రేపు ఇంటర్‌ ఫలితాలు

 బోర్డు కార్యదర్శి వెల్లడి

ఈనాడు, హైదరాబాద్‌: ఇంటర్‌మీడియట్‌ ప్రథమ, ద్వితీయ సంవత్సరపరీక్షల ఫలితాలు మంగళవారం ఉదయం 11 గంటలకు విడుదల కానున్నాయి. ఈ మేరకు ఇంటర్‌బోర్డు కార్యదర్శి సయ్యద్‌ ఉమర్‌ జలీల్‌ ఆదివారం ఓ ప్రకటన జారీ చేశారు. ఇంటర్‌బోర్డు కార్యాలయంలో రాష్ట్ర విద్యాశాఖ మంత్రి సబితా ఇంద్రారెడ్డి ఫలితాలను విడుదల చేస్తారని ఆయన తెలిపారు. ఫలితాలు ‌www.eenadu.net,tsbie.cgg.gov.in, results.cgg.gov.in,examresults.ts.nic.in  తదితర వెబ్‌సైట్లలో అందుబాటులో ఉంటాయి. దాదాపు 9 లక్షల మంది విద్యార్థులు పరీక్షలు రాశారు.