Updated : 11/11/2021 16:30 IST

Weather Forecast: దక్షిణ కోస్తా, రాయలసీమకు వాయు‘గండం’

నేటి సాయంత్రానికి కరైకాల్‌, శ్రీహరికోట మధ్య తీరందాటే అవకాశం

ఈనాడు-అమరావతి: ఆగ్నేయ బంగాళాఖాతంలో ఏర్పడిన అల్పపీడనం బుధవారం రాత్రి వాయుగుండంగా మారింది. చెన్నై, పుదుచ్చేరికి ఆగ్నేయంగా 430 కిలోమీటర్ల దూరంలో కేంద్రీకృతమైన ఇది.. గురువారం సాయంత్రానికి తమిళనాడులోని కరైకాల్‌, ఆంధ్రప్రదేశ్‌లోని శ్రీహరికోట మధ్య తీరం దాటనుంది. దీని ప్రభావంతో గురు, శుక్రవారాల్లో ఆంధ్రప్రదేశ్‌లోని  నెల్లూరు, చిత్తూరు, కడప, అనంతపురం, ప్రకాశం, గుంటూరు జిల్లాల్లో అత్యంత భారీ వర్షాలు కురిసే అవకాశం ఉంది.  

చెన్నై సహా 8 జిల్లాలకు రెడ్‌ అలర్ట్‌  
తమిళనాడులోని చెన్నై సహా ఉత్తర జిల్లాలకు అతి భారీ వర్షాలకు సంబంధించి వాతావరణ శాఖ అధికారులు రెడ్‌ అలర్ట్‌ ప్రకటించారు.   చెన్నైలో గురువారం అతి భారీ వర్షాలు కురుస్తాయని తెలిపారు. ఉత్తర చెన్నై, తమిళనాడు డెల్టా ప్రాంతాల్లోని 8 జిల్లాలకు రెడ్‌ అలర్ట్‌ ప్రకటించారు.

తెలంగాణలో నేడు, రేపు వర్షాలు
వాయుగుండం ప్రభావంతో తెలంగాణలోని కొన్ని ప్రాంతాల్లో గురు, శుక్రవారాల్లో ఓ మోస్తరు వర్షాలు కురిసే అవకాశాలున్నాయి. బుధవారం ఉదయం 8 నుంచి రాత్రి 8 గంటల వరకు అక్కడక్కడ  వర్షాలు కురిశాయి. పలు ప్రాంతాల్లో చలి పెరుగుతోంది. బుధవారం తెల్లవారుజామున అత్యల్పంగా సత్వార్‌ (సంగారెడ్డి జిల్లా)లో 11.1, ఆదిలాబాద్‌లో 11.2 డిగ్రీల ఉష్ణోగ్రత నమోదైంది.


Read latest Top News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని