Updated : 12/10/2021 07:27 IST

TS News: ఊరికి ఉపకారం.. రూ.4.50 కోట్లతో భూగర్భ మురుగు కాలువలు

గతేడు రూ.78 లక్షలతో పాఠశాల భవన నిర్మాణం
స్థిరాస్తి వ్యాపారి స్ఫూర్తి

ఉన్నత స్థానంలో స్థిరపడగానే..పుట్టిన ఊరిని మరిచిపోతున్న వారెందరో. కామారెడ్డి జిల్లా బీబీపేట మండలం జనగామ గ్రామానికి చెందిన తిమ్మయ్యగారి వేణుగోపాల్‌రెడ్డి అందుకు భిన్నం. హైదరాబాద్‌లో భవన నిర్మాణ రంగంలో స్థిరపడిన ఆయన.. స్వగ్రామంలోనూ మెట్రో నగరాలకు మల్లే సౌకర్యాలు కల్పించాలని సంకల్పించారు. సుమారు రూ.4.50 కోట్లు వెచ్చించి 6.5 కి.మీ.ల మేర భూగర్భ మురుగు కాలువలు నిర్మించాలని నిర్ణయించారు. ఈ మేరకు సర్పంచి పాత రాజు ఆధ్వర్యంలో సోమవారం పనులు ప్రారంభించారు. తాను చదివిన ప్రాథమిక పాఠశాల గతేడాది కురిసిన వర్షాలకు కూలిపోయిందని స్థానికుల ద్వారా తెలుసుకుని రూ.78 లక్షల వ్యయంతో 8 గదులతో భవనం సిద్ధం చేయించారు. ప్రస్తుతం అక్కడే తరగతులు జరుగుతున్నాయి. ‘‘వేణుగోపాల్‌రెడ్డి గ్రామంలో 120 మంది పేదలకు గతంలో మరుగుదొడ్లు నిర్మించి ఇచ్చారని, రూ.35 లక్షలతో ఎనిమిది పడకలతో ప్రాథమిక ఆరోగ్య ఉపకేంద్రం నిర్మించేందుకు తాజాగా అంగీకరించారని’ సర్పంచి తెలిపారు.

- న్యూస్‌టుడే, బీబీపేట

Read latest Top News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని