Dalit bandhu: దళిత బంధు అమలుకు మరో రూ.500 కోట్లు విడుదల

హైదరాబాద్‌: హుజూరాబాద్ నియోజకవర్గంలో దళితబంధు పథకం పైలట్ ప్రాజెక్టు అమలు కోసం రాష్ట్ర ప్రభుత్వం మరో రూ.500 కోట్లు విడుదల చేసింది. ఈ మేరకు ఎస్సీ కార్పొరేషన్ నిధులను కరీంనగర్ కలెక్టర్ ఖాతాకు బదిలీ చేసింది. విడతల వారీగా దళితబంధు పథకం పైలట్ ప్రాజెక్టు అమలు కోసం ఇప్పటికే రాష్ట్ర ప్రభుత్వం రూ. 1,500 కోట్లు విడుదల చేసింది. తాజాగా విడుదల చేసిన నిధులతో కలిపి ఈ ప్రాజెక్టు అమలుకు మొత్తంగా రూ. 2వేల కోట్లు విడుదల చేసినట్లు అయింది. దళితబంధు పథకం పైలట్ ప్రాజెక్టు కోసం రూ. 2వేల కోట్లు కేటాయిస్తానని పథకం ప్రారంభోత్సవ సభలో ముఖ్యమంత్రి కేసీఆర్‌ ప్రకటించిన విషయం తెలిసిందే. అందుకు అనుగుణంగా నిధులు విడుదల చేసిన అధికారులు.. ప్రాజెక్టు అమలుకు క్షేత్ర స్థాయిలో ఏర్పాట్లను పూర్తి చేశారు.