Telangana news : ఆన్‌లైన్‌ బోధనపై వెనక్కి తగ్గిన వర్సిటీలు

హైదరాబాద్‌: ఆన్‌లైన్‌ బోధనపై తెలంగాణలోని యూనివర్సీటీలు వెనక్కి తగ్గాయి. రేపట్నుంచి ప్రత్యక్ష తరగతులే నిర్వహించాలని ఓయూ నిర్ణయించింది. మరోవైపు జేఎన్‌టీయూహెచ్‌ కూడా ప్రత్యక్ష తరగతులే నిర్వహించనుంది. రాష్ట్రంలో కరోనా పాజిటివిటీ రేటు తగ్గడంతో రాష్ట్రవ్యాప్తంగా అన్ని విద్యా సంస్థల్లోనూ ఫిబ్రవరి 1 నుంచి ప్రత్యక్ష తరగతులు నిర్వహించాలని విద్యాశాఖ మంత్రి సబితా ఇంద్రారెడ్డి వెల్లడించిన సంగతి తెలిసిందే. అయితే ప్రభుత్వ నిర్ణయానికి భిన్నంగా ఓయూ, జేఎన్‌టీయూహెచ్‌ ప్రత్యక్ష, ఆన్‌లైన్‌ తరగతులు నిర్వహించేందుకు సమాయత్తమయ్యాయి. ఈ నిర్ణయంపై ప్రభుత్వం అసహనం వ్యక్తం చేసింది. దీంతో ఈ రెండు వర్సిటీలు వెనక్కి తగ్గాయి. ప్రత్యక్ష తరగతులే నిర్వహిస్తామని ప్రకటిస్తూ.. విద్యార్థులంతా తరగతులకు హాజరవ్వాలని కోరాయి.