చేయిస్తానని.. అందుకు రూ.25 లక్షల నగదు తన బ్యాంకు ఖాతాకు జమ చేయాలని మోసం చేయడానికి యత్నించిన నిందితుడిని హైదరాబాద్‌ టాస్క్‌పోర్స్‌ పోలీసులు అరెస్టు చేశారు. ముఖ్యమంత్రి కార్యాలయంలోని ఖాదీ, గ్రామీణ పరిశ్రమల కమిషన్‌లో పనిచేస్తున్నానంటూ ఎంపీకి ఫోన్‌ చేసి మోసం చేయడానికి అభిషేక్‌ యత్నించారు. దర్యాప్తులో టాస్క్‌ఫోర్స్‌ పోలీసులు ఇతనితోపాటు బాలాజీ నాయుడును అరెస్టు చేశారు. తెలంగాణలో ఇదే తరహాలో నాలుగు మోసాలకు పాల్పడ్డారని సమాచారం.