Singareni: సింగరేణిని కేంద్రం అమ్మేయాలనుకుంటోంది!: కొప్పుల ఈశ్వర్‌

హైదరాబాద్‌ : సింగరేణి సంస్థను ప్రైవేటు పరం చేసేందుకు కేంద్రం యత్నిస్తోందని తెలంగాణ మంత్రి కొప్పుల ఈశ్వర్‌ ఆరోపించారు. ప్రభుత్వ రంగ సంస్థలను అమ్మేందుకు కేంద్రం సమాయత్తమవుతోందన్నారు. తెలంగాణ భవన్‌లో మంత్రి మాట్లాడుతూ.. కొత్త చట్టాలను తీసుకొచ్చి బలవంతంగా సంస్థలపై కేంద్రం రుద్దుతోందని విమర్శించారు. లాభాల్లో ఉన్న సంస్థలను నష్టాల్లో నడుస్తున్నట్లు చూపిస్తున్నారని ఆరోపించారు. సింగరేణిలో రాష్ట్రానికి 51శాతం, కేంద్రానికి 49శాతం వాటలు ఉన్నప్పటికీ అధికారంలో ఉన్నమన్న అహంకారంతో సంస్థ హక్కులను ఎన్డీయే ప్రభుత్వం కాలరాస్తోందని కొప్పుల విమర్శించారు.