TS news : సంగారెడ్డిలో రూ.2కోట్ల విలువైన గంజాయి పట్టివేత

సదాశివపేట : సంగారెడ్డి జిల్లా సదాశివపేటలో రూ.2 కోట్ల విలువైన ఎండుగంజాయిని తరలిస్తున్న అంతర్రాష్ట్ర ముఠాను పోలీసులు అదుపులోకి తీసుకున్నారు. రాజమహేంద్రవరం నుంచి మహారాష్ట్రలోని నాందేడ్‌కు సుమారు వెయ్యి కిలోల ఎండు గంజాయిని తరలిస్తున్నారన్న సమాచారం మేరకు సదాశివపేట మండలం నందికంది వద్ద పోలీసులు తనిఖీలు చేపట్టారు. షేక్‌ సలీం, అజీజ్‌ఖాన్‌ ను అదుపులోకి తీసుకొని లారీని స్వాధీనం చేసుకున్నట్లు జిల్లా ఎస్పీ రమణకుమార్‌ వెల్లడించారు. పట్టుబడిన లారీలో 500 ప్యాకెట్లు.. ఒక్కోటి 2 కిలోల చొప్పున ఉన్నట్లు తెలిపారు. గంజాయిని తరలిస్తే కఠిన చర్యలు తప్పవని హెచ్చరించారు. మరోవైపు  కోహిర్‌ మండలం పీచేర్యాగడిలోనూ పోలీసులు భారీగా ఎండు గంజాయిని పోలీసులు స్వాధీనం చేసుకున్నారు. విశాఖ మన్యం నుంచి ముంబయికి గంజాయిని తరలిస్తున్న ముగ్గురు నిందితులను అరెస్టు చేశారు.