8-10 తరగతులకు ఆన్‌లైన్‌ బోధన

 24 నుంచి 50 శాతం సిబ్బంది విధులకు వెళ్లాలి

పాఠశాల విద్యాశాఖ ఆదేశాలు

ఈనాడు, హైదరాబాద్‌: రాష్ట్రంలో 8, 9, 10 తరగతుల విద్యార్థులకు ఆన్‌లైన్‌ బోధన చేపట్టేందుకు అనుమతిస్తూ పాఠశాల విద్యాశాఖ సంచాలకురాలు శ్రీదేవసేన శనివారం ఆదేశాలు జారీ చేశారు. కరోనా పరిస్థితుల కారణంగా సెలవులను ఈనెల 30 వరకు పొడిగిస్తూ ప్రభుత్వం ఉత్తర్వులు జారీ చేసిన నేపథ్యంలో విద్యాశాఖ ఆన్‌లైన్‌ తరగతుల నిర్వహణకు ఆయా యాజమాన్యాలకు అనుమతి ఇచ్చింది. సర్కారు బడుల్లో కూడా ఆన్‌లైన్‌ తరగతులు(టీవీ పాఠాలు) ప్రారంభమవుతున్న నేపథ్యంలో ఈనెల 24 నుంచి 50 శాతం మంది బోధన, బోధనేతర సిబ్బంది విధులకు హాజరుకావాలని పేర్కొంది. సగం మంది ఒకరోజు, మిగిలిన సగం మంది మరో రోజు పాఠశాలలకు హాజరుకావాల్సి ఉంటుందని స్పష్టం చేసింది.