HYd News: బాలికపై లైంగిక దాడికి యత్నించిన మజ్లీస్‌ నేత... పోక్సో చట్టం కింద కేసునమోదు

హైదరాబాద్‌: ఓ రాజకీయ పార్టీకి చెందిన నాయకుడు మైనర్‌ బాలికపై లైంగిక దాడికి యత్నించిన ఘటన హైదరాబాద్‌లో జరిగింది. బేగంబజార్‌ పోలీస్‌ స్టేషన్‌ పరిధిలో 13 ఏళ్ల బాలికపై జాంబాగ్‌కు చెందిన మజ్లీస్‌ నాయకుడు రఫిక్‌ అత్యాచార యత్నానికి పాల్పడ్డారు. పటేల్‌నగర్‌లోని బాలాజీ అపార్ట్‌మెంట్‌లో ఉండే రఫిక్‌ .. బాలికను భయపెట్టి తన ఇంట్లోనే లైంగిక దాడికి యత్నించడంతో ఆమె కేకలు వేసింది. కుటుంబ సభ్యులకు బాలిక విషయం తెలపడంతో రఫిక్‌కు దేహశుద్ధి చేసి పోలీసులకు అప్పగించారు. ఫోక్సో చట్టం కింద కేసు నమోదు చేసిన బేగంబజార్‌ పోలీసులు నిందితుడ్ని రిమాండ్‌కు తరలించారు. పోలీసులు రాజకీయ ఒత్తిళ్లకు లొంగకుండా రఫిక్‌పై చట్టప్రకారం చర్యలు తీసుకోవాలని బాలిక కుటుంబ సభ్యులు, స్థానికులు డిమాండ్‌ చేశారు.